- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شۇبات مەكەنىندەگى دۋماندى قيمىل
2016.04.19 11:03
جەر انانىڭ توڭ كەۋدەسى ءجىبىپ، تاس ەمشەگى يىگەن ناۋرىز ايىنىڭ 23-، 24- كۇنى جۇڭگوداعى تۇيە مەكەنى دەگەن بۋرىلتوعاي اۋدانىندا تۇڭعىش كەزەكتى تۇيە باقتاشىلارىنىڭ اۋقاتتانۋ تاجىريبەسىن قابىلداۋ جانە سيلاۋ–ماداقتاۋ قيمىلى سالتاناتتى ءوتتى. بۇل قيمىلعا باتىس سولتۇستىكتەگى بەس ولكەدەن كەلگەن تۇيە باعۋدىڭ 300 دەن استام مايتالمانى بۋرىلتوعاي اۋدانىندا تۇيە شارۋاشىلىعىن دامىتۋ جونىندە وي ورتاقتاستىردى. وسى رەتكى قيمىلدىڭ ءمانى اۋداننىڭ تۇيە شارۋاشىلىعىنىڭ ىقپالىن ارتتىرىپ، تۇيە باعىپ اۋقاتتانۋ تاجىريبەسىن قابىلداپ، رايون ىشىندەگى كوپتەگەن تۇيە باعۋشىلاردى ۇيىمداستىرۋ، تۇيە شارۋاشىلىعىن «حالىقتى اۋقاتتاندىرىپ شەكارانى كوركەيتۋدىڭ»، كەدەيلىكتەن قۇتىلدىرۋدان قامال الۋدىڭ تىرەكتى كاسىبىنە اينالدىرۋ بولىپ تابىلادى.
ءداۋىردىڭ وزگەرىسىنە، وسى زامانعى عىلىم–تەحنيكانىڭ جاڭالانۋىنا بايلانىستى تۇيە شارۋاشىلىعىنىڭ ورنى دا جوعارىلاي ءتۇستى. تۇيە باعىمشىلىعى جۇڭگونىڭ شەكارا رايوندارىنداعى از ۇلتتاردىڭ تىرەكتى كاسىبىنە اينالدى. 2007–جىلى بۋرىلتوعاي اۋدانىنا شينجياڭ ۋاڭيۋان شۇبات شەكتى سەرىكتىگى ىرگە تەۋىپ، 2014- جىلى تامىزعا ول شينجياڭ ۋاڭيۋان بيولوگيالىق عىلىم–تەحنيكا توبى سەرىكتىگى بولىپ قۇرىلىپ، ەلىمىز كولەمىندەگى بىردەن–ءبىر دەربەس ءبىلىم مەنشىك ۇقىعى بار تۇيە ءسۇتىن مانەرلەيتىن، تۇيە جەلىلەس ونىمدەرىن زەرتتەيتىن، تۇيە ونىمدەرىن جىنتىكتەي مانەرلەيتىن حالىق باسقارۋىنداعى كاسىپورىنعا اينالدى. كەزەكتە بۇل ۋاڭيۋان توبى مەملەكەت جاعىنان بەس پاتەنت ۇقىعىن الدى، 28 پاتەنت ۇقىعى بەكىتىلىپ كەلۋ ۇستىندە، جانە دە سۇيىلتىلعان ءسۇت، تۇيە ءسۇتى پاراشوگى، ءسۇت پاراشوگى اشىتقىسى، تۇيە ءسۇتى اكتيۆ تابىلەتكاسى سياقتى جەلىلەس ءتورت تۇردەگى 20دان استام ونىمدەردى زەرتتەپ شىعارىپ وتىر. كۇنىنە مانەرلەيتىن تۇيە ءسۇتىنىڭ قۋاتى 20 تونناعا جەتەدى. ۋاڭيۋان بيولوگيالىق عىلىم–تەحنيكا توبى سەرىكتىگى، بازا سەلبەستىك كووپەراتيۆى، باعىمشىلىق وتباسى قوسىلعان تيجارات جۇرگىزۋ ءتاسىلىن پايدالانىپ، تۇيە باعۋشىلارعا تىڭ جول اشىپ، وراسان زور ەكونوميكالىق ونىمدىلىك جاراتىپ بەردى.
بۋرىلتوعاي اۋدانى «ءبىر بەلدەۋ، ءبىر جول» ستراتەگيالىق ورايىن مىقتى يگەرىپ، مال شارۋاشىلىعىنىڭ بايلىق، بازار، كاسىپ، مادەنيەت ابزالدىعىن ارقاۋ ەتىپ، بولاشاققا كوز تاستاپ، ونىمدىلىك ارقىلى ماركا جاراتتى. ۇكىمەت جەتەكشىلىك ەتۋ، كاسىپورىن باستاماشى بولۋ، عىلىم–تەحنيكانى سۇيەنىش ەتۋ، مادەنيەتپەن دەڭگەيىن كوتەرۋ، ماركا ارقىلى اتاعىن ايگىلەۋ ستراتەگياسى بۋرىلتوعاي اۋدانىنىڭ جاسىل ورگانيكالى بايلىق قاينارىن دەنساۋلىقتى قورعاۋ ونىمدەرىنە اينالدىرىپ، كاسىپورىن مەن باعىمشىلىق وتباسىلارى ورتاق يگىلىككە كەنەلەتىن ۇتىمدى ءادىستى العا قويدى. مىنە، وسى ۇتىمدى باعىمشىلىق ءادىسى 2014–جىلى جۇڭگو مال شارۋاشىلىق سالاسىنىڭ ۇزدىك ءادىسى بولىپ باعالاندى ءارى وسى ءادىس بويىنشا ىستەلگەندىكتەن دامۋ قارقىنى تەزدەدى، سونداي-اق كورشىلەس ورىندارعا دا ۇلگى بولدى، ءتىپتى، بەرىسى شينجياڭ، ارىسى بۇكىل ەلگە تانىلىپ، تۇيە شارۋاشىلىعىنداعى ماڭداي الدى ورىنعا اينالدى.
قازىرگە دەيىن بۇل اۋدانداعى تۇيە باعۋشىلاردىڭ سانى اۋەلگى 200 دەن ءبىر مىڭ 850 وتباسىنا كوبەيدى، ءتورت جەردەن تۇيە باعىمشىلىق كووپەراتيۆى قۇرىلىپ، تۇيە تۇلىگىنىڭ سانى 19 مىڭ باسقا جەتتى، مۇنىڭ ىشىندە ىنگەن سانى 10 مىڭ باس بولدى. تۇيە شارۋاشىلىعىنىڭ بۇل اۋداندا قاۋىرت كوتەرىلۋى ماڭايىنداعى ىرگەلەس 10 اۋدان–قالا، تۋان الاڭىنىڭ تۇيە شارۋاشىلىعىن شالقىتۋىنا دەمەۋ بولدى. تۇيەشىلەردىڭ جان باسىندىق كىرىسى 400 يۋاننان ارتىپ، تۇيە شارۋاشىلىعى التاي ايماعىنىڭ شەكارا رايوندى ورنىقتىرىپ، حالىقتى اۋقاتتاندىرۋدىڭ تىرەكتى كاسىبىنە اينالدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
