شانشي يانچۋان اۋدانى لياڭجياحى قىستاعى پارتيا ياچەيكاسى 2 - توپتاعى نەگىزگى تاقىرىپتىق تاربيەنى تىڭعىلىقتى ورىستەتتى −
بۇقاراعا ناقتى وزگەرىستەردى سەزىندىردى (يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ)
2023.12.25 16:18 كەلۋ قاينارى : حالىق تورابى
جاڭا جىل كەلە جاتىر، قار جاۋىپ تۇر. شانشي ولكەسى يانچۋان اۋدانى ۋىن - ان - ي قالاشىعى لياڭجياحى قىستاعىنا قادام تاستادىق، يرەلەڭدەگەن اسفالت جول، جوعارى ولشەمدى ەگىس اتىزى، رەتتى ساياحات دۇكەنى، كورىكتى شارۋالار اۋلاسى... كورگەنىمىزدىڭ بارلىعى جاڭا داۋىردەگى كورىكتى اۋىل - قىستاقتىڭ بەينەسىن اڭعارتادى.
2 - توپتاعى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى ورىستەتىلگەننەن بەرى لياڭجياحى قىستاعى پارتيا ياچەيكاسى قىستاقتىڭ ءىس جۇزىندىك جاعدايىن تياناق ەتىپ، دەن قويا ۇيىمداستىرىپ اتقارىپ، نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، رەتتەۋ - تۇزەتۋ سياقتى ءتۇيىندى شارالاردى ءبىر تۇتاس ىلگەرىلەتىپ، نەگىزگى تاقىرىپتىق تاربيەنىڭ ناقتى ونىمدىلىككە قول جەتكىزۋىن ىلگەرىلەتتى.
شىنايى يگەرىپ، ناقتى ىستەپ، پارتيا ۇيىمىن كاسىپ سالاسىندا قۇردى
”لياڭجياحى قىستاعى پارتيا ياچەيكاسى ’مەملەكەتتىك وزات نەگىزگى ساتى پارتيا ۇيىمى‘، ءبىز وسى داڭقتى باستان - اياق جاۋاپكەرلىك جانە قوزعاۋشى كۇش ەتىپ كەلەمىز. نەگىزگى تاقىرىپتىق تاربيەدە بارلىق پارتيا مۇشەسى ۋادەسىن ورىنداپ، ءىس تىندىرىپ، ناتيجە شىعارۋدا ءىس جۇزىندىكتى كورنەكتىلەندىرىپ، كاسىپ سالاسىنىڭ دامۋىن ناقتى تياناقتاندىردى“ دەدى لياڭجياحى قىستاعى پارتيا ياچەيكاسىنىڭ شۋجيى گۇڭ باۋشيۇڭ.
تاياۋ جىلداردان بەرى لياڭجياحىدا ساياحاتشىلار بارعان سايىن كوبەيدى. قىستاق پارتيا ياچەيكاسى ”سەرىكتەستىك + بازا + عىلىم - تەحنيكا + شارۋالار وتباسى“ سىندى كاسىپ سالالاندىرۋ ۇلگىسى بويىنشا 30 نەشە وتباسىنىڭ شارۋالار شاتتىعى ساياجايى، اۋىل - قىستاق مەيمانحاناسى، جەرگىلىكتى ەرەكشە ونىمدەر تيجارات دۇكەنى سياقتىلاردى دامىتۋىنا جەتەكشىلىك ەتتى. ”ءبىز پارتيا ۇيىمىن كاسىپ سالاسىندا قۇرۋدا تاباندى بولىپ، ەكونوميكانىڭ دامۋىن، بۇقارانىڭ كىرىسىن ارتتىرۋدى جۇزەگە اسىردىق“ دەدى گۇڭ باۋشيۇڭ.
لياڭجياحى قىستاعى پارتيا ياچەيكاسى قىستاق تۇرعىندارىن باستاپ، شىحىگوۋدا جىلىجاي سالىپ، مۋگۋا تاۋىندا باعىمشىلىقپەن شۇعىلدانىپ، لياڭجياتادا الما ەكتى... وسى زامانعى اينالمالى اۋىل شارۋاشىلىعى مەن اۋىل - قىستاق ساياحاتىن دامىتۋ ارقىلى بۇكىل قىستاقتىڭ جان باسىندىق يگەرىلمەلى تابىسى 2012 - جىلعى 7 مىڭ 917 يۋاننان 2022 - جىلى 19 مىڭ 570 يۋانعا ارتىپ، لياڭجياحى قىستاعى بۇكىل ەل بويىنشا ”ءبىر قىستاقتا ءبىر ءونىم بولۋدان“ ۇلگى كورسەتەتىن قىستاققا اينالدى.
”بۇرىن ساياحاتشىلاردى كورگەندە شاقىرۋعا باتىلدىق ەتە الماي، قاريدارلارعا جولىققاندا ۇيالا سويلەيتىنبىز“. لياڭجياحى قىستاعىنىڭ تۇرعىنى لۇي لي - ۋەي بىلاي دەدى: ”قازىر ساياحاتپەن، ينتەرنەتتە تىكە تاراتۋمەن اينالىساتىن بولدىق، مىنەزىمىز بارعان سايىن اشىلىپ، سەنىمىمىز نىعايا ءتۇستى“.
بۇقاراعا قىزمەت وتەپ، ماسەلەنى شەشۋدى ناقتى تياناقتاندىردى
بۇقاراعا ءتىپتى دە جاقسى قىزمەت وتەۋ ءۇشىن، لياڭجياحى قىستاعى ”ياچەيكا ءبىر تۇتاس جوسپارلاۋ، كادرلار اۋماقتاردى كوتەرمەگە الۋ، پارتيا مۇشەلەرى وتباسىلارمەن بايلانىس جاساۋ“ مەحانيزمىن اتقارىپ، پارتيا مۇشەلەرىن بۇقارانىڭ ماسەلەسن شەشۋگە ىرىقتىلىقپەن كومەكتەسۋگە ۇيىمداستىردى.
2 - توپتاعى نەگىزگى تاقىرىپتىق تاربيەدە قىستاق پارتيا ياچەيكاسى وزەكتى قىزمەتتى ارقاۋ ەتىپ، بۇكىل قىستاقتا ءبىر رەت جاپپاي ءبىر - بىرلەپ تەكسەرۋ جۇرگىزىپ، ماسەلەنى شىنايى شەشىپ، جاعدايدى شىن مانىندە انىقتاپ، ماسەلەنى ءدال تاۋىپ، توتەپ بەرۋ شارالارىن تياناقتاندىردى.
تەكسەرۋ - زەرتتەۋ ناتيجەسىنە ساي، لياڭجياحى قىستاعى ”ەكى ەسەپ داپتەرىن“ ورناتتى. ءبىرى، شەشۋگە ءتيىستى ”ماسەلە ەسەپ داپتەرى“، مۇندا رەتتەۋ - تۇزەتۋ شارالارىن، ۋاقىت شەگىن، جاۋاپتى ادامداردى ايقىنداپ، رەتتەۋ - تۇزەتۋدىڭ تياناقتانۋىنا كەپىلدىك ەتۋگە قۇلشىندى؛ ەندى ءبىرى، كۇندەلىكتى ”مەن بۇقارا ءۇشىن ناقتى ىستەر ىستەيمىن“ ەسەپ داپتەرى، مۇندا جاقسى ىستەردى، ناقتى ىستەردى ەستەلىككە الىپ وتىردى.
”ءۇيدىڭ الدى - ارتى قايتادان جوندەلىپ، شاعىن كوكونىس باقشاسى سالىندى، ءارى ادەمى، ءارى يگىلىكتى بولدى“. ساقا ياچەيكا شۋجيى شى چۇنياڭ بيىل 68 جاستا، قىستاقتىڭ وزگەرىسىن ول كوزىمەن كورىپ، كوكەيىنە ساقتاپ وتىر.
ۇلكەن اۋلانىڭ شەتىن سولتۇستىك شانشيلىكتەر ”ءسىلتى جاعاسى“ دەپ اتايدى. كورىكتى اۋىل - قىستاق قۇرىپ، باقىتتى تۇرمىسقا تالپىنعان لياڭجياحى قىستاعىنىڭ تۇرعىندارى جۇمىستى ەگجەي – تەگجەيلى ىستەۋگە قۇلشىندى.
”قىستاقتاعى كولشىككە تۇنبا جينالىپ، سۋ ساقتاي الماي قالدى، جازدا تاعى بوگدە ءيىس شىعىپ تۇرادى“. قىستاق تۇرعىندارى وسى جاعدايدى اڭىس ەتتى. سونىمەن پارتيا مۇشەلەرىنىڭ باستاۋىندا قىستاق تۇرعىندارى تۇنبانى تازالاپ، كولشىككە شامگۇل ەكتى.
”بۇل ءۇيدىڭ الدى - ارتىنداعى ەلەكتر سىمى حاۋىپتى ەكەن، الاڭدايمىز“. قىستاق تۇرعىندارى بۇل ماسەلەنى دە قاعىس قالدىرماي اڭىس ەتتى. كوپ وتپەي قىستاق پارتيا ياچەيكاسى كاسىپتىك قىزمەتكەرلەردى قىستاققا، وتباسىلارعا جىبەرىپ، توراپ جەلىسىنە، ەلەكتر جەلىسىنە، قۇبىر جەلىسىنە شوعىرلى وزگەرىس ەنگىزدى.
قورشاعان ورتانىڭ ەگجەي - تەگجەيلى جونگە كەلتىرىلىپ، قىستاقتىڭ بەت – بەينەسى جاقسارىپ، بۇقارا ناقتى وزگەرىستەردى سەزىندى.
رەتتەۋ - تۇزەتۋدى قاداعالاپ، نەگىزگى تاقىرىپتىق تاربيەدە ناقتى ونىمدىلىككە قول جەتكىزدى
ءبىر جاعىنان ۇيرەنۋدە، ءبىر جاعىنان سالىستىرۋدا، ءبىر جاعىنان قاداعالاۋدا، ءبىر جاعىنان رەتتەۋ - تۇزەتۋدە تاباندى بولعان لياڭجياحى قىستاعى پارتيا ياچەيكاسى ماسەلەنى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، نازاردى كەدەيلىكتەن ارىلتۋدىڭ جەتىستىكتەرىن بەكەمدەۋ، اۋىل - قىستاقتى جاپپاي گۇلدەندىرۋدى ىلگەرىلەتۋ، جونگە سالۋ قابىلەتىن جوعارىلاتۋ، قىزمەت وتەۋ ساپاسىن، ونىمدىلىگىن جوعارىلاتۋ سياقتى ماسەلەلەرگە شوعىرلاندىرىپ، رەتتەۋ - تۇزەتۋ ماسەلەلەرىن ىشكەرىلەي تەكسەرىپ، بۇقاراعا ماسەلەنى شەشۋدىڭ ءىس جۇزىندىك ونىمدىلىگىن شىنايى سەزىندىردى.
”كەلەر جىلى 5 - ايدا ەگىن ەگۋدەن بۇرىن قالپىنا كەلتىرۋگە بولا ما؟ بۇلاي بولعاندا داقىلداردى ەگۋگە اسەر ەتپەس ەدى“.
”ەگىستىك جەردى تۇگەلدەي قالپىنا كەلتىرۋدىڭ قاجەتى جوق، ورنى جاقسى بىرەۋىن اۋىل شارۋاشىلىق ونىمدەرىن مانەرلەۋ بازاسىنا، بىرەۋىن اۋىز سۋ زاۆودىنا وزگەرتۋ كەرەك“.
قىستاق تۇرعىندار كوميتەتىندە قىستاق تۇرعىندارى تالاپ – پىكىرلەرىن ايتۋدا. اسىلىندە، قىستاق بۇرىن قۇرىلعىلى باعىمشىلىقتى دامىتىپ، 5 باعىمشىلىق الاڭىن قۇرعانىمەن، ساياحاتشىلاردىڭ بارعان سايىن كوبەيۋىنە بايلانىستى، باعىمشىلىق الاڭىن قالاي ءبىر جاقتى ەتۋ كەرىسىنشە قيىن ماسەلەگە اينالعان بولاتىن. قىستاق پارتيا ياچەيكاسى بوس تۇرعان كونە الاڭدى ەگىستىك جەرگە اينالدىرۋ جونىندە وي قورىتتى.
قىستاق كادرلارى بەلسەنە جەتەكشىلىك ەتىپ، قىستاق تۇرعىندارى اقتارىلا سويلەپ، ماسەلەنى بەتپە - بەت تالقىلادى، ءادىس - امال جان – جاقتى ورتاعا قويىلدى.
قازىر قىستاق تۇرعىندارى جۇمىس بولسا كەڭسەگە ايتادى، قىستاق تۇرعىندار كوميتەتى دە قىستاق دارەجەلى قازىنا باسقارۋدا ”ءبىر ايدا ءبىر ءىستى ءبىر كەڭەسۋ، ءبىر رەت اشىق جاريالاۋ“ جانە ”اي سايىن كەڭەسۋ، ماۋسىم سايىن جاريالاۋ، جىلدىق قازىنالىق باقىلاۋ“ ءتۇزىمىن اتقاراتىن بولدى.
”بۇقارا ’ادىلدىك‘ دەگەن سوزگە بارىنشا ءمان بەرەدى، ەڭ سەنىمدى ادام − ادىلەتتى ادام. ’ۇلكەندى - كىشىلى ىستەردى جايمالاپ ايتۋدان، قىستاق ىستەرىن، قازىنانى اشىق ايتۋدان‘ جازباعاندا عانا، بۇقاراعا شىنايى ءتۇسىندىرىپ، كادرلاردىڭ كىرشىكسىز، قىستاقتىڭ پاك بولۋىنا مۇمكىندىك جاساۋعا بولادى“ دەدى قىستاقتا تۇرعانىنا 6 جىل بولعان ءبىرىنشى شۋجي حۇي ي - دى.
ماسەلەلەردى رەتتەۋ - تۇزەتۋدىڭ ۇدايىلانۋىنا، باياندى بولۋىنا كەپىلدىك ەتۋ ءۇشىن، لياڭجياحى قىستاعى مەرزىم بويىنشا ۇيرەنۋ، پارتيا مۇشەلەرى وتباسىلارمەن بايلانىس جاساۋ، يكەمدى تەكسەرۋ، ماسەلەلەردى رەتتەۋ - تۇزەتۋ سياقتى تۇزىمدەردى بەلگىلەپ، دامۋ جوباسىنا، قىستاق ەرەجەسىنە، تۇرعىندار ۋادەسىنە وزگەرىس ەنگىزىپ جانە ونى كەمەلدەندىرىپ، ماسەلەلەردى قاداعالاۋدىڭ، رەتتەۋ - تۇزەتۋدىڭ تەرەڭدەۋىن، ناقتىلانۋىن ىلگەرىلەتىپ، نەگىزگى تاقىرىپتىق تاربيەنىڭ ناتيجە بەرۋىنە كەپىلدىك ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
