سىرتقى ىستەر مينيسترلىگى: ا ق ش پەن تايۋان اسكەري ىمىرالاسۋدى كۇشەيتسە، تۇبىندە بىرەۋگە سىلتەگەن شوقپارى وزىنە تيەدى

2024.04.25 13:46 كەلۋ قاينارى : حالىق تورابى

　　4 – ايدىڭ 24 – كۇنى، سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين كەزەكتى تىلشىلەر جينالىسىن باسقاردى. ءبىر ءتىلشى ا ق ش پارلامەنتى كەڭەس پالاتاسى داۋىس بەرىپ ماقۇلداعان شەتەلگە كومەك بەرۋ زاڭ جوباسىنداعى تايۋانعا ساياتىن مازمۇن جونىندە سۇراۋ قويدى.

　　مالىمدەمەشى ۋاڭ ۋىنبين بىلاي دەدى: ا ق ش پەن تايۋاننىڭ اسكەري ىمىرالاسۋدى كۇشەيتۋى تايۋانعا حاۋىپسىزدىك اكەلمەيدى، ”تايۋاندى دەربەستەندىرۋدىڭ“ ساتسىزدىككە ۇشىرايتىن تاعدىرىن دا قۇتقارا المايدى، تەك تايۋان بۇعازىنىڭ شيەلەنىستى جاعدايى مەن قاقتىعىستىڭ، قارسىلاسۋدىڭ قاتەرىن عانا ارتتىرادى، ەڭ سوڭىندا بىرەۋگە سىلتەگەن شوقپارى وزىنە تيەدى. ا ق ش ءبىر جۇڭگو پرينسيبى مەن جۇڭگو - ا ق ش ءۇش جاق بىرلەسكەن مازمۇنداماسىنىڭ بەلگىلەمەسىنە قاتاڭ بويسۇنىپ، ا ق ش باسشىلارىنىڭ ”تايۋاندى دەربەستەندىرۋدى“ قولداماۋ ۋادەسىن ناقتى تياناقتاندىرىپ، تايۋاندى قارۋلاندىرۋدى، تايۋان بۇعازى جاعدايىنىڭ جاڭا شيەلەنىستى فاكتورىن تۋدىرۋدى، تايۋان بۇعازىنىڭ بەيبىتشىلىگى مەن ورنىقتىلىعىنا زيان جەتكىزۋدى توقتاتۋى كەرەك. جۇڭگو قاتىستى زاڭ جوباسىنىڭ اۋقىمىن ءجىتى قاداعالاپ، باتىل دا پارمەندى شارالار قولدانىپ، ءوزىنىڭ يەلىك ۇقىق حاۋىپسىزدىگى مەن تەرريتوريا تۇتاستىعىن قورعايدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved