27 - شىلدە كۇنى، ىلە وبلىستىق ۇلت -ءدىن ىستەرى مەكەمەسى ( ۇلتتار ءتىل - جازۋ قىزمەتى) جيىن زالىندا ىلە وبلىستىق اتاۋ –تەرميىندەردى اۋدارۋ گرۋپپاسىنىڭ جاڭا اتاۋ –تەرميىندەر جونىندەگى تالقى جىينى وتكىزىلدى، تالقىعا ىلە وبلىستىق حالىق ۇكىمەتى، ىلە وبلىستىق تەلەۆيزيا مەكەمەسى، ىلە پەداگوگيكا شۋەيۋانى، ىلە گازەتى، ىلە كەشكى گازەتى قاتارلى ورىنداعى اۋدارماشىلار مەن زەينەتكەر اۋدارماشىلاردان بولىپ 11ادام قاتىناستى.
بۇل رەتكى تالقى جيىندا ساياسات، مەدەتسينا، ەكونوميكا، توراپ اتاۋلارى جاعىنداعى جاڭا اتاۋلاردان 138 اتاۋ - تەرمين تالقىلاندى. اۋدارماشىلاردىڭ جان - جاقتىلى تالقى جاساۋى ارقىلى العاشقى قادامدا جاڭا سوزدەردىڭ اتاۋى تۇراقتاندىرىلىپ، اۆتونوميالى رايوندىق ءتىل - جازۋ قىزمەتى كوميتەتىنە جولداندى. جيىن سوڭىندا جاڭا اتاۋ - تەرميىندەر اۋدارۋ جونىندە قۇندى ۇسىنىس پىكىرلەر ورتاعا قويىلدى.
كەلۋ قاينارى: حالىق تورابى