جۇڭگونىڭ ۇشقىشسىز جولاۋشىلار ۇشاعى شىلدە ايىندا دۋبايدا ىسكە قوسىلماق

2017.02.15 14:55   كەلۋ قاينارى : حالىق تورابى

　　حالىق تورابى، 15 – اقپان، بەيجيڭ. 13 – اقپان، اراب بىرىككەن امىرلىگىنىڭ دۋباي قالاسى، دۋباي قاتىناس مەكەمەسىنىڭ باستىعى ماتا تاير (الدىڭعى قاتارداعى سولدان ءتورتىنشى ادام) جۇڭگو يحاڭ سەرىكتىگى مۇشەلەرىمەن بىرگە «يحاڭ 184» ءنومىرلى ۇشقىشسىز جولاۋشىلار ۇشاعىنىڭ الدىندا سۋرەتكە ءتۇسىپ ەستەلىك قالدىرۋدا. اراب بىرىككەن امىرلىگى قاتىناس مەكەمەسى 13 – شىلدە كۇنى مالىمدەمە جاريالاپ، بيىل شىلدە ايىندا دۋباي قالاسىنىڭ ۇشقىشسىز جولاۋشىلار ۇشاعىن ىسكە قوساتىن الەمدەگى ءبىرىنشى قالا بولاتىنىن، ىسكە قوسىلاتىن بۇل ۇشاقتىڭ جۇڭگودا جاسالعان «يحاڭ 184» ءنومىرلى ۇشقىشسىز جولاۋشىلار ۇشاعى ەكەنىن جاريالادى. بۇل ۇشقىشسىز جولاۋشىلار ۇشاعى الەمدەگى تۇڭعىش ۇشقىشسىز جولاۋشىلار ۇشاعى بولىپ، باس سەرىكتىگى جۇڭگونىڭ گۋاڭجوۋ قالاسىندا تۇراتىن يحاڭ زەردەلى تەحنيكا شەكتى سەرىكتىگى دەربەس زەرتتەپ جاساعان، قىسقا ارالىقتى كۇندەلىكتى قاتىناس تاسىمالى بارىسىنداعى كەزىككەن ماسەلەلەردى شەشۋگە پايدالانىلادى.

　　كەلۋ قاينارى: حالىق تورابى