- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەلىمىزدە ٵر ادام ورتا ەسەپپەن 4.58 كىتاپ وقيدى
ۇيالى تەلەفونمەن وقيتىنداردىڭ كۇنىنە وقيتىن ۋاقىتى تۇڭعىش رەت ءبىر ساعاتتان استى
ۇنحاتتا وقيتىندار سانى جارتىسىنان استى
2016.04.19 14:31 كەلۋ قاينارى : حالىق تورابى
حالىق تورابى، 19 - ءساۋىر، بەيجيڭ. جۇڭگو اقپارات، باسپا ءسوز ىستەرىن زەرتتەۋ مەكەمەسى 18 - ءساۋىر كۇنى بەيجيڭدە 13 - كەزەكتى بۇكىل ەلىمىز حالىقىنىڭ كىتاپ وقۋ جاعدايىن تەكسەرۋ مالىمەتىن جاريالاعان. ساندى مالىمەتكە قاراعاندا، ەلىمىز حالىقىنىڭ 2015 – جىلعى ورتا ەسەپپەن ادام باسىنا وقىعان قاعاز كىتاپ سانى 4.58 كىتاپ، ەلەكتروندى كىتاپ سانى 3.26 كىتاپ بولعان.
2015 - جىلى ەلىمىزدەگى ەرەسەكتەردىڭ كىتاپ وقۋ مولشەرى ％58.4 بولىپ، 2014 - جىلداعىدان ％0.4 ارتقان، سيفىرلى ءتاسىل ارقىلى وقىعاندار مولشەرى ％64.0كە جەتىپ، 2014 - جىلداعىمەن سالىستىرعاندا ％5.9 ارتقان، ٵر قايسى اقپارات قۇرالدارى تانىستىرعان ۋنيۆەرسالدىق حابارلاردى وقىعاندار سانى ％79.6كە جەتىپ، 2014 - جىلداعىمەن سالىستىرعاندا ％1.0 ارتقان.
سيفىرلى قۇرالداردىڭ شۇعىل كوبەيۋىنە بايلانىستى، سيفىرلى ادىسپەن وقۋدى (توراپتا وقۋ، ۇيالى تەلەفونمەن وقۋ، ەلەكتروندى نۇسقاسىن وقۋ، وپتيكالىق تاباقپەن وقۋ، جازىقتىق كومپيۋتەرمەن وقۋ) قابىلداۋشىلار سانى ％64.0كە جەتىپ، 2014 - جىلعى ％58.1تەن ％5.9 ارتقان. مۇندا ۇيالى تەلەفونمەن وقيتىنداردىڭ سانى ەڭ تەز ارتقان. 2015 - جىلعى ۇيالى تەلەفونمەن وقيىتىن ەرەسەكتەر سانى ％60.0 جەتىپ، 2014 - جىلعى ％51.8 تەن %8.2 ارتقان.
ساندى مالىمەتكە نەگىزدەلگەندە، 2015 - جىلى ەلىمىزدەگى ەرەسەك ادامداردىڭ ٵر كۇنى تەلەفوننان وقيتىن ۋاقىتى ورتا ەسەپپەن 62.21 مينۋت بولىپ، 2014 - جىلعى 33.82 مينۋتتان 28.39 مينۋت ارتقان. بۇل ەلىمىزدە تەلەفونمەن وقۋدىڭ تۇڭعىش رەت ءبىر ساعاتتان اسۋى.
ۇنحاتتا وقيتىنداردىڭ جاعدايىنا باقىلاۋ جۇرگىزگەندە، 2015 - جىلعى ەلىمىزدىڭ ۇنحاتتان وقيتىن ەرەسەكتەر سانى ％51.9 جەتىپ، 2014 - جىلداعى ％34.4 تەن ％17.5 ارتقان. ۇيالى تەلەفون ىستەتۋشىلەردىڭ ％87.4 تەن استامى ۇنحات ارقىلى وقيتىن بولعان.
بولاشاقتا ۇيالى تەلەفون نەمەسە باسقادا سيفىرلى وقۋ اسپاپتارى قاعاز كىتاپتىڭ ورىن باسا ما؟ «مەنىڭشە، ولاي بولمايدى. سيفىرلى وقۋ اسپاپتارىنىڭ دامۋىنان قاراعاندا، ەلەكتروندى وقۋ اسپاپتارى 2011 - جىلدان 2013 - جىلعا دەيىنگى جوعارى قارقىندى دامۋدان كەيىن، قازىر دامۋى باياۋلاعان. ا ق ش -تىڭ جاعدايىنان الىپ قاراعاندا، بيىل ەلەكتروندى وقۋ اسپاپتارىنىڭ ساتىلۋى قاعاز كىتاپتاردىڭ ساتىلۋ مولشەرىنىڭ ارتۋىنان تومەن بولعان.» جۇڭگو اقپارات، باسپا ءسوز ىستەرىن زەرتتەۋ مەكەمەسىنىڭ باستىعى ۋەي يۇيشان بىلاي دەدى. وسى جولعى ساندى مالىمەتتەن قاراعاندا، سيفىرلى وقۋ اسپاپتارىن پايدالانۋشى ەرەسەكتەردىڭ ％90كە تاياۋى 49 جاستان تومەنگىلەر بولىپ، قاعاز كىتاپتى وقۋشىلار سانى ％60كە تاياۋ بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
