حالىق تورابى، 17 – مامىر، بەيجيڭ. شينحۋا اگەنتتىگىنىڭ حابارلاۋىنشا، 16 – مامىردا گۋاڭدۇڭ ولكەلىك قوعام حاۋىپسىزدىگى مەڭگەرمەسىنەن ۇعىسۋعا قاراعاندا، دۇڭگۋان قوعام حاۋىپسىزدىگى تاراۋلارى جۋىردا جاسىرىن اقشا قويماسىنا قاتىستى دەلولاردى انىقتاپ، دەلو تۋىلعان ورىننان 15 ميلليون يۋانعا جۋىق ناق اقشانى تاپقان.
دۇڭگۋان ساقشى جاعى 130دان استام ساقشىنى جۇمىلدىرىپ، چاڭپيڭ، چيڭشي قاتارلى قالاشىقتاردا ءبىر ۋاقىتتا ارەكەتتەنۋ ارقىلى دەلونى انىقتاپ، لي Xحى، ياڭ Xحى قاتارلى قىلمىس كۇماندىلارىنان 11 ادامدى ۇستاپ، دەلو تۋىلعان ورىننان 14 ميلليون 977 مىڭ 500 يۋان حالىق اقشاسىن، 504 مىڭ يۋان شياڭگاڭ اقشاسىن قولعا تۇسىرگەن، دەلونى ءبىرجاقتىلى ەتكەن حالىق ساقشىسىنىڭ ايتۋىنشا، دەلو تۋىلعان ورىننان تابىلعان 100 يۋاندىق اقشالاردىڭ جالپى سالماعى 170 كيلوگرامعا بارابار.
كەلۋ قاينارى: حالىق تورابى