تارباعاتاي ايماعى ءۇش جىلدىق دايىندىق كلاس وقۋ-اعارتۋىن تەگىن جالپىلاستىرۋ قىزمەتىن تىڭعىلىقتى ىلگەرىلەتتى
2017.07.26 13:50
جۇماجان بەگزاتقان ۇلى حابارلايدى. شينجياڭ ۇيعۇر اۆتونوميالى رايون اۋىل-قىستاقتا 3 جىلدىق « قوس ءتىلدى» دايىندىق كلاس وقۋ-اعارتۋىن تەگىن جالپىلاستىرۋدى اتقارعاننان بەرى تارباعاتاي ايماعى قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەي وتىرىپ،« قوس ءتىلدى» بالالار باقشاسى قۇرىلىسىن بار كۇشپەن جەدەلدەتتى.
وقۋ جاسىنداعى بالالاردىڭ بالالار باقشاسىنا ءتۇسىپ وقۋىنا مۇمكىندىگىنشە كەپىلدىك ەتتى
بيىل تۇتاس ايماق بويىنشا اۋىل-قىستاقتا جاڭادان نەمەسە جالعاستى سالىناتىن بالالار باقشاسى 139، بۇعان قوسىلاتىن قارجى 387 ميلليون يۋان. قازىرگە دەيىن 100 ميلليون يۋان قارجى قوسىلىپ، 15 ىنىڭ قۇرىلىسى اياقتالىپ، 76سى بەزەندىرىلۋ ۇستىندە، 48 ىنىڭ تۇلعالىق قۇرىلىسى اياقتالعان. وسى بالالار باقشاسىنىڭ بارلىعىنىڭ ءراسمياتى تولىق بولىپ، قۇرىلىس ءتارتىبى مەملەكەت پەن اۆتونوميالى رايوننىڭ قاتىستى ولشەم-تالاپتارىنا ۇيلەسەدى ەكەن. تارباعاتاي ايماقتىق اكىمشىلىك مەكەمەسى وقۋ-اعارتۋ قىزمەتىن باقىلاۋ-جەتەكشىلىك ەتۋ كوميتەتى كەڭسەسىنىڭ مەڭگەرۋشىسى سۇي شۋبين: « اۋىل-قىستاقتا ءۇش جىلدىق ‹ قوس ءتىلدى› دايىندىق كلاس وقۋ-اعارتۋىن تەگىن جالپىلاستىرۋ ساياساتى اتقارىلعاننان بەرى ايماق جانە ءارقايسى اۋدان، قالا ‹ ۇيرەنۋ، بۇرىلىس جاساۋ، جەبەۋ› ارناۋلى قيمىلىن وراي ەتە وتىرىپ، بالالار باقشاسى قۇرىلىسىن جەدەل ىلگەرىلەتىپ، وقۋ جاسىنداعى بالالاردىڭ قىركۇيەكتىڭ باس شەنىندە بالالار باقشاسىنا تولىق ءتۇسىپ وقۋىنا، اۆتونوميالى رايوننىڭ وقۋ-اعارتۋ جاعىندا حالىققا تيىمدىلىك جەتكىزۋ ينجەنەرياسىنىڭ تارباعاتاي ايماعىندا تولىق تياناقتانىپ، ءار ۇلت بۇقاراسىنا تيىمدىلىك جەتكىزۋىنە كەپىلدىك ەتۋگە قۇلشىنۋدا» دەدى.
شاۋەشەك قالاسىندا قازىر 24 بالالار باقشاسى بار، مەكتەپتەردىڭ بوس ۇيلەرى مەن قىستاقتاردىڭ الەۋمەتتىك قيمىل ورىندارىنان 15 بالالار باقشاسى كلاسى قۇرىلعان. قازىرگە دەيىن تۇتاس قالا بويىنشا 4 مىڭ 31 بالا بالالار باقشاسى تاربيەسىن قابىلداپ، 4 جاستان 6 جاسقا دەيىنگى بالالاردىڭ بالالار باقشاسىنا تولىق ءتۇسىپ وقۋى جۇزەگە اسقان.
بيىل شاۋەشەك قالاسىندا 25 بالالار باقشاسى جاڭادان نەمەسە جالعاستى سالىنىپ،جالپى 84 ميلليون 740 مىڭ يۋان قارجى قوسىلعان. يەلەيتىن جالپى جەر اۋماعى 22 مىڭ 370 شارشى مەتر بولىپ،جوسپار بويىنشا شىلدە ايىنىڭ اياق شەنىندە بارلىعىنىڭ قۇرىلىسى تولىق اياقتالىپ، بيىل كۇزگى وقۋ ماۋسىمىندا تۇگەلدەي ساباق باستاۋ شارت-جاعدايىن ازىرلەيدى ەكەن. ءدوربىلجىن اۋدانىندا 2016-جىلدان 2017-جىلعا دەيىن 36 بالالار باقشاسى جاڭادان سالىنعان. جالپى قوسىلعان قارجى 73 ميلليون يۋان، يەلەيتىن جەر اۋماعى 27 مىڭ 930 شارشى مەتر بولىپ، جاڭادان 141 كلاس اشىلىپ، 4230 بالا قابىلدايتىن بولىپ، شىلدە ايىنىڭ اياق شەنىندە پايدالانۋعا بەرىلەدى ەكەن.
ءدوربىلجىن اۋدانى « قوس ءتىلدى» بالالار باقشاسىنداعى قازىرگى بار قۇرىلعىلاردان پايدالانىپ كلاس سانىن ارتتىرۋ سىندى تاسىلدەردى قولدانىپ، جاڭادان 43 كلاس اشىپ، 21 ۋاقىتتىق بالالار باقشاسىن قۇرىپ، ءبىر مىڭ 721 بالانى بالالار باقشاسىنا قابىلداۋ مىندەتىن ورىنداپ، ءۇش جىلدىق « قوس ءتىلدى» دايىندىق كلاس وقۋ-اعارتۋىن تەگىن جالپىلاستىرۋ مولشەرىن 100 پايىزعا جەتكىزدى.
ءدوربىلجىن اۋداندىق بالالار باقشاسىنىڭ باستىعى جياڭ يۇيمەي: «ءۇش جىلدىق دايىندىق كلاس وقۋ-اعارتۋىن تەگىن جالپىلاستىرۋ ساياساتى كوپشىلىكتىڭ اۋىرتپالىعىن جەڭىلدەتتى. بۇل ساياسات اتقارىلعاننان بەرى بالالار باقشامىز جاڭادان 100 دەن استام بالا قابىلدادى» دەدى.
وقىتۋشىلار قوسىنى بارىنشا كەمەلدەندىرىلدى
اۋىل-قىستاقتا ءۇش جىلدىق «قوس ءتىلدى» دايىندىق كلاس وقۋ-اعارتۋىن تەگىن جالپىلاستىرۋدىڭ قاجەتىنە ساي، ايماعىمىز بالالار باقشاسى وقىتۋشىلارىن قابىلداۋ قىزمەتىن جۇيەلى ورىستەتتى. مۇندا ءار كلاستا مەملەكەتتىڭ ورتاق قولدانىلاتىن ءتىل-جازۋىنا قانىق ءبىر وقىتۋشى بولۋعا كەپىلدىك ەتىپ، اۋىل-قىستاق بالالار باقشالارىنىڭ كلاستارىندا «ەكى وقىتۋشى،ءبىر تاربيەشى بولۋدى» جۇزەگە اسىردى.
بيىل شاۋەشەك قالاسى جاڭادان 160 بالالار باقشاسى وقىتۋشىسىن قابىلداۋمەن بىرگە، تۇتاس قالاداعى « قوس ءتىلدى» بالالار باقشالارىندا وقىتۋشى جەتىسپەۋ جاعدايىن تولىق تەكسەرىپ، جاڭادان ەرەكشە قىزمەت ورنى وقىتۋشىسىنان 88 ىن قابىلداۋدى ءوتىنىش ەتكەن.
شاۋەشەك قالاسى بيىل 10-ءساۋىر كۇنىنەن باستاپ، 127 بالالار باقشاسى وقىتۋشىسىن ايماق جاعىنان ۇيىمداستىرىلعان جاڭادان ۇسىنىس ەتىلگەن بالالار باقشاسى وقىتۋشىلارىن شوعىرلى تاربيەلەۋ كۋرسىنا قاتىناستىرىپ، ولاردىڭ دۇرىس وقۋ-وقىتۋ يدەياسىن تىكتەۋىنە مۇمكىندىك جاراتىپ،يدەيالىق-ساياسي ساپاسىن ءوسىرىپ، كاسىپتىك بىلىمدەرىن مولايتتى.
ءدوربىلجىن اۋدانى 180 بالالار باقشاسى وقىتۋشىسىن ۇسىنىس ەتۋدى جوسپارلاعان. تىزىمدەلگەندەر سانى 421 ادامعا جەتكەن. كەزەكتە جازباشا ەمتيحان جانە كاسىپتىك ونەر ەمتيحانىن الۋ، دەنساۋلىعىن تەكسەرتۋ سىندى قىزمەتتەرى ورىندالعان.
وقىتۋشى اقمارال تولقىن قىزى: «50 كۇندىك تاربيەلەۋ كۋرسىنا قاتىناسۋ ارقىلى كوپتەگەن كاسىپتىك بىلىمگە يە بولدىم. الداعى جەردە قىزمەتىمدى تىڭعىلىقتى ىستەۋگە قۇلشىنامىن» دەدى.
ايماقتىق وقۋ-اعارتۋ مەكەمەسىنىڭ ورىنباسار باستىعى شى ۋىنچيڭ: «تۇتاس ايماعىمىزدىڭ بيىلعى جاڭادان ۇسىنىس ەتىلگەن بالالار باقشاسى وقىتۋشىلارىن شوعىرلى تاربيەلەۋ قىزمەتى ءساتتى اياقتالدى. قىركۇيەك ايىنىڭ باس شەنىندە تاربيەلەۋگە قاتىناسقان وقىتۋشىلار كاسىپكە رەسمي كىرىسەدى» دەدى.
كەزەكتە تۇتاس ايماق بويىنشا 899 «قوس ءتىلدى» دايىندىق كلاس وقىتۋشىسى،439 تاربيەشى، 593 قوجالىق باسقارۋ قىزمەتكەرى ۇسىنىس ەتىلگەن.
ءار ۇلت بۇقاراسى ءتيىمدى ساياساتتان يگىلىكتەندى
شاۋەشەك قالاسى ارگۇڭ قالاشىعى سەنترلى مەكتەبى «قوس ءتىلدى» بالالار باقشاسىنىڭ مەڭگەرۋشىسى ۋاڭ مياۋ: «ءۇش جىلدىق دايىندىق كلاس وقۋ-اعارتۋىن تەگىن جالپىلاستىرۋ ساياساتى اتقارىلعاننان بەرى بالالاردىڭ وقۋعا كەلۋ سالىستىرماسى كورنەكتى جوعارىلاۋدان تىس، ەگىنشى-مالشىلاردىڭ بالالارىنىڭ سانى دا كورنەكتى ارتتى» دەدى. تۇرعىن گۇلميرا: « بالام بىلتىر قىركۇيەكتە بالالار باقشاسىنا كىرىپ وقىدى. ەشقانداي اقى الىنبايدى، ءار كۇنى قورەكتىگى مول تاعامداردى جەيدى، مەملەكەتتىڭ ابزال ساياساتىنا ءدان ريزامىز» دەدى.
وسىعان ۇقساس ءدوربىلجىن اۋدانىنىڭ تۇرعىنى چي ايلياننىڭ 5 جاستاعى ەگىز بالاسى دا اۋىل-قىستاقتا ءۇش جىلدىق دايىندىق كلاس وقۋ-اعارتۋىن تەگىن جالپىلاستىرۋ ساياساتىنان يگىلىكتەنىپ، قازىر اۋدانداعى بالالار باقشاسىندا وقۋدا.
چي ايليان: «بۇرىن بالالار باقشاسىنىڭ وقۋ قاراجاتى جوعارى بولعاندىقتان، بالالارىمدى وقىتا الماي كەلگەنمىن. بىلتىر جىل سوڭىندا مەملەكەتتىڭ ابزال ساياساتى اتقارىلعاننان كەيىن اۋىرتپالىعىمىز كورنەكتى جەڭىلدەدى. بيىل اۋداندىق قانت زاۆودىنىڭ ماڭىنان جاڭادان بالالار باقشاسى سالىنۋدا، ەندى بالالارىمدى سول ارادان وقىتپاقشىمىن، بۇعان ايرىقشا قۋانىشتامىن» دەدى.
كەلۋ قاينارى: «تارباعاتاي گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
