قارقىندى تەزدەتىپ، اقىسىن تومەندەتۋ
عالامتوردا قۇدىرەتتى ەل بولۋعا دەم بەرۋ (قايراتتانا العا ۇمتىلعان 5 جىل)
2017.07.18 13:40 كەلۋ قاينارى : حالىق تورابى
«حايكوۋلىك ساباقتاستارمەن بىرگە مۋزىكا ساباعىنا قاتىناسا الاتىن بولدىق!». 19 – ماۋسىمدا حاينان بىرلەسپە حابارلاسۋىنىڭ تەڭىزدەن وتكىزىلگەن وپتيكالىق ارناۋلى لەنياسى الىس ارالىقتى وقۋ – وقىتۋ جۇيەسىنىڭ اشىلۋىنا وراي، ەلىمىزدىڭ ەڭ وڭتۇستىگىندەگى سانيا قالاسى يۇڭشين باستاۋىش مەكتەبىندەگى 32 وقۋشى تەلەۆيزور ەكرانى ارقىلى 800 كيلومەتر شالعايداعى حايكوۋ قالالىق 9 – باستاۋىش مەكتەپ مۋزىكا مۇعالىمىنىڭ ساباعىن تىڭدادى.
پارتيانىڭ 18 – قۇرىلتايىنان بەرى نانحاي تەڭىزىندەگى سانشا ارالىنان ەلىمىزدىڭ ەڭ تەرىستىگىندەگى موحىعا دەيىن، سىچۋان لياڭشانداعى جاۋجۋە اۋدانىنىڭ «شاتقال قىستاعىنان» شيزاڭ ۇستىرتىندەگى مەدوگ اۋدانىنا دەيىن، وپتيكالىق كەڭ ايالى تورابى مەن 4G جىلجىمالى حابارلاسۋ تورابى جالپىلاسىپ، قارقىندى تەزدەتىپ، اقىسىن تومەندەتۋدىڭ ىشكەرىلەي ىلگەرىلەتىلۋى حالىققا پايدا جەتكىزىپ قالماستان، ەڭ ماڭىزدىسى كاسىپتەردى عالامتورمەن ۇشتاستىرۋدى جەبەپ، جاڭالىق، يگىلىك جاراتۋعا دەم بەرىپ، سيفرلى ەكونوميكانىڭ تەز قارقىنمەن ارتۋىنا سەبەپشى بولىپ، عالامتوردا قۇدىرەتتى ەل بولۋ قۇرىلىسىن ءۇرتىس ىلگەرىلەتتى.
عالامتوردا قۇدىرەتتى ەل بولۋ ــ ورەلى ستراتەگيالىق شەشىم
ەلىمىز دۇنيە ءجۇزى بويىنشا وپتيكالىق كەڭ ايالى توراپتىڭ قامتۋى ەڭ كەڭ، 4G جىلجىمالى حابارلاسۋ تورابىنىڭ كولەمى ەڭ ۇلكەن مەملەكەتكە اينالدى.
بازار تەكسەرۋ قۇرىلىمىنىڭ ەڭ جاڭا دوكلادىندا كورسەتىلۋىنشە، بيىل ءبىرىنشى توقساندا، حۋاۋەي سەرىكتىگى كيسكو سەرىكتىگىنەن اسىپ ءتۇسىپ، الەمدىك روتور (وزەكتى جول بولگىش) بازارىنىڭ اعا جۇلدەگەرىنە اينالدى. بۇل 2014 – جىلى ەريكسون سەرىكتىگىن باسىپ وزىپ، بۇكىل الەم بويىنشا ءبىرىنشى ۇلكەن تەلەگراف جابدىقتارىن وندىرەتىن سەرىكتىككە اينالعاننان كەيىنگى حۋاۋەي سەرىكتىگىنىڭ حابارلاسۋ تورابىنىڭ وزەكتى جابدىق بازارىندا قول جەتكىزگەن تاعى ءبىر كەلەلى العا باسۋى سانالادى. سونىمەن بىرگە، بيىل ءبىرىنشى توقسانداعى يقۋاتتى قولفون بازارىندا، حۋاۋەي سەرىكتىگى 34 ميلليون 550 مىڭ دانا يقۋاتتى قولفون ساتىپ، جۇڭگو بويىنشا 1 – ورىندى، الەم بويىنشا 3 – ورىندى يەلەدى.
حۋاۋەي سەرىكتىگىنىڭ ەڭسە كوتەرۋى ەلىمىزدىڭ 5 جىلدان بەرى عالامتوردا قۇدىرەتتى ەل قۇرۋداعى تەبىندى ارەكەتىنىڭ ءبىر مىسالى سانالادى. «جاڭا داۋىردەگى ستراتەگيالىق الەۋمەتتىك نەگىزدىك قۇرىلعى» رەتىندە كەڭ ايالى توراپ ەكونوميكانىڭ، قوعامنىڭ دامۋىن جەبەۋدە جانە بۇقارانىڭ تۇرمىسىنا قىزمەت وتەۋدە ءتىپتى دە ماڭىزدى نەگىزدىك، تىرەكتىك رول اتقارۋدا. دۇنيە بانكەسىنىڭ ءبىر رەتكى تەكسەرۋىندە ءمالىم بولۋىنشا، كەڭ ايالى توراپتىڭ تۇرعىندار اراسىندا جالپىلاسۋى %10 جوعارىلاعان سايىن ىشكى ءوندىرىستىڭ جالپى ءونىم قۇنى شامامەن %1.38 جوعارىلايدى ەكەن، دامۋ ۇستىندەگى ەلدەر جونىنەن بۇل كورسەتكىش ءتىپتى دە جوعارى بولادى ەكەن.
پارتيا ورتالىق كوميتەتى، مەملەكەتتىك كەڭەس كەڭ ايالى توراپتىڭ ەكونوميكانىڭ، قوعامنىڭ دامۋىنداعى كەلەلى ستراتەگيالىق مانىنە ايرىقشا نازار اۋدارۋدا، 5 جىلدان بەرى عالامتوردا قۇدىرەتتى ەل قۇرۋ، كەڭ ايالى توراپ جالپىلاسقان جۇڭگو، توراپتىڭ قارقىنىن جوعارىلاتىپ، اقىسىن تومەندەتۋ، كاسىپتەردى عالامتورمەن ۇشتاستىرۋ سياقتى ءبىرقىدىرۋ ساياساتتىق شارانى ارت – ارتىنان بەلگىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
