ۇكىمەتتىك ساتىپ الۋدىڭ جاڭا بەلگىلەمەسى: ەڭ جوعارى باعا شەگى بەلگىلەنىپ، جاسىرىن سىرىڭكەلىك الۋعا تيىم سالىنادى
2017.07.19 16:17 كەلۋ قاينارى : حالىق تورابى
جۇڭگو اقپارات تورابى، 19 – شىلدە، بەيجيڭ (ءتىلشى لي جينلەي). ۇكىمەتتىك ساتىپ الۋدىڭ امالياتى بارىسىندا ساپاسى ناشار بولعانىمەن، باعاسى قىمبات بولۋ، قالىپسىز باسەكەگە سالىنۋ، ونىمدىلىگى تومەن بولۋ ماسەلەلەرى قوعامداعىلاردىڭ جاپپاي نارازىلىعىنا ۇشىراپ كەلدى، وسىعان وراي قازىنا مينيسترلىگى 18 – شىلدەدە «ۇكىمەتتىڭ زات ساتىپ الۋى جانە قىزمەت وتەۋ، مەردىگەر شاقىرۋ، مەردىگەرلىككە مالىمدەۋدى باسقارۋدىڭ جاڭا ءادىسىن» سىرتقا جاريالادى.
جاڭا ادىستە مىنالار بەلگىلەندى: ساتىپ الۋشى ساتىپ الۋ نىساناسى ەتىلگەن بازار تەحنيكاسى، قىزمەت وتەۋ ورەسى، قامداۋ، باعا سىندى بازار جاعدايىنا تەكسەرۋ جۇرگىزىپ، تەكسەرۋ جاعدايى مەن مۇلىكتى ورنالاستىرۋ ولشەمىنە ساي، ساتىپ الۋ قاجەتىن عىلمي، ۇيلەسىمدى تۇراقتاندىرىپ، باعاسىن ەسەپتەۋ شىعۋى كەرەك. ساتىپ الۋشى ەسەپتەپ شىققان باعاسىنا قاراي، ساتىپ الۋ مەجە ەسەبى ىشىندە ەڭ جوعارى باعا شەگىن بەلگىلەسە بولادى، دەسەدە، ەڭ تومەنگى باعا شەگىن بەلگىلەۋىنە بولمايدى.
قازىنا مينيسترلىگىنىڭ قاتىستى جاۋاپتىسى بىلاي دەدى: وسى رەتكى وزگەرىس ەنگىزۋ ءادىل ساۋدا پرينسيبىن كەمەلدەندىرىپ، جاريالىلىق دارەجەسى مەن ادىلدىكتى جوعارىلاتتى، جاسىرىن سىرىڭكەلىك الۋعا تيىم سالدى. جاڭا ءادىستىڭ 6 – تاراۋ 2 – تارماقشاسىندا بىلاي دەپ بەلگىلەنگەن: ساتىپ الۋشى ساتىپ بەرۋشى ساۋداگەردەن زات تالاپ ەتۋىنە، كۇشتەپ سۇراۋىنا، سىرىڭكەلىك الۋىنا نەمەسە ساتىپ الۋمەن قاتىستى جوق باسقادا زاتتاردى، قىزمەت وتەۋدى قابىلداۋىنا، الۋىنا بولمايدى.
ادىستە تاعى قاتىستى زاڭدىق جاۋاپكەرشىلىكتە بەلگىلەنگەن: ساتىپ الۋشى، اگاراكىم، جوعارىداعى بەلگىلەمەلەرگە قايشىلىق ىستەسە، قازىنا تاراۋلارى مەرزىمدى ۋاقىت ىشىندە تۇزەتۋ ەنگىزۋگە بۇيىرادى؛ ماسەلەسى اۋىر بولعاندارعا، ەسكەرتۋ بەرەدى، تىكەلەي جاۋاپتى بولعان نەگىزگى باسشىنى جانە باسقادا تىكەلەي جاۋاپتى قىزمەتكەرلەردى اكىمشىلىك باسقارۋ تاراۋلارى نەمەسە قاتىستى تاراۋلار زاڭ بويىنشا جازالايدى ءارى جۇرتشىلىققا جاريا ەتەدى؛ قىلمىسقا شاتىلعاندارىن ءادىليا تاراۋلارىنىڭ ءبىر جاقتى ەتۋىنە وتكىزىپ بەرەدى.
جاڭا ادىستە ءبىرقىدىرۋ شارالاردا بەلگىلەنىپ، مەردىگەرلىككە مالىمدەلگەن ساتۋشى ساۋداگەردىڭ وزىندىك قۇندى تومەندەتۋىن، مەردىگەرلىككە شاقىرىلۋ قولايلىلىق دارەجەسىن جوعارىلاتۋىن تالاپ ەتتى. جاڭا ادىسكە ساي، ادەتتە ساتىپ الۋشى، ۋاكىلەتتىك ساتىپ الۋشى قۇرىلىم مەردىگەرلىككە مالىمدەلۋشىدەن زات ۇلگىسىمەن قامداۋىن، جازباشا فورمامەن ساتىپ الۋ قاجەتىن ءدال بەينەلەپ بەرۋىن تالاپ ەتۋىنە بولمايدى، ال سوبيەكتيۆ باعا بەرۋ ءۇشىن زات ۇلگىسىن تۇراقتاندىرۋ جولىمەن ساتىپ الۋ قاجەتىن قاناعاتتاندىرۋ سىندى ەرەكشە جاعدايلار بۇنىڭ سىرتىندا.
بۇدان سىرت ادىستە تاعى مىنالار بەلگىلەندى: مەردىگەر شاقىرۋ قۇجاتى ساتىلۋ باعاسىن ورنىن تولىقتاۋ بويىنشا جاسالۋى، پوچتادان جولداناتىن وزىندىك قۇن پرينسيبى بويىنشا بەلگىلەنۋى كەرەك، پايدا تابۋدى ماقسات ەتۋىنە بولمايدى؛ تولىمدىلىقتى الدىن الا تەكسەرۋ قۇجاتىمەن تەگىن قامدايدى؛ ساتىپ الۋشى ورىن مەردىگەرلىك كەپىلدىك سوماسىن ۋاعىندا قايتارىپ بەرۋى، مەردىگەرلىككە شاقىرۋى توقتاتىلعاندارىنا مەردىگەرلىككە شاقىرۋ قۇجاتى قاراجاتىن قايتارىپ بەرۋى كەرەك.
ۇعىسۋعا قاراعاندا، جاڭا ءادىس 2017 – جىلى 1 – قازاننان باستاپ اتقارىلادى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
