پراگا ــ ي – ۋ جۇڭگو – ەۆروپا كەزەكتى پويەزى تۇڭعىش رەت ءساتتى جولعا شىقتى

2017.07.20 14:11   كەلۋ قاينارى : حالىق تورابى

　　سۋرەتتە: جىجياڭ ولكەسىنىڭ باستىعى يۋان جياجۇن (سولدان ەكىنشى)، جۇڭگونىڭ چەحيادا تۇراتىن باس ەلشىسى ما كىچين (سولدان ءبىرىنشى) جانە چەحيا ونەركاسىپ – ساۋدا مينيسترىنىڭ ورىنباسارى نوۆوتني (سولدان ءۇشىنشى) 19 – شىلدەدە چەحيانىڭ استاناسى پراگادا پراگا ــ ي – ۋ جۇڭگو – ەۆروپا كەزەكتى پويەزىن تۇڭعىش رەت اتتاندىرۋ سالتىنا قاتىناسۋدا.

　　پراگا ــ ي – ۋ جۇڭگو – ەۆروپا كەزەكتى پويەزى 19 – شىلدە كۇنى چەحيا استاناسى پراگادان ءساتتى جولعا شىعىپ، چەحيا مەن جۇڭگونىڭ جىجياڭ ولكەسى اراسىنداعى جاڭا ساۋدا جولىن اشتى.

　　پراگا ــ ي – ۋ جۇڭگو – ەۆروپا كەزەكتى پويەزىن جۇرگىزۋشى جاق، ي – ۋ قالالىق تيانمىڭ ونەركاسىپ – ساۋدانى قارجىلاندىرۋ شەكتى سەرىكتەستىگىنىڭ القالار باستىعى فىڭ شۇيبيننىڭ ايتۋىنشا، بۇل كەزەكتى پويەزگە 41 جۇك تەكشەسى تيەلگەن، جيىنى 82 ولشەمدى جۇك قورابى بار، پويەزگە كريستال، اۆتوكولىك زاپشاستارى، ءسىرا سىندى چەحيانىڭ ەرەكشەلىككە يە ونىمدەرى مەن باسقا دا ەۆروپا ەلدەرىنىڭ تاۋارلارى تيەلگەن، تيەلگەن زاتتاردىڭ جالپى قۇنى شامامەن 5 ميلليون ا ق ش دوللارىنا تۋرا كەلەدى. بۇل پويەز پولشا، بەلورۋسسيا، رەسەي، قازاقستان ەلدەرىنەن ءوتىپ، الاتاۋ ساعاسى وتكەلى ارقىلى جۇڭگوعا ەنىپ، شامامەن 16 كۇندە جىجياڭ ولكەسىنىڭ ي – ۋ قالاسىنا جەتەدى. شينحۋا اگەنتتىگىنىڭ ءتىلشىسى

　　كەلۋ قاينارى: حالىق تورابى