”قىزىل ءتۇستى قۋعىنداۋ بۇيرىعى شىعارىلعان“ شۇي گوجۇن ءبىرىنشى رەتكى سوتتا مەرزىمسىز قاماق جازاسىنا ۇكىم ەتىلدى
2023.12.15 16:10 كەلۋ قاينارى : حالىق تورابى
2023 - جىلى 12 - ايدىڭ 13 - كۇنى، گۋاڭدۇڭ ولكەسى جياڭمىن قالالىق ورتا دارەجەلى حالىق سوتى مەكەمەسى جۇڭگو بانكەسى كايپيڭ بولىمشە بانكەسىنىڭ بۇرىنعى بانكە باستىعى شۇي گوجۇننىڭ پارا الۋ، ۇكىمەت قاراجاتىن باسقا جۇمىسقا پايدالانۋ دەلوسى جونىندەگى سوت ۇكىمىن اشىق جاريالادى، پارا الۋ قىلمىسى، ۇكىمەت قاراجاتىن باسقا جۇمىسقا پايدالانۋ قىلمىسى بويىنشا بىرنەشە قىلمىسىن قوسىپ جازالاۋ ارقىلى، ايىپكەر شۇي گوجۇنگە مەرزىمسىز قاماق جازاسىن بەرۋدى، ساياسي ۇقىعىنان ومىرلىك ماحرۇم ەتۋدى ءارى جەكەلىك مال - مۇلكىن تۇگەلدەي ءمۇسادىرالاۋدى؛ قىلمىس ارقىلى قولعا كەلتىرگەن تابىستارى مەن ونىڭ ءوسىمىن قايتارتۋدى ۇيعاردى. شۇي گوجۇن سوت مەكەمەسىنىڭ ۇكىمىنە مويىنسال بولىپ، جوعارىلاپ ارىزدانبايتىنىن ايتتى.
شۇي گوجۇن 2001 - جىلى قىلمىسىنان قورقىپ جاسىرىن قاشىپ كەتكەن، 2002 - جىلى حالىقارالىق قىلمىستىق ىستەر ساقشى ۇيىمى حالىقارالىق قىزىل ءتۇستى قۋعىنداۋ بۇيرىعىن شىعارعان، 2021 - جىلى ا ق ش - نان زورلىقپەن ەلىمىزگە اكەلىنگەن.
تەكسەرۋ ارقىلى انىقتاۋعا قاراعاندا، 1993 - جىلدان 2001 - جىلعا دەيىن، ايىپكەر شۇي گوجۇن جۇڭگو بانكەسى كايپيڭ بولىمشە بانكەسىنىڭ كەڭسە مەڭگەرۋشىسى، ورىنباسار بانكە باستىعى، بانكە باستىعى قاتارلى قىزمەتتەردى ىستەگەن كەزدەگى قولايلىلىقتاردان پايدالانىپ، شۇي چاۋفان، يۇي جىندۇڭ قاتارلىلارمەن اۋىز جالاسىپ، جالعان قارىز ءبىتىرىپ، بانكەدەن اقشا شىعارىپ الۋ، سەرىكتەستىكتىڭ قالىپتى تۇردە قايتارعان قاراجاتىن يەلەپ الۋ نەمەسە تىكەلەي قاراجات جوتكەۋ قاتارلى تاسىلدەرمەن ۇكىمەت قاراجاتىنان 62 ميلليون 217 مىڭ 300 ا ق ش دوللارىنان استام قاراجاتقا، 363 ميلليون شياڭگاڭ يۋانىنان استام قاراجاتقا، ءبىر ميلليون 461 مىڭ گەرمانيا ماركىنان استام قاراجاتقا، جيىنى حالىق اقشاسى بويىنشا 900 ميلليون يۋاننان استام قاراجاتقا قيانات جاساعان؛ ۇكىمەت قاراجاتىنان حالىق اقشاسى بويىنشا 355 ميلليون يۋاننان استام قاراجاتتى، 20 ميلليون شياڭگاڭ يۋانىنان استام قاراجاتتى، 126 ميلليون ا ق ش دوللارىنان استام قاراجاتتى، جيىنى حالىق اقشاسى بويىنشا ءبىر ميلليارد 400 ميلليون يۋاننان استام قاراجاتتى باسقا جۇمىسقا جوتكەپ پايدالانعان.
جياڭمىن قالالىق ورتا دارەجەلى حالىق سوتى بىلاي دەپ قاراعان: ايىپكەر شۇي گوجۇننىڭ ارەكەتى قيانات جاساۋ، ۇكىمەت قاراجاتىن باسقا جۇمىسقا پايدالانۋ قىلمىسىن قالىپتاستىرعان، قيانات جاساعان قاراجات سوماسى توتەنشە قوماقتى ءارى مەملەكەت پەن حالىقتىڭ مۇددەسىنە ەرەكشە اۋىر زيان سالعان، باسقا جۇمىسقا پايدالانعان ۇكىمەت قاراجاتىنىڭ سوماسى قوماقتى. شۇي گوجۇن قولعا تۇسكەن سوڭ ءوزىنىڭ قىلمىستىق ارەكەتتەرىن شىنايى بايانداعان، قىلمىسىن مويىنداپ، وكىنەتىنىن بىلدىرگەن، سوندىقتان زاڭ بويىنشا وعان قىلمىستى جەڭىلىرەك بەرۋگە بولادى، سوت مەكەمەسى جوعارىداعىداي ۇكىم شىعاردى.
حالىق قۇرىلتايى ۋاكىلدەرى، اقپارات قۇرالدارىنىڭ تىلشىلەرى جانە قوعامنىڭ ءار سالاسىنداعى بۇقارا بولىپ، 20 نەشە ادام سوت تەرگەۋىنە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
