دۇنيە جۇزىلىك دەنساۋلىق ساقتاۋ ۇيىمى: جولداعى قاتىناس شىرعالاڭى ءالى دە 5 جاستان 29 جاسقا دەيىنگىلەردىڭ قازا بولۋىنىڭ باستى سەبەبى بولىپ وتىر

2023.12.14 15:31 كەلۋ قاينارى : حالىق تورابى

　　دۇنيە جۇزىلىك دەنساۋلىق ساقتاۋ ۇيىمى 12 - ايدىڭ 13 - كۇنى شۆەتساريانىڭ جەنەۆا قالاسىندا «دۇنيە ءجۇزى بويىنشا 2023 - جىلعى جول حاۋىپسىزدىگىنىڭ جاعدايى جونىندەگى مالىمەتتى» جاريالادى، مالىمەتكە قاراعاندا، 2019 - جىلعا دەيىن، جولداعى قاتىناس شىرعالاڭى دۇنيە ءجۇزى بويىنشا 5 جاستان 29 جاسقا دەيىنگىلەردىڭ قازا بولۋىنىڭ باستى سەبەبى، سونىمەن بىرگە، بارلىق جاس كەزەڭىندەگىلەردىڭ قازا بولۋىنىڭ 12 - ورىنداعى سەبەبى بولعان.

　　دۇنيە جۇزىلىك دەنساۋلىق ساقتاۋ ۇيىمىنىڭ اتالعان ەڭ جاڭا مالىمەتىنە قاراعاندا، 2021 - جىلى دۇنيە ءجۇزى بويىنشا شامامەن ءبىر ميلليون 190 مىڭ ادام جولداعى قاتىناس شىرعالاڭى سەبەبىنەن قازا بولعان، بۇل ءار 100 مىڭ ادامنىڭ ىشىندەگى 15 ادامنىڭ جولداعى قاتىناس شىرعالاڭىنان قازا بولعانىمەن بارابار.

　　مالىمەتتە مىنالار اتاپ كورسەتىلگەن: 2010 - جىلدان 2021 - جىلعا دەيىن، دۇنيە ءجۇزى بويىنشا موتورلى اۆتوموبيلدەردىڭ مولشەرى ءبىر ەسەدەن استام ارتىپ، جول جەلىسىنىڭ كولەمى دە كورنەكتى كەڭەيىپ، دۇنيە جۇزىندەگى جان سانى ءبىر ميللياردقا جۋىق ارتقان بولسا دا، جولداعى قاتىناس شىرعالاڭىندا قازا بولعانداردىڭ جالپى سانى %5 ازايعان، بۇل جول حاۋىپسىزدىگىن جاقسارتۋ جاعىنداعى قۇلشىنىستاردىڭ رول اتقارىپ جاتقانىن كورسەتەدى.

　　دۇنيە جۇزىلىك دەنساۋلىق ساقتاۋ ۇيىمىنىڭ باس قىزمەتكەرى تەدروستىڭ مالىمەت جاريالاۋ ماجىلىسىندە ايتۋىنشا، جولداعى قاتىناس شىرعالاڭىندا قازا بولعانداردىڭ سانى قازىر ازايۋدا، الايدا، ازايۋ قارقىنى ءالى جەتەرلىكتەي تەز ەمەس. ول: جولداعى قاتىناس شىرعالاڭىنان تۋىلاتىن قاسىرەتتى جاعدايلاردان ساقتانۋعا بولادى. ءبىز بارلىق مەملەكەتتەردى اۆتوموبيلدى ەمەس، ادامدى قاتىناس جۇيەسىنىڭ وزەكتى ورنىنا قويۋعا، جۇرگىنشىلەردىڭ، ۆەلوسيپەت مىنۋشىلەردىڭ جانە تاس جولدان پايدالاناتىن باسقا ءالسىز توپتاردىڭ حاۋىپسىزدىگىنە كەپىلدىك ەتۋگە ۇندەيمىز. ادامداردىڭ ءجۇرىس - تۇرىس ءۇشىن ءومىرىن بوداۋ ەتۋىنىڭ قاجەتى جوق، — دەگەن.

　　دۇنيە جۇزىلىك دەنساۋلىق ساقتاۋ ۇيىمى ءار ەلدى اۆتوموبيلدى شەكتەن تىس قارقىنمەن جۇرگىزۋ جانە اراق ءىشىپ الىپ اۆتوموبيل جۇرگىزۋ ارەكەتتەرىنەن ساقتانۋ، موتوتسيكل دۋلىعاسىن، حاۋىپسىزدىك بەلبەۋىن جانە بالالاردى ورنىقتىراتىن جۇيەنى دۇرىس پايدالانۋ قاتارلى جاقتاردا زاڭ جاساۋدى كۇشەيتۋگە ۇندەگەن.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved