حالىق تورابىنىڭ زاڭ جايلى حابارى
ۋيشين توبىنداعىلاردى ”توپتان شىعارسا“ زاڭعا قايشى كەلە مە؟
2024.04.22 15:00 كەلۋ قاينارى : حالىق تورابى
الەۋمەتتىك قارىم – قاتىناس توبىن قۇرۋشىسى، باسقارۋشىسى توپتى، گرۋپپانى باسقاراتىن ادام رەتىندە تەكشە بەرگەن ”باسقارۋ ۇقىعىنا“ يە. توپتا سويلەسۋ بارىسىندا ”توپ مۇشەلەرىن توپتان شىعارۋ“ زاڭعا قايشى كەلە مە؟ توپتان شىعارىلعان سوڭ، توپ باستىعىنان رۋحاني زياندى تولەپ بەرۋدى تالاپ ەتۋگە بولا ما؟
[دەلونى ەسكە ءتۇسىرۋ]
تۇرعىندار اۋماعىنداعى مۇلىك يەسى شۇي X مۇلىك يەلەرى كوميسسياسى ءىستى زاڭسىز ءبىتىردى دەپ كۇماندانعان، مۇلىك يەلەرى توبىندا سويلەسۋ بارىسىندا، شۇي X مۇلىك يەلەرىنىڭ بىرنەشەۋىمەن داۋلاسىپ قالادى ءارى توپتا ادامنىڭ نامىسىنا تيەتىن جانە ۇرەيلەندىرەتىن سوزدەردى ايتىپ، باسقالارعا شابۋىلدايدى. باسقارۋشى جىڭ X شۇي X تىڭ توپتاعى سوزدەرى توپتىڭ بەلگىلەمەسى مەن ۇقتىرۋىنا قايشى كەلگەن دەپ قاراپ، ونى توپتان شىعارىپ تاستايدى. كەيىن شۇي X وسى ءىس جايلى توپتىڭ باستىعى يان X كە شاعىمدانادى ءارى قايتادان توپقا كىرگىزۋدى تالاپ ەتەدى، يان X ونىڭ تالابىن تويتارادى ءارى قارا تىزىمدىككە قوسادى.
شۇي X تۇرعىندار اۋماعىنداعى مۇلىك يەسى سالاۋاتىمەن بۇل ارەكەت ءوزىنىڭ ۇقىعىنا قول سۇققاندىق، باسقا مۇلىك يەلەرىنىڭ الدىندا ماسقارالاپ، ءوزىنىڭ نامىسىنا تيگەندىك دەپ قاراپ، يان X پەن جىڭ X تىڭ ۇستىنە سوت مەكەمەسىنە ارىزدانىپ، سوت مەكەمەسىنەن ءوزىنىڭ توپتاعى سالاۋاتىن قالپىنا كەلتىرۋ، يان X پەن جىڭ X تى وزىنەن كەشىرىم سۇراتۋ ءارى جەكە – جەكە وزىنە ءبىر يۋان جانە ەكى يۋان تولەم تولەتۋ جونىندە ۇكىم شىعارۋدى تالاپ ەتەدى.
سوت مەكەمەسى بۇل ارەكەت — ينتەرنەتتەگى توپتار مەن گرۋپپالاردا ”كىم توپ قۇرسا، سول جاۋاپتى بولۋ“، ”كىم باسقارسا، سول جاۋاپتى بولۋ“ سىندى ءوزىن – ءوزى باسقارۋ جاعىنداعى بەلگىلەمەنى قولدانۋعا سايادى، ازاماتتىق ىستەر زاڭىنداعى قارىم – قاتىناستى قالىپتاستىرمايدى دەپ قاراپ، شۇي X تىڭ ارىزىن وزىنە قايتارادى. شۇي X مويىنسال بولماي، جوعارىلاپ ارىزدانادى.
ەكىنشى رەتكى سوتتا سوت مەكەمەسى بىلاي دەپ قارايدى: ۋيشين توبىنىڭ باستىعىنىڭ، باسقارۋشىسىنىڭ توپتاعى مۇشەلەردى تاڭداۋ ۇقىعى بار، توپقا كىرۋ، توپتان شەگىنۋ، توپتان شىعارۋ قاتارلى ارەكەتتەر توپ مۇشەلەرى اراسىنداعى ارەكەت، قوعامدىق قارىم – قاتىناس كولەمىنە كىرەدى، بۇل ارەكەت ازاماتتىق ىستەر زاڭىنداعى قارىم – قاتىناستى قالىپتاستىرمايدى نەمەسە وزگەرتپەيدى، بۇل ارەكەت بارىسىندا قالىپتاسقان داۋ – شار ازاماتتىق ىستەر زاڭىنىڭ جونگە سالۋ كولەمىنە كىرمەيدى. سوندىقتان، ەكىنشى سوتتا سوت مەكەمەسى شۇي X تىڭ جوعارىلاپ ارىزدانۋىن تويتارىپ، اسىلگى ۇكىمدى ساقتاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
