جانتايىپ جاتىپ - اق مول اقشا تابۋعا، كۇنىنە 300 يۋان كىرىس كىرگىزۋگە بولادى دەگەن ءسوز راس پا؟ وسىعان سەنگەن ادام ۇرىمجىدە قولعا ءتۇستى
2023.12.15 16:09 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى سۇي يۇنيان حابارلايدى. ينفورماتسيا عالامتورىنان پايدالانىپ قىلمىس وتكىزۋشىلەرگە كومەكتەستى دەگەن قىلمىسقا شاتىلعان سى X تى 12 - ايدىڭ 13 - كۇنى ءۇرىمجى قالالىق پروكۋراتۋرا ورگانى زاڭ بويىنشا قولعا الۋدى بەكىتتى، ول قاتتى وكىنىپ: بار ىنتا - پەيىلىممەن ”جانتايىپ جاتىپ - اق مول اقشا تابۋدى“ ويلادىم، ءتاتتى قيالىمنىڭ وسىنشاما تەز كۇلگە اينالارىن ويلاماعان ەكەنمىن، — دەدى.
25 جاستاعى سى X گانسۋلىق. بيىل 8 - ايدا سى X سۋجوۋ قالاسىندا قىزمەت ىزدەپ جۇرگەندە، ”جانتايىپ جاتىپ - اق مول اقشا تابۋعا بولادى“ دەگەن جارناماعا قىزىعىپ، قارسى جاقپەن ءوزى حابارلاسادى.
قارسى جاق ءوزىن بەلگىلى سەرىكتەستىكتىڭ ”قوجايىنىمىن“ دەپ تانىستىرىپ، تەلەفون كارتوچكاسىن ساتىپ الۋمەن ارنايى شۇعىلداناتىنىن ايتادى، سى X ءوزىنىڭ ازاماتتىق كۋالىگىمەن ءبىر تەلەفون كارتوچكاسىن ءبىتىرىپ، قارسى جاققا جولداپ بەرەدى، كوپ وتپەي ول 600 يۋان ”اقى“ تاپسىرىپ الادى. ”قوجايىن“ سى X كە تاعى ءبىر ”بايۋ جولىن“ ايتىپ: ەگەر ازاماتتىق كۋالىكپەن ءبىر سەرىكتەستىكتى تىزىمگە الدىرسا، 2500 يۋان تابۋعا بولادى، سوڭىنان كۇنىنە 300 يۋان كىرىس كىرىپ وتىرادى. سەرىكتەستىكتىڭ ەسەپ ءنومىرى كۇشىنەن قالدىرىلعان كەزدە، تاعى دا 10 مىڭ يۋانعا يە بولۋعا بولادى، — دەيدى.
سى X: ”ولار مەن تىركەۋگە الدىرعان سەرىكتەستىك ارقىلى زاڭعا قايشى قىلمىستىق ءىس ىستەگەلى ءجۇر مە“، — دەپ ويلاسا دا، ءبىراق پايداكوستىككە بەرىلىپ، حاۋىپتى بولسا دا سىناپ كورۋ بەكىمىنە كەلەدى.
8 - ايدىڭ 18 - كۇنى، سى X ”قوجايىن“ ساتىپ الىپ بەرگەن پويەز بەلەتتى تاپسىرىپ الىپ، سۋجوۋدان ۇرىمجىگە كەلىپ، قارسى جاقتىڭ تالابى بويىنشا سەرىكتەستىكتى تىركەۋگە الدىرادى، كاسىپورىننىڭ ەسەپ ءنومىرىن جانە U قالقانىن بىتىرگەن سوڭ، ءوزىنىڭ ازاماتتىق ءنومىرىن، بانكە كارتوچكاسىن جانە سەرىكتەستىكتىڭ بارلىق ماتەريالدارىن، كاسىپورىن ەسەپ ءنومىرى مەن U قالقانىن تۇگەلدەي ”قوجايىنعا“ جولداپ بەرەدى.
كوپ وتپەي، ول 2500 يۋان ”اقىنى“ تاپسىرىپ الادى، سى X ۇرىمجىدە ءبىر ايعا جۋىق ۋاقىت تۇرادى، ءار كۇنى 300 يۋاندىق ”ەڭبەكاقىسىن“ توسىپ وتىرادى. 9 - ايدىڭ ورتا شەنىندە، سى X ”تاپقان“ 10 مىڭ يۋاندىق كىرىسىن الىپ، ريزالىقپەن سۋجوۋعا قايتادى.
11 - ايدىڭ ورتا شەنىندە، ءۇرىمجى قالالىق قوعام حاۋىپسىزدىگى مەكەمەسى سايباق رايوندىق بولىمشە مەكەمەسى حۋانۋەي جولى ساقشى بولىمشەسىندەگى حالىق ساقشىلارى بانكە تۇيىندەرىن تەكسەرىپ جۇرگەن كەزدە، سى X تىركەۋگە الدىرعان سەرىكتەستىكتىڭ تەلەكوم مەن ينتەرنەتتەن پايدالانعان الدامكوستىككە شاتىلعانىن بايقاپ، دەرەۋ سايباق رايوندىق قوعام حاۋىپسىزدىگى بولىمشە مەكەمەسىنىڭ قىلمىستىق ىستەردى بارلاۋ ۇلكەن اترەتىنە مالىمدەگەن ءارى بانكەگە سايكەسە وتىرىپ، تەكسەرۋ قىزمەتىن ورىستەتكەن. ساقشى جاق سى X تىڭ ينفورماتسيا عالامتورىنان پايدالانىپ قىلمىس وتكىزۋشىلەرگە كومەكتەسۋ سىندى اۋىر قىلمىس كۇمانىن تۋدىرعانىن تۇراقتاندىرىپ، ونىڭ سەرىكتەستىگىنىڭ ەسەپ ءنومىرىن شۇعىل مۇزداتادى.
11 - ايدىڭ 27 - كۇنى، سى X اسىلگى جوسپارى بويىنشا ءۇرىمجى قالاسىنا كەلىپ، سەرىكتەستىكتى كۇشىنەن قالدىرۋ رەسميەتىن بىتىرگەن كەزدە، سول جەردە كۇتىپ تۇرعان ساقشىلار تاباندا ۇستاپ الادى.
تەكسەرۋگە قاراعاندا، سى X كە ”قۇت اكەلۋشى“ ول تىركەۋگە الدىرعان سەرىكتەستىكتىڭ تىركەلگىسى ارقىلى ”اقشا جىلىستاتۋ“ قىلمىستىق ارەكەتىمەن شۇعىلدانىپ، قىسقا عانا ەكى ايدا الدامكوستىككە ساياتىن قاراجات سوماسىنىڭ كىرىس - شىعىس ەسەبى 20 ميلليون يۋاننان اسقان.
ءۇرىمجى قالالىق قوعام حاۋىپسىزدىگى مەكەمەسى سايباق بولىمشە مەكەمەسى زاڭ – ءتۇزىم اتقارۋ ۇلكەن اترەتىنىڭ حالىق ساقشىسى ۋاڭ شياۋميڭنىڭ تانىستىرۋىنشا، وسى دەلوداعى الدامكوس ادەتتەگىدەن تىس جوعارى ءوسىم بەرۋ ارقىلى سى X تى شىرعاعا تۇسىرگەن، سى X زاڭسىز ەكەنىن بىلە تۇرا، وپ - وڭاي مول اقشا تابۋ ءۇشىن، سالىمىن سىناپ كورۋ نيەتىمەن زاڭعا قايشى ارەكەت ىستەگەن.
ساقشى جاق مىنانى ەسكەرتەدى: جەكەلىك قۇپيالىقتار مەن قاتىستى قۇجاتتاردى ۇيلەسىمدى تۇردە ويداعىداي ساقتاعان ءجون، بانكە كارتوچكاسى مەن تەلەفون كارتوچكاسىن ساتۋعا، مايعا بەرۋگە، ءتىپتى اشقان تىركەلگىنى باسقالاردىڭ پايدالانۋىنا، باسقارۋىنا بەرۋگە، استە، بولمايدى، الدا - جالدا الدامكوستەردىڭ جەگەن اقشانى جوتكەپ، سوققى بەرۋدەن جالتارۋىنا كومەكتەسكەن بولىپ شىقساڭىز، ءسىزدىڭ زاڭدىق جاۋاپكەرشىلىگىڭىز زاڭ بويىنشا قۋزاستىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
