شاڭحاي قالالىق حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى شۋجيى، مەڭگەرۋشىسى دۇڭ يۇنحۋعا الەۋمەتتىك ايىپتاما بەرىلدى

2024.04.25 10:59 كەلۋ قاينارى : حالىق تورابى

　　شاڭحاي قالالىق حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى شۋجيى، مەڭگەرۋشىسى دۇڭ يۇنحۋدىڭ پارا الۋ دەلوسىن مەملەكەتتىك باقىلاۋ - تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ كورسەتۋىمەن انحۇي ولكەسى حىفي قالالىق حالىق پروكۋراتۋراسىنىڭ تەكسەرىپ ايتپاۋىنا بەردى. تاياۋدا حىفي قالالىق حالىق پروكۋراتۋراسى حىفي قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.

　　پروكۋراتۋرا ورگاندارى تەكسەرىپ ايىپتاۋ ساتىسىندا ايىپكەر دۇڭ يۇنحۋدىڭ ارىز - شاعىم ۇقىعى بار ەكەنىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر دۇڭ يۇنحۋ ورتالىق كوميتەت سىرتقى ۇگىت كەڭسەسى (مەملەكەتتىك كەڭەستىڭ اقپارات كەڭسەسى) 7 - مەكەمەسىنىڭ باستىعى، شيزاڭ اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، شاڭحاي قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، شاڭحاي قالالىق ساياسي كەڭەس پارتگرۋپپاسىنىڭ شۋجيى، ءتوراعاسى، شاڭحاي قالالىق حالىق قۇرىلتايى تۇراقتى كوميتەتى پارتگرۋپپاسىنىڭ شۋجيى، مەڭگەرۋشىسى قاتارلى قىزمەتتەردى وتەگەن كەزىندە قىزمەت قولايلىلىعىنان پايدالانىپ، باسقالارعا پايدا جەتكىزگەن نەمەسە قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ، باسقا مەملەكەت قىزمەتكەرلەرىنىڭ مىندەت جاعىنداعى ارەكەتى ارقىلى باسقالارعا ورىنسىز پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved