سۋ يگىلىگى ينجەنەريا قۇرىلىسى جەدەلدەتىلىپ، سۋ بايلىعىن باياندى پايدالانۋ جۇزەگە اسىرىلدى
− اۆتونوميالى رايوندىق سۋ يگىلىگى مەڭگەرمەسىنىڭ قاتىستى جاۋاپتىسى كەلەلى سۋ يگىلىگى ينجەنەرياسى قىزمەتىنىڭ ورىستەتىلۋى جونىندە ءتىلشىنىڭ سۇراۋىنا جاۋاپ بەردى
انار بۇلت \ شينجياڭ گازەتىنىڭ ءتىلشىسى لۋ فىڭباۋ
2023.12.25 16:26 كەلۋ قاينارى : شينجياڭ گازەتى
سۋ يگىلىگى − شينجياڭنىڭ ەكونوميكالىق، قوعامدىق دامۋىنىڭ ماڭىزدى نەگىزى، سۋ يگىلىگى ينجەنەريا قۇرىلىسىن جەدەلدەتۋ سۋ بايلىعىن باياندى پايدالانۋدى جۇزەگە اسىرۋعا پايدالى. بيىل جىل باسىنان بەرى شينجياڭ قانداي شارالار قولدانىپ، سۋ يگىلىگى ينجەنەريا قۇرىلىسىن ىلگەرىلەتتى؟ سۋ يگىلىگى ينجەنەريا قۇرىلىسى قانداي ناتيجەلەرگە قول جەتكىزدى؟ بۇكىل شينجياڭنىڭ سۋدان پايدالانۋ قاجەتىن قالاي ۇيلەسىمدى قامتاماسىزداندىرۋعا بولادى؟ 12 - ايدىڭ 22 - كۇنى اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان بۇكىل رايونداعى كەلەلى سۋ يگىلىگى ينجەنەرياسى قىزمەتىنىڭ ورىستەتىلۋ احۋالى جونىندەگى اقپار جاريالاۋ ماجىلىسىندە اۆتونوميالى رايوندىق سۋ يگىلىگى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جياۋ چۋانشي قاتىستى ماسەلەلەر جونىندە ءتىلشىنىڭ سۇراۋىنا جاۋاپ بەردى.
ينجەنەريا قۇرىلىسى بەلسەنە ىلگەرىلەتىلدى
سۇراۋ: بيىل شينجياڭ قانداي شارالار قولدانىپ، سۋ يگىلىگى ينجەنەريا قۇرىلىسىن ىلگەرىلەتتى؟
جاۋاپ: شينجياڭ جوعارى دەڭگەيدە ىلگەرىلەتىپ، اۆتونوميالى رايوندىق پارتكومنىڭ سۋ بايلىعىن باسقارۋ كوميتەتىن، ماماندار كوميتەتىن قۇرىپ، 1 - رەتكى، 2 - رەتكى سۋ بايلىعىن باسقارۋ كوميتەتى ءماجىلىسىن جانە 1 - رەتكى ماماندار كوميتەتىنىڭ ءماجىلىسىن اشىپ، 14 ايماق، وبلىس، قالا، ％40 قالا، اۋدان، رايون پارتكومدارىنىڭ ىركەس - تىركەس سۋ بايلىعىن باسقارۋ كوميتەتىن قۇرۋىن ىلگەرىلەتىپ، ”دارەجەسىن جوعارىلاتىپ باسقاراتىن، الاپتى ءبىر تۇتاس جوسپارلايتىن، وڭىرلەر سايكەسەتىن، تاراۋلار بىرلەسىپ ارەكەتتەنەتىن“ سۋ بايلىعىن ءبىر تۇتاس باسقارۋ جۇيەسىنىڭ ”نەگىزگى جۇلگەسى“ نەگىزىنەن قۇرىلىپ ۇلگىردى.
باسشىلار اۋماققا ءبولىپ، كوتەرمەگە الۋ جوباسىن جاساپ، قىزمەت ارناۋلى ءبانىن قۇرىپ، بۇكىل رايونداعى كەلەلى، ءتۇيىندى سۋ يگىلىگى ينجەنەريالارىن، 14 ايماق، وبلىس، قالانىڭ سۋ يگىلىگى نىساندارىن تۇگەل قامتىپ، ينجەنەريالىق قۇرىلىس جۇرگىزۋدىڭ ءبىرىنشى شەبىنە ىشكەرىلەي بارىپ، تەحنيكالىق جاقتان ءجون سىلتەپ، قۇرىلىس جۇرگىزۋ بارىسىنداعى تەحنيكالىق قيىن ماسەلەلەردى ءونىمدى شەشىپ، ينجەنەريا قۇرىلىسى اياق الىسىن ىلگەرىلەتۋگە دەم بەردى.
اپتالىق مالىمەت، ايلىق مالىمەت جانە ايلىق ورنالاستىرۋ، كەڭەسۋ مەحانيزمىن اتقارىپ، بۇكىل رايونداعى ينجەنەريالاردىڭ جۇمىس باستاۋ (قالپىنا كەلتىرۋ) جانە قۇرىلىس اياق الىسى احۋالىن دەر كەزىندە يگەرىپ، ينجەنەريا قۇرىلىسىنداعى قيىن، بوگەتتى ماسەلەلەرگە يكەمدى تالداۋ جاساپ، تۇجىرىمداپ، نىسان قۇرىلىسىنا تۇساۋ بولاتىن فاكتورلاردى دەر كەزىندە جويىپ، ينجەنەريا قۇرىلىسىنىڭ جەدەل جۇرگىزىلۋىن پارمەندى ىلگەرىلەتتى.
ينجەنەريا نىسانىندا زاڭدى تۇلعا جاۋاپكەرشىلىك ءتۇزىمىن قاتاڭ تياناقتاندىرىپ، جاۋاپكەرشىلىك نەگىزگى تۇلعاسىن ايقىنداپ، ءاربىر ينجەنەريا قىزمەتىنىڭ جاۋاپكەرشىلىگىن ارقالايتىن ادام بولۋعا، مىندەتىن يگەرەتىن ادام بولۋعا، اياق الىسىن ىلگەرىلەتەتىن ادام بولۋعا شىنايى كەپىلدىك ەتتى. مەرزىم بويىنشا ”اي سايىن قاتارعا تۇرعىزۋ، ماۋسىم سايىن حابارلاندىرۋ“ ءادىسىن قولدانىپ، جەر - جەردىڭ سۋ اكىمشىلىك باسقارۋ تاراۋلارىن جانە نىسان زاڭدى تۇلعالارىن مىندەتىن وتەپ، جاۋاپكەرشىلىگىن ادا ەتۋگە قۋزاپ، ينجەنەريا نىسان قۇرىلىسىنىڭ اتقارىلۋىن ءونىمدى ىلگەرىلەتىپ، نىسانا - مىندەتتەردى تولىق ورىنداۋعا شىنايى كەپىلدىك ەتتى.
جىلدىق جوسپار اسىرا ورىندالدى
سۇراۋ: سۋ يگىلىگى ينجەنەريا قۇرىلىسى قانداي ناتيجەلەرگە قول جەتكىزدى؟
جاۋاپ: قازىرگە دەيىن ءبىر جىلدا جيىنى 30 ميلليارد 120 ميلليون يۋان قارجى قوسىلىپ، جىلدىق جوسپار ％68. 105 بولىپ ورىندالدى.
كەلەلى سۋ يگىلىگى ينجەنەرياسى جەدەل سالىندى، بيىل قورعان، داشىشيا، يۇرۇڭقاش سياقتى 9 كەلەلى سۋ يگىلىگى ينجەنەرياسىنا 11 ميلليارد 200 ميلليون يۋان قارجى قوسۋ جوسپارلاندى، قازىرگە دەيىن جىلدىق قوسىلعان قارجى جيىنى 9 ميلليارد 183 ميلليون يۋان بولىپ، جىلدىق جوسپاردىڭ ％99. 81ىن يەلەدى.
ورتا، شاعىن سۋ قويماسى ينجەنەريالارىنىڭ قۇرىلىسى ءساتتى ءجۇرىلىپ، بيىل بۇكىل شينجياڭدا سالىنىپ جاتقان جانە جاڭادان قۇرىلىس باستاعان ورتا، شاعىن سۋ قويما ينجەنەرياسى 32 بولىپ، 4 ميلليارد 67 ميلليون يۋان قارجى قوسۋ جوسپارلانعان. قازىرگە دەيىن جىلدىق قوسىلعان قارجى جيىنى 3 ميلليارد 675 ميلليون يۋان بولدى، مۇنىڭ ىشىندە قورقىس وزەنى حۇڭشان، قاعىلىق اۋدانىنداعى مومۇق، نيە اۋدانىنداعى نيا سياقتى 15 ورتاشا سۋ قويمالارىنا جىلدىق قوسىلعان قارجى جيىنى 2 ميلليارد 288 ميلليون يۋان قارجى بولدى، چەرچى، مولداباي، ويبۇلاق، جامبىتاس سياقتى 17 شاعىن سۋ قويماسىنا جىلدىق قوسىلعان قارجى ءبىر ميلليارد 387 ميلليون يۋان بولدى.
باسقا سۋ يگىلىگى نەگىزدىك قۇرىلعىلارى قۇرىلىستارى دا قاتار ىلگەرىلەپ، حالىق ءۇشىن ناقتى ءىس ىستەۋ بويىنشا اۋىل - قىستاق اۋىز سۋ حاۋىپسىزدىگىنىڭ 30 جوندەۋ، كۇتىمدەۋ نىسانى 2 جارىم اي بۇرىن ورىندالىپ، 539 جەر جوندەلىپ، كۇتىمدەلىپ، 2 ميلليون 30 مىڭ اۋىل - قىستاق تۇرعىنىنىڭ الاڭسىز سۋ ىشۋىنە مۇمكىندىك جاسالدى؛ 60 اۋىل - قىستاقتى سۋمەن قامداۋ بويىنشا قامتاماسىزداندىرۋ ينجەنەرياسى قۇرىلىس باستاپ، 2 ميلليارد 10 ميلليون يۋان قارجى قوسىلىپ، اۋىل - قىستاق تۇرعىندارىن سۋمەن قامداۋ بويىنشا قامتاماسىزداندىرۋ قابىلەتى ونان ارى كۇشەيدى، قازىر اۋىل - قىستاقتاردى قۇبىر سۋمەن شوعىرلى قامداۋ مولشەرى ％90تەن استامعا جەتىپ، سۋ ساپاسىنىڭ تولىمدى بولۋ مولشەرى كورنەكتى جوعارىلادى؛ سۋارمالى اۋماقتار قۇرىلىسى مەن وسىزامانداندىرىپ جاڭالاۋ كۇشەيتىلىپ، 3 ميلليارد 620 ميلليون يۋان قارجى قوسىلىپ، 72 جەردەگى ءىرى، ورتا سۋارمالى اۋماق نىسانىنىڭ قۇرىلىسى جۇرگىزىلىپ، ەگىنجايلاردى سۋاراتىن سۋدىڭ ءونىمدى پايدالانىلۋ كوەففيتسەنتى 575. 0كە جەتتى؛ اقاۋلى، حاۋىپتى سۋ قويمالارىن (بوگەن) قاتەردەن ارىلتۋ، بەكەمدەۋ ۇزدىكسىز ىلگەرىلەتىلىپ، 37 اقاۋلى، حاۋىپتى سۋ قويماسىن (بوگەن) قاتەردەن ارىلتۋ، بەكەمدەۋ ينجەنەرياسى ءتارتىپتى ىلگەرىلەتىلدى، 32 سۋ قويماسىنا، 50 بوگەنگە، 129 كيلومەتر توسپا ينجەنەرياسىنا ولشەمدەندىرىپ باسقارۋ بويىنشا باعالاۋ ورىندالدى؛ شاعىن سۋ ەلەكتر ستانسيالارىن جاسىل دامىتۋ جاپپاي ىلگەرىلەتىلدى، بيىل جىل باسىندان بەرى 230 شاعىن سۋ ەلەكتر ستانسياسىنا جۇمىس باسىندا جەتەكشىلىك ەتىلىپ جانە باقىلاۋ - تەكسەرۋ جۇرگىزىلىپ، 27 شاعىن سۋ ەلەكتر ستانسياسى توسپاسىنىڭ حاۋىپسىزدىك دەڭگەيىن ارناۋلى تۇردە جوعارىلاتۋدىڭ كەزەڭدىك مىندەتى ورىندالىپ، ەكولوگيالىق اعىن مولشەرىن باقىلاۋ - باسقارۋدى توركوزدەندىرۋ جۇيەسى قۇرىلىپ، شاعىن سۋ ەلەكتر ستانسيالارىن جاسىل دامىتۋ ارشىندى ىلگەرىلەۋشىلىككە قول جەتكىزدى.
سۋدان پايدالانۋ قاجەتى ۇيلەسىمدى قامتاماسىز ەتىلدى
سۇراۋ: بيىل شينجياڭنىڭ استىق ءوندىرىسى مول ونىمگە قول جەتكىزدى، ەگىن شارۋاشىلىعىندا سۋارۋعا پايدالانىلاتىن سۋ اسا جاقسى قامتاماسىز ەتىلدى، سوندا بۇكىل شينجياڭنىڭ سۋدان پايدالانۋ قاجەتى قالاي ۇيلەسىمدى قامتاماسىز ەتىلدى؟
جاۋاپ: اۆتونوميالى رايوننىڭ سۋ يگىلىگى تاراۋلارى كەلەتىن سۋدى بولجاۋ، سۋدان پايدالانۋ قاجەتى، سۋمەن قامداۋ شارالارى، قىزمەت وتەۋ مەن قامتاماسىز ەتۋ سىندى 4 شەشۋشى بۋىننىڭ جالپى بارىسىن باسقارۋدى ۇزدىكسىز كۇشەيتىپ، جەرگىلىكتى ورىن مەن بيڭتۋاندى، اعار مەن ءوڭىردى ءبىر تۇتاس جوسپارلاپ سايكەستىرۋدى ۇزدىكسىز كۇشەيتىپ، سۋمەن قامداۋ جوسپارىن يكەمدى رەتتەپ، سۋ بايلىعىنىڭ ونىمدىلىگىن بارىنشا ارتتىرۋدى جۇزەگە اسىردى. شوعىرلى ءبىر تۇتاس باسقارۋ مەن ءدال، جۇيەلى ۇلەستىرۋ ارقىلى كەلەتىن سۋ بىلتىرعى سول تۇستاعىدان ％10 ازايعان احۋالدا، بۇكىل شينجياڭنىڭ سۋمەن قامداۋدا، پايدالانۋدا ”كوبىرەك قامداۋ، كوبىرەك رەتتەۋ، كوبىرەك سۋارۋ، كوبىرەك ساقتاۋ“ جانە ”وزەن - كول ەكولوگياسىن ورنىقتى جاقسارتۋ“ نىساناسى جۇزەگە اسىرىلدى.
بيىل جىل باسىندا سۋمەن قامداۋ جوسپارىن جاساپ، جاڭا كەزەكتى 100 ميلليارد جىڭ استىق ءوندىرىس قۋاتىن جوعارىلاتۋ ارەكەتىن اتقارۋ قىزمەتىنىڭ تالابىنا ساي، ايماق، وبلىس، قالالارمەن بەلسەندى تىلدەسىپ، داقىلداردىڭ ەگىلگەن جەر كولەمى، ەگىمشىلىك قۇرىلىمى، سۋدى قاجەتسىنۋ احۋالى بويىنشا، سۋمەن قامداۋ جوسپارىن يكەمدى رەتتەپ، كوكتەمگى سۋارۋ جۇمىسىن تولىق تابىسپەن ورىنداپ، بۇكىل رايوننىڭ جازعى استىقتان مول ءونىم الۋىنا بەرىك نەگىز قالادى.
بيىل بۇكىل شينجياڭ جيىنى 61 ميلليارد 650 ميلليون تەكشەمەتر سۋمەن قامدادى، مۇنىڭ ىشىندە اۋىل شارۋاشىلىعىندا سۋارۋ بويىنشا سۋمەن قامداۋ 56 ميلليارد 87 ميلليون تەكشەمەتر بولىپ، بىلتىرعى سول تۇستاعىدان ءبىر ميلليارد 380 ميلليون تەكشەمەتر ارتىق قامدادى، ونەركاسىپ، تۇرمىس جانە ەكولوگيا بويىنشا سۋمەن قامداۋ 5 ميلليارد 563 ميلليون تەكشەمەتر بولدى. تاسقىننان ساقتانۋ حاۋىپسىزدىگىنە كەپىلدىك ەتۋ العى شارتىندا، عىلمي بوگەپ، سۋ قويماسىنداعى ساقتالعان سۋدى مولايتتى، قازىرگە دەيىن سۋ قويماسىنىڭ جالپى سۋ ساقتاۋ مولشەرى 14 ميلليارد 952 ميلليون تەكشەمەتر بولىپ، بىلتىرعى سول تۇستاعىدان ءبىر ميلليارد 341 ميلليون تەكشەمەتر ارتتى. بيىل ءبىر ميلليارد 720 ميلليون تەكشەمەتر تاسقىن سۋى بايلىققا اينالدىرۋ بويىنشا پايدالانىلىپ، تاسقىن سۋىنان ”ساقتانۋ، ويداعىداي پايدالانۋ“ نىساناسى جۇزەگە اسىرىلدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
