بالانى جولبارىسقا مىنگىزىپ سۋرەتكە ءتۇسىرۋ ارقىلى اقى العان ءىس تۋرالى دەلو تۇرعىزىلدى
بۇل ىسكە قاتىستى سەرىك ۇيىرمەسى ويىن قويۋدى دەرەۋ توقتاتتى
2023.12.12 16:22 كەلۋ قاينارى : حالىق تورابى
جۋىردا ينتەرنەتتە گۋاڭشيدىڭ بايسى قالاسى تياندۇڭ اۋدانىنداعى ءبىر سەرىك ۇيىرمەسىنىڭ بالانى جولبارىسقا مىنگىزىپ سۋرەتكە تۇسىرگەنى ءارى ءبىر سۋرەتكە 20 يۋان اقى العانى تۋرالى كەسكىن تارالدى.
مەيلى، مادەني كوڭىل اشۋ قيمىلى بولسىن، الدە، قىزىق كورۋ ءۇشىن بولسىن، ەشقانداي ۋاقىتتا دا، ادام ومىرىنە حاۋىپ تونەتىن جاعداي بولماۋى كەرەك. سەرىك ۇيىرمەسىنىڭ پايدا تابۋدى ماقسات ەتىپ، جۇرتتىڭ حاۋىپسىزدىگىن ەلەپ - ەسكەرمەۋى ”جان كەرەك ەمەس، اقشا كەرەك“ دەگەن سياقتى ورەسكەل ءىس. قاتىستى تاراۋلار، ءسوزسىز، تەكسەرىپ - بەكىتۋ رەسميەتىن قاتاڭ ورىنداپ، قاتاڭ ءبىر جاقتى ەتۋى قاجەت، ءبىر ءىس ارقىلى وسىنداي ارەكەت ۇيىمداستىرعانداردىڭ بارلىعىنا ەسكەرتۋ جاساۋى قاجەت.
12 - ايدىڭ 9 - كۇنى، ءتىلشىنىڭ بايسى قالاسى تياندۇڭ اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنەن ۇعىسۋىنشا، تەكسەرۋگە قاراعاندا، ىسكە قاتىستى سەرىك ۇيىرمەسى بەكىتۋدەن وتپەگەن جاعدايدا، 12 - ايدىڭ 6 - كۇنى كەشتە تياندۇڭ اۋدانى حىڭلي الاڭىنداعى بازاردىڭ شىعىس قاقپاسىندا ءوز بىلگەنىنشە ويىن قويعان ءارى بالالاردى جولبارىسقا مىنگىزىپ سۋرەتكە ءتۇسىرۋ ارقىلى اقى العان.
12 - ايدىڭ 8 - كۇنى تۇستەن كەيىن، تياندۇڭ اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى قىزمەتكەرلەردى ۇيىمداستىرىپ، بۇل ىسكە قاتىستى سەرىك ۇيىرمەسىنە تەكسەرۋ جۇرگىزىپ، زاڭ - تۇزىمگە ساي، سەرىك ۇيىرمەسىنە «رەتتەۋ جۇرگىزۋگە جانە تۇزەتۋگە بۇيىرۋ ۇقتىرۋىن» ءتۇسىرىپ، سەرىك ۇيىرمەسىن ويىن قويۋدى دەرەۋ توقتاتۋعا بۇيىرعان ءارى دەلو تۇرعىزىپ، ءبىر جاقتى ەتكەن. ىسكە قاتىستى سەرىك ۇيىرمەسى قازىر ويىن قويۋدى توقتاتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
