الدىڭعى 11 ايدا شينجياڭنىڭ ادەتتەگى الەۋمەتتىك مەجە ەسەپ كىرىسى سايكەس مەزگىلدەگىدەن ％6. 16 ارتتى
2023.12.25 16:21 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ران حۋ 12 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋىمىزشا، 1 - ايدان 11 - ايعا دەيىن، شينجياڭ ەكونوميكاسى ءۇرتىس جاقسارۋعا قاراي دامىپ، قازىنا كىرىسى ورنىقتىلىق بارىسىندا جاقسارىپ، ادەتتەگى الەۋمەتتىك مەجە ەسەپ كىرىسى جيىنى 194 ميلليارد 780 ميلليون يۋان بولىپ، سايكەس مەزگىلدەگىدەن 27 ميلليارد 720 ميلليون يۋان مولايىپ، ％6. 16 ارتىپ، ارتۋ مولشەرى بۇكىل ەل بويىنشا 4 - ورىندى يەلەگەن.
اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ليۋ حاييان بىلاي دەپ تانىستىردى: بيىل جىل باسىنان بەرى ارتۋدى ورنىقتىرۋ ساياساتىنىڭ توپتالۋ ونىمدىلىگى جەدەل جارىققا شىعىپ، شينجياڭ ەكونوميكاسى ورنىقتىلىق بارىسىندا جاقساردى ءارى ۇزدىكسىز بەكەمدەلدى، نەگىزگى ەكونوميكالىق كورسەتكىشتەردىڭ بەينەسى تاماشا بولىپ، قازىنا كىرىسىنىڭ جارقىن ءتۇيىنى كورنەكتىلەندى. قازىنا كىرىسى جىل باسىنان بەرى ۇزدىكسىز جەدەل ارتىپ، سوڭعى جارتى جىلدا ورنىقتى تۇردە ％16تىڭ ۇستىندە ارتۋدى ساقتادى. 11 - ايدىڭ سوڭىنا دەيىن اۆتونوميالى رايوننىڭ ادەتتەگى الەۋمەتتىك مەجە ەسەپ كىرىسى كولەم جاعىنان بىلتىرعى تۇتاس جىلداعىدان اسىپ ءتۇستى. التاي ايماعى، تارباعاتاي ايماعى، ءۇرىمجى قالاسى جانە قىزىلسۋ قىرعىز اۆتونوميالى وبلىسىنىڭ سايكەس مەزگىلدەگى ارتۋ مولشەرى الدىڭعى قاتاردا تۇردى.
الدىڭعى 11 ايدا بۇكىل شينجياڭنىڭ سالىق كىرىسى جيىنى 127 ميلليارد 610 ميلليون يۋان بولىپ، سايكەس مەزگىلدەگىدەن ％4. 12 ارتىپ، سالىق كىرىسىنىڭ ارتۋ مولشەرى ۇزدىكسىز جوعارىلاپ، ءتۇرلى سالىق كىرىستەرىنىڭ ارتۋى ورنىقتى جوعارىلاپ، ءىشىنارا سالىق تۇرلەرىنىڭ ارتۋى تەبىندى بولىپ، مولشەردىڭ ۇيلەسىمدى ارتۋى مەن ساپانىڭ ءونىمدى جوعارىلاۋىن جۇزەگە اسىردى.
مۇندا ارتقان قۇن سالىعىنىڭ قايتا تولىقتانۋ اسەرى ۇزدىكسىز كورنەكتى بولدى. جەكەلەردىڭ تابىس سالىعى مەن قالانى كۇتۋ - گۇلدەندىرۋ سالىعى سياقتى باسىم كوپ سالىق تۇرلەرىنىڭ ارتۋ مولشەرى ونان ارى جوعارىلاعان؛ قورا - جايعا قاتىستى سالىقتاردىڭ ىشىندەگى جەردىڭ ارتقان قۇن سالىعىنىڭ، توقتام سالىعىنىڭ جانە ءۇي - مۇلىك سالىعىنىڭ ارتۋ بەتالىسى تەبىندى بولىپ، 11 - ايدا جەكە - جەكە 6 ەسە، 2. 4 ەسە جانە 1. 1 ەسە ارتقان؛ كاسىپورىنداردىڭ تابىس سالىعى مەن بايلىق سالىعىنىڭ تومەندەۋ مولشەرى ازايعان.
الدىڭعى 11 ايدا شينجياڭنىڭ سالىقتان تىسقارى كىرىسى جيىنى 67 ميلليارد 170 ميلليون يۋان بولىپ، سايكەس مەزگىلدەگىدەن ％5. 25 ارتقان. ليۋ حاييان مىنانى ءبىلدىردى: سالىقتان تىسقارى كىرىستىڭ تەبىندى ارتۋى شينجياڭنىڭ جاڭا كەزەكتى كەن ىزدەۋدە تابىسقا جەتۋ ستراتەگيالىق ارەكەتىنىڭ ارقاسىندا ىسكە اسىپ، ەنەرگيا، كەن ونىمدەرى بايلىعىن اشۋدى كۇشەيتىپ، بايلىق باسىمدىعىن ەكونوميكالىق باسىمدىققا اينالدىرۋدى جەدەلدەتتى.
الدىڭعى 11 ايدا شينجياڭنىڭ كەن شارۋاشىلىعى ۇقىعىن ساتىپ بەرۋ كىرىسى 11 ميلليارد 50 ميلليون يۋان بولىپ، سايكەس مەزگىلدەگىدەن ％5. 99 ارتىپ، شينجياڭنىڭ سالىقتان تىسقارى كىرىسىنىڭ 21 پايىز ارتۋىن جەتەكتەدى. مۇندا اۆتونوميالى رايون دارەجەلى كەن شارۋاشىلىعى ۇقىعىن ساتىپ بەرۋ كىرىسى 8 ميلليارد 770 ميلليون يۋان بولىپ، سايكەس مەزگىلدەگىدەن ％2. 84 ارتقان؛ ءارقايسى ايماق، وبلىس، قالانىڭ كەن شارۋاشىلىعى ۇقىعىن ساتىپ بەرۋ كىرىسى ءبىر ميلليارد 660 ميلليون يۋان بولىپ، سايكەس مەزگىلدەگىدەن ％4. 118 ارتقان. التاي ايماعىنىڭ، بايىنعولين موڭعۇل اۆتونوميالى وبلىسىنىڭ، اقسۋ ايماعىنىڭ كەن شارۋاشىلىعى ۇقىعىن ساتىپ بەرۋ كىرىسى 100 ميلليون يۋاننان اسىپ، ساتىپ بەرگەن كىرىسى جەكە - جەكە 760 ميلليون يۋان، 180 ميلليون يۋان جانە 120 ميلليون يۋان بولعان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
