2016 - جىلعى «جىبەك جولى وركەنيەتى: قازاق فيلولوگياسى» تۋرالى حالىقارالىق عىلمي كونفەرنسيا بەيجيڭدە وتكىزىلدى
2016.04.15 15:30 كەلۋ قاينارى : حالىق تورابى
حالىق تورابى، 15 - ساۋىر، بەيجيڭ. ۇلت ءۇمىتى ۇرپاقتا دەمەكشى، ەلىمزدىڭ ابزال ساياساتىنىڭ ارقاسىندا ٵر ۇلت ۇلاندارى تەل قوزىداي تەڭ ٶسىپ، ءبىلىم نارىمەن سۋسىنداپ جاتقان از ۇلت جاستارىنىڭ جوعارى ءبىلىم وردالارىنىڭ ءبىرى ـــ ورتالىق ۇلتتار ۋنيۆەرسيتەتى. ورتالىق ۇلتتار ۋنيۆەرسيتەتى ٵر جىلى قوعامعا سانسىزداعان از ۇلت دارىندىلارىن تاربيەلەپ كەلەدى. اتالعان ۋنيۆەرسيتەتتە اشىلعان قازاق ءتىل – ادەبيەت فاكۋلتەتىنىڭ شاڭىراق كوتەرگەنىنە دە ءبىرتالاي جىلدىڭ ءجۇزى بولدى. ۇلتىمىزدىڭ سان عاسىرلىق تاريحى مەن مادەنيەتىن، ءتىلى مەن ادەبيەتىن ۇرپاقتار جۇرەگىنە ۇلاعاتتاۋدا تىنباي ەڭبەكتەنىپ كەلە جاتقان قازاق ءتىل – ادەبيەت فاكۋلتەتى قازىرگە دەيىن سانسىزداعان فيلولوگيا ماماندارىن تاربيەلەپ، ۇلتىمىزدىڭ ەرتەڭى ۇشىن ءوشپەس ەڭبەك سىڭىردى. اتالعان فاكۋلتەتتىڭ جۋىردا عانا ۇيىمداستىرعان يگى جۇمىستارىنىڭ ءبىرى ــ 2016 - جىلعى «جىبەك جولى وركەنيەتى: قازاق فيلولوگياسى» تۋرالى حالىقارالىق عىلمي كونفەرنسياسى ەدى.
2016 - جىلعى «جىبەك جولى وركەنيەتى: قازاق فيلولوگياسى» تۋرالى حالىقارالىق عىلمي كونفەرنسيا ورتالىق ۇلتتار ۋنيۆەرسيتەتى قازاق ءتىل – ادەبيەت فاكۋلتەتى مەن جۇڭگو تۇرىك ءتىل قوعامىنىڭ باس بولىپ ۇيىمداستىرۋىمەن 8 - ساۋىردەن 9 - ساۋىرگە دەيىن ەكى كۇن ۋاقىتپەن بەيجيڭدەگى ورتالىق از ۇلت كادرلار ينيستيتۋتىندا وتكىزىلدى. حالىقارالىق عىلمي كونفەرنسياعا ەلىمىز بەن قازاقستاننان ارنايى شاقىرىلعان قازاق فيلولوگياسىنىڭ عالىمدارى مەن مامان، وقىمىستىلارى قاتىناستى. اشىلۋ مۇراسىمنان كەيىن ەكى كۇندىك ۋاقىتپەن ءتىل جانە ادەبيەت دەپ ەكى گرۋپپاعا بولىنىپ وتكىزىلگەن عىلمي كونفەرنسياعا قازاقستان ءبىلىم جانە عىلىم مينيسترلىگىنىڭ ءتىل - ءبىلىم ينستيتۋتى، قازاقستان ءال - فارابي اتىنداعى ۇلتتىق ۋنيۆەرسيتەتى، قازاقستان ەۆرو - ازيا ۇلتتىق ۋنيۆەرسيتەتى، شينجياڭ ۋنيۆەرسيتەتى، ىلە پەداگوگيكا ۋنيۆەرسيتەتى قاتارلى جوعارى وقىتۋ ورىندارىنىڭ ماماندارى مەن ورتالىق حالىق راديو ستانسياسى، شينجياڭ تەلەۆيزياسى، ورتالىق ۇلتتار باسپاسى، جۇڭگو ۇلتتار اۋدارما مەكەمەسى، شينجياڭ باسپاسى، «مۇرا» جۋرنالى، «شينجياڭ قوعامدىق عىلىمدار جۋرنالى» قاتارلى قازاق ءتىلىنىڭ قولدانىلۋى مەن قورعالۋىندا وزگەشە رول اتقارىپ كەلە جاتقان اقپارات - باسپا ءسوز سالاسىنىڭ جاۋاپتى ادامدارى مەن جۋرناليستەرى قاتىناستى. قازاق فيلولوگياسى ءۇشىن كوپ جىلدار ەڭبەكتەنىپ كەلە جاتقان عالىمدار مەن ماماندار عىلمي كونفەرنسيا ارنايى دايىنداعان ماقالالارىن وقىپ، ٶزارا پىكىر الماستىردى. قازاق ءتىلىنىڭ دامۋى تۋرالى، زەرتتەلۋ جاعدايى تۋرالى، قولدانىس بارىسىنداعى ارتىقشىلىقتارى مەن ساقتالىپ وتىرعان ماسەلەلەر تۋرالى ورەلى ويلارىن ورتاعا سالدى. عىلمي كونفەرنسيا ٶزىنىڭ كۇنتارتىبى 9 - ساۋىر كۇنى كەش ەكى كۇندىك تالقىنىڭ تابىسى مەن جەتكەن ورەسىن قورىتىندىلاي وتىرىپ، تابىسپەن اياقتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
