شينجياڭدا وسىرىلگەن بالاۋسا قيما گۇلدەر تۇڭعىش رەت ەكسپورت ەتىلدى
2023.12.25 16:25 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 12 - ايدىڭ 23 - كۇنى ۇرىمجىدەن حابارلايدى. قاشقار كەدەنىنەن ۇعىسۋىمىزشا، 12 - ايدىڭ 22 - كۇنى بالاۋسا قيما گۇل تولتىرا تيەلگەن حالىقارالىق سۋىق تىزبەكتى تاسىمال اۆتوكولىگى قاشقار كەشەندى قورعامالى باجى وڭىرىنەن اتتانىپ، ەركەشتام شەكارا وتكەلىنەن شەكارادان شىققاننان كەيىن، قىرعىزستاننىڭ وش قالاسىنا قاراي جول العان. بۇل شينجياڭدا وسىرىلگەن بالاۋسا قيما گۇلىنىڭ تۇڭعىش رەت ەكسپورت ەتىلۋى.
وسى توپتا ەكسپورت ەتىلگەن بالاۋسا قيما گۇل − ”ءۇستىرت قىزىلى“ اتانعان روزا گۇلى، شينجياڭداعى جەرگىلىكتى كاسىپورىن − شينجياڭ باييۇي اۋىل شارۋاشىلىعى عىلىم - تەحنيكا اشۋ شەكتى سەرىكتەستىگى ەگىپ وسىرگەن، جالپى 60 مىڭ 480 تال. اتاۋلى سەرىكتەستىك 2021 - جىلى قاشقار ايماعىنا ىرگە تەپكەن، گۇل، كوكونىس وسىرەتىن اۋىل شارۋاشىلىعى كاسىپورنى، يەلەگەن جەر اۋدانى 3000 مۋ، اۋىل شارۋاشىلىعى ونىمدەرىنىڭ جىلدىق ءونىم قۇنى شامامەن 50 ميلليون يۋان.
”ءبىز وڭتۇستىك شينجياڭدا بالاۋسا قيما گۇلدەردى ەكسپورت ەتۋدى تىركەۋگە، ارحيۆكە الدىرعان تۇڭعىش بازا سانالامىز، قازىر روزا گۇلى، ءلالا گۇلى، قىزعالداق سياقتى گۇلدەر ەگىلگەن جەر اۋدانى 500 مۋ، مەجەمەن 80 پايىزدان استام گۇل ەكسپورت ەتىلەدى“، - دەدى شينجياڭ باييۇي اۋىل شارۋاشىلىعى عىلىم - تەحنيكا اشۋ شەكتى سەرىكتەستىگىنىڭ باسالقاسى لي جىحۇڭ.
بيىل 8 - ايدا اتاۋلى سەرىكتەستىك قىرعىزستاندا اۋماعى 7000 شارشى مەتر كەلەتىن شەتەل قامباسىن سالۋدى جوسپارلادى، كوكونىس، بالاۋسا گۇل، جەمىس - جيدەك ەكسپورت ەتۋگە ارنايى پايدالاندى. ”وسى رەت بالاۋسا گۇل ەكسپورت ەتۋ وسى شەتەل قامباسىنىڭ رەسمي تيجاراتقا قوسىلعاندىعىن بىلدىرەدى“. لي جىحۇڭ بىلاي دەدى: سەرىكتەستىك ورتا ازيا بازارىنا ءورىس اشۋعا قۇلشىنۋدا.
بالاۋسا گۇلدىڭ ساقتالۋ مەرزىمى قىسقا، ونىڭ ۇستىنە تەمپەراتۋرانى مەڭگەرۋ، جاس كۇيىندە ساقتاۋ قيىندىعى زور، تاسىمالداۋدا ۋاقىتقا جانە ونىمدىلىككە قويىلاتىن تالاپ توتەنشە جوعارى. قاشقار كەدەنى مەن شەكارادان شىعارىلاتىن ورىن ەركەشتام كەدەنى الدىن الا بايلانىس ورناتىپ، ەكسپورت ەتىلەتىن بالاۋسا گۇلدى ساپاسىنا كەپىلدىك ەتە وتىرىپ، جاس كۇيىندە ساقتاۋدىڭ ”جاسىل ارناسىن“ اشىپ، كاسىپورىنمەن ۇدايىلانعان بايلانىس جاساۋ مەحانيزمىن ورناتىپ، ىرىقتىلىقپەن ساياسات جەتكىزىپ، قاجەتىن ۇعىسىپ، كاسىپورىننىڭ ەكسپورت جوسپارىن يگەرىپ، كاسىپورىننىڭ ەكسپورت ەتۋدەن بۇرىنعى بۋىنداردىڭ قىزمەتىن ويداعىداي ىستەۋىنە ءجون سىلتەدى.
قاشقار كەدەنى تەكسەرۋ باسقارماسىنىڭ 1 - دارەجەلى جاۋاپتىسى مۇكارام مامەتريشات مىنانى ءبىلدىردى: قاشقار كەدەنى كاسىپورىننىڭ تۇقىم تاڭداۋىنا، اۋىل شارۋاشىلىعى ۇسىنىلىمى جابدىقتارىن ىستەتۋ، ەگۋ پەريودى، جيناۋ، ونىمدەردىڭ تەگىن تەكتەۋ سياقتى جاقتاردا كەمەلدى ساپا حاۋىپسىزدىگىن مەڭگەرۋ جۇيەسىن ورناتۋعا ءجون سىلتەپ، بارىسى ولشەمدى، مەڭگەرۋگە كەلەتىن، ءوندىرىس بارىسى ۇيلەسىمدى بولۋ تالابىن ورىندادى. كەدەننەن ءوتۋ بۋىندارىندا بالاۋسا گۇل ونىمدەرىنىڭ ارناۋلى تەرەزەسى مەن جاسىل وتكەل ورنالاستىرىپ، بالاۋسا گۇل ونىمدەرىنىڭ كەدەننەن تەز ءوتۋىن قامتاماسىز ەتتى، سونداي - اق فۋنكتسيالىق رولىن جالعاستى ساۋلەلەندىرىپ، ساياساتتىق ۇگىت تەبىنىن ۇلعايتىپ، شينجياڭدا وندىرىلگەن ءتىپتى دە كوپ ساپالى ونىمدەردى شەتەل بازارىنا شىعارۋعا كۇش ۇستەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
