قازاقستاندا تاسقىن اپاتىنان 5 ادام قازا بولدى

2024.04.19 16:23 كەلۋ قاينارى : حالىق تورابى

　　شينحۋا اگەنتتىگىنىڭ 4 – ايدىڭ 18 – كۇنى استانادان بەرگەن حابارى. قازاقستاننىڭ سولتۇستىك، شىعىس جانە باتىس بولەكتەرىندە كوكتەمگى تاسقىن جانە قار – مۇزدىڭ كوپ مولشەردە ەرۋىنەن تاسقىن اپاتى تۋىلدى، 4 – ايدىڭ 18 – كۇنىنە دەيىن 5 ادام قازا بولىپ، 120 مىڭعا جۋىق ادام جوتكەلدى.

　　قازاقستان شۇعىل جاعداي مينيسترلىگىنىڭ 4 – ايدىڭ 18 - كۇنگى حابارىنا قاراعاندا، قازاقستاننىڭ كوپ جەرىندە تۋىلعان تاسقىن اپاتىنان 5 ادام قازا بولىپ، 118 مىڭ ادام حاۋىپسىز ورىنعا جوتكەلگەن. قازىرگە دەيىن 7 مىڭعا جۋىق تۇرعىن ءۇيدى سۋ باسىپ، 60 نەشە قىستاقتا اۆتوكولىك قاتىناۋدان توقتاعان. سولتۇستىك قازاقستان وبلىسى، اقمولا وبلىسى، اقتوبە وبلىسى قاتارلى جەرلەردىڭ اپاتتان قۇتقارۋ جاعدايى اۋىر.

　　حاباردا بىلاي دەلىنگەن: قازاقستان 40 مىڭنان استام ادامدى اتتانىسقا كەلتىرىپ، 4000 نان استام ءتۇرلى جابدىقتاردى ىسكە قوسىپ، 18 ۇشاق شىعارىپ شۇعىل قۇتقارۋ جانە تاسقىنعا قارسى تۇرىپ، اپاتتان قۇتقارۋ ارەكەتىن جۇرگىزگەن.

　　قازاقستان ەنەرگيا مينيسترلىگىنىڭ 4 – ايدىڭ 18 – كۇنى بەرگەن حابارىنا قاراعاندا، تاسقىن اپاتىنىڭ ىقپالىنان قازاقستاننىڭ نەگىزگى مۇناي الابى اتىراۋ وبلىسى مەن اقتوبە وبلىسىندا 493 مۇناي قۇدىعى ۋاقىتشا وندىرىستەن توقتاعان.

　　قازاقستان زۇڭتۇڭى توقايەۆ 4 – ايدىڭ 16 - كۇنى سولتۇستىك قازاقستان وبلىسىنداعى اپاتقا ۇشىراعان رايونداردى كوزدەن كەشىرگەندە، الداعى 10 كۇن قازاقستاننىڭ تاسقىنعا قارسى تۇرۋداعى ەڭ شەشۋشى مەزگىلى، قازاقستان ۇكىمەتى اپاتقا ۇشىراعان بۇقارانى قۇتقارادى جانە ەكونوميكالىق كومەك بەرەدى دەدى. بۇدان تىس، شىعىمدى ۇنەمدەپ، تاسقىنعا قارسى اتتانىپ، اپاتتان قۇتقارۋ قىزمەتىن قامتاماسىز ەتۋ ءۇشىن، قازاقستان بيىل 6 - ايدا وتكىزىلمەكشى بولعان استانا حالىقارالىق تالقى مىنبەسىن توقتاتادى ءارى دۇنيە جۇزىلىك كوشپەلى ۇلتتار سپورت جارىسىن وتكىزۋ جونىندەگى مەجە ەسەپتى ازايتادى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved