سىرتقى ىستەر مينيسترلىگى: انگليانىڭ جۇڭگونىڭ ىشكى ىسىنە كيلىگۋىن توقتاتۋىن ەسكەرتەمىز
2024.04.17 15:46 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 16 – كۇنى بەيجيڭنەن بەرگەن حابارى. انگليا ۇكىمەتىنىڭ جۋىردا جاريالاعان اتالمىش ”شياڭگاڭ ماسەلەسىنىڭ جارىم جىلدىق بايانداماسىندا“ شياڭگاڭ ىستەرىن سان ـ ساققا جۇگىرتكەنىنە قاراتا، سىرتقى ىستەر مينيسترلىگىنىڭ مالىمدەمەشىسى لين جيان 4 – ايدىڭ 16 - كۇنى كەزەكتى تىلشىلەر جينالىسىندا بىلاي دەدى: جۇڭگو انگليانىڭ جۇڭگونىڭ ىشكى ىسىنە كيلىگۋىن توقتاتۋىن، جۇڭگونىڭ مەملەكەت حاۋىپسىزدىگىن بۇلدىرگەن قىلمىستىلار مەن شياڭگاڭداعى بۇلىكشىلەردى قورعاشتاۋىن، ايتاقتاۋىن توقتاتۋىن ەسكەرتەدى.
”انگليا جاقتىڭ ايتىلمىش بايانداماسى شىندىقپەن ساناسپاي، دۇرىس پەن بۇرىستى شاتاستىرىپ، شياڭگاڭ ىستەرى مەن جۇڭگونىڭ ىشكى ىسىنە دورەكىلىكپەن كيلىگىپ، حالىقارالىق زاڭنىڭ پرينسيبىنە جانە حالىقارالىق قاتىناستىڭ نەگىزگى ولشەمىنە اۋىر قايشىلىق جاسادى، جۇڭگو جاق بۇعان كۇشتى نارازىلىق بىلدىرەدى، باتىل قارسى تۇرادى“ دەدى لين جيان.
لين جيان بىلاي دەدى: شياڭگاڭ وتان قۇشاعىنا ورالعاننان بەرى، جۇڭگو ۇكىمەتى ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، وسكەلەڭ اۆتونوميا باعىتىن جاپپاي دۇرىس، بۇلجىتپاي دايەكتىلەندىردى. شياڭگاڭ ەرەكشە اكىمشىلىك رايونى مەملەكەت حاۋىپسىزدىگىن قورعاۋ زاڭى مەن شياڭگاڭ ەرەكشە اكىمشىلىك رايونى مەملەكەت حاۋىپسىزدىگىن قورعاۋ ەرەجەسىنىڭ جاسالىپ اتقارىلۋى مەملەكەت حاۋىپسىزدىگىنىڭ بەرىك قالتقىسىن قالىپتاستىردى. مەملەكەت حاۋىپسىزدىگىن قورعاۋ زاڭىنىڭ قورعاۋىندا شياڭگاڭ تۇرعىندارىنىڭ زاڭ بويىنشا يگىلىكتەنەتىن ءتۇرلى ۇقىقتارى مەن ەركىندىكتەرى اناعۇرلىم ويداعىداي قامتاماسىز ەتىلدى، تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى، شياڭگاڭ ەكونوميكانى بار كۇشپەن دامىتۋدىڭ ەڭ تاماشا مەزگىلىن قارسى الدى، شياڭگاڭنىڭ حالىقارالىق فينانس، تەڭىز تاسىمالى، ساۋدا ورتالىعى سىندى ورنى اناعۇرلىم بەكەمدەلدى، دامۋ بولاشاعى ءتىپتى دە نۇرلى.
”شياڭگاڭ ىستەرى بۇكىلدەي جۇڭگونىڭ ىشكى ءىسى. ءبىز انگليانىڭ شياڭگاڭنىڭ وتان قۇشاعىنا ورالعانىنا 27 جىلعا تاياۋ ۋاقىت بولعان نەگىزگى فاكتىلەرىنە قۇرمەت ەتۋىن، جۇڭگونىڭ ىشكى ىسىنە كيلىگۋىن توقتاتۋىن، جۇڭگونىڭ مەملەكەت حاۋىپسىزدىگىن بۇلدىرگەن قىلمىستىلار مەن شياڭگاڭداعى بۇلىكشىلەردى قورعاشتاۋدى، ايتاقتاۋدى توقتاتۋىن قاتاڭ ەسكەرتەمىز“ دەدى لين جيان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
