جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋعا ارنالعان «پارتيا تۋى استىندا» اتىنداعى كونسەرت بەيجيڭدە قويىلدى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، جاڭ دىجياڭ، يۇي جىڭشىڭ، ليۋ يۇنشان، جاڭ گاۋلي كونسەرتتى تاماشالادى
2017.07.31 17:09 كەلۋ قاينارى : حالىق تورابى
«حالىق گازەتى»، 28 – شىلدە، بەيجيڭ (ءتىلشى شۇي جۇن). ايبىندى ەپوس ىستىق قانمەن، ءوزىن ارناۋ رۋحىمەن جازىلادى، ادالدىق پەن سەنىم شۇعىلالى ساپارعا باستايدى. جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋعا ارنالعان «پارتيا تۋى استىندا» اتىنداعى كونسەرت 28 – شىلدە كەشتە بەيجيڭدەگى حالىق سارايىندا قويىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، جاڭ دىجياڭ، يۇي جىڭشىڭ، ليۋ يۇنشان، جاڭ گاۋلي قاتارلى پارتيا مەن مەملەكەت باسشىلارى استانانىڭ ءار سالا جۇرتشىلىعىنان 3 مىڭنان استام اداممەن بىرگە كونسەرتتى تاماشالادى.
90 جىلدىق شۇعىلالى كەزەڭ، 90 جىلدىق قايراتتانا العا ۇمتىلۋ ساپارى. كونسەرت 4 ءبولىم بويىنشا حالىق ارمياسىنىڭ پارتيا تۋىنىڭ جەتەكشىلىگىندە كىشكەنەدەن ۇلعايىپ، السىزدەن كۇشەيگەن، جەڭىستەن – جەڭىسكە ۇمتىلعان شۇعىلالى ساپارىن بەينەلەدى.
كونسەرت ايبىندى ءارى سالتاناتتى وتكىزىلدى، كوركەمونەرلىك تاسىلدەن جان – جاقتى پايدالانىپ، حالىق ارمياسىنىڭ توڭكەرىستىڭ دۇلەي تاسقىنىندا دۇنيەگە كەلىپ، توسقاۋىلداردى تاس – تالقان ەتكەن، بەلۋاردان قان كەشكەن، داڭققا بولەنگەن تاريحي ەلەۋلى ەڭبەگىن، حالىق ارمياسىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاعانىن ىستىق ىقىلاسپەن جىرعا قوسىپ، پارتيا تۋىنىڭ جەتەكشىلىگىندە سومداعان تىڭ دا اسقاق جىگەردى جاندى بەينەلەدى. كونسەرت دۇركىن – دۇركىن جوعارى ورلەۋگە كوتەرىلگەندە الاڭ ءىشى ءالسىن - ءالى قىزۋ مەرەيگە بولەنىپ وتىردى.
ج ك پ ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق كوميتەت شۋجيچۋىنىڭ بەيجيڭدەگى شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋروى، مەملەكەتتىك ساياسي كەڭەستىڭ ورىنباسار ءتوراعالارى، سونداي – اق ورتالىق اسكەري ىستەر كوميتەتىنىڭ مۇشەلەرى كونسەرتتى تاماشالادى.
كونسەرتكە سونىمەن بىرگە قارت جاۋىنگەرلەردىڭ، قۇربانداردىڭ ءۇي ىشىندەگىلەردىڭ، قارت جولداستاردىڭ، ۇكىمەتتىڭ ورنالاستىرۋىنا وتكىزىپ بەرىلگەن، ارميادان زەينەتكە، دەمالىسقا شىققان كادرلاردىڭ، قارت حالىق جاساقتارىنىڭ جانە ارمياداعى قاھارمان ۇلگىلەردىڭ، مەملەكەتتىك قوس قولداۋ وزاتتارىنىڭ، ارميادان وزگە سالاعا كاسىپ الماستىرعان، مەملەكەتتىك وزات كادرلاردىڭ ۋاكىلدەرى، ورتالىقتاعى پارتيا، ۇكىمەت، ارميا، بۇقارالىق تاراۋلاردىڭ جانە بەيجيڭ قالاسىنىڭ نەگىزگى جاۋاپتى جولداستارى، دەموكراتيالىق پارتيا – توپتىڭ ورتالىق كوميتەتتەرىنىڭ، مەملەكەتتىك ساۋداگەرلەر – ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، استانانىڭ ءار سالاسىنداعى بۇقارانىڭ ۋاكىلدەرى، ازاتتىق ارميانىڭ، قارۋلى ساقشى قوسىندارىنىڭ كوماندير – جاۋىنگەرلەرىنىڭ ۋاكىلدەرى كونسەرتتى تاماشالادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
