قوعام حاۋىپسىزدىگى مينيسترلىگى ”تۇلكى اۋلاۋ 2024“ ارناۋلى ارەكەتىن ورىستەتتى
2024.04.23 13:54 كەلۋ قاينارى : حالىق تورابى
جۋىردا قوعام حاۋىپسىزدىگى مينيسترلىگى ەلىمىز كولەمىندە قوعام حاۋىپسىزدىگى تاراۋلارىنىڭ شەكارا سىرتىندا قاشىپ جۇرگەن قىلمىس كۇماندىلارىن قۋعىنداۋىنا ساياتىن ”تۇلكى اۋلاۋ 2024“ ارناۋلى ارەكەتىن ورىستەتۋى جونىندە ورنالاستىرۋ جاسادى.
”تۇلكى اۋلاۋ 2024“ ارناۋلى ارەكەتىن ورتالىقتىڭ شىرىكتەسۋگە قارسى تۇرۋ قىزمەتىن سايكەستىرۋ گرۋپپاسىنىڭ حالىقارالىق قاشقىنداردى قۋعىنداۋ، قاراجاتتى قايتارىپ الۋ جانە شىرىكتەسۋدى شەكارا اتتاپ جونگە سالۋ قىزمەتى كەڭسەسى ورنالاستىرىپ ورىستەتكەن ”الەمدىك تور جايۋ 2024“ ارەكەتىنىڭ ماڭىزدى قۇرامداس بولىگى. قوعام حاۋىپسىزدىگى مينيسترلىگى ورنالاستىرۋداعى تالاپتارعا ساي، قاشقىنداردى قۋعىنداۋ، قاراجاتتى قايتارىپ الۋ جاعىنداعى ءتۇيىندى دەلولاردان قامال الۋ تەبىنىن ارتتىرىپ، قاشقىنداردى قۋعىنداۋ، قاراجاتتى قايتارىپ الۋ قىزمەتىنىڭ ساپاسى مەن ونىمدىلىگىن ۇتىمدى جوعارىلاتىپ، زاڭ اتقارۋدا سەلبەسۋ ارناسىن ىشكەرىلەي كەڭەيتەدى.
قوعام حاۋىپسىزدىگى مينيسترلىگىندەگى قاتىستى جاۋاپتى جولداستىڭ ايتۋىنشا، بۇكىل ەلىمىزدەگى قوعام حاۋىپسىزدىگى ورگاندارى پارتيانىڭ 20 – قۇرىلتايى مەن پارتيا 20 – كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتى تياناقتاندىرىپ، مەملەكەتتىڭ مۇددەسى مەن مەملەكەتتىڭ حاۋىپسىزدىگىن قورعاۋ سىندى وسكەلەڭ تۇرعىدان ”تۇلكى اۋلاۋ 2024“ ارناۋلى ارەكەتىن ىشكەرىلەي ورىستەتىپ، ورتالىقتىڭ شىرىكتەسۋگە قارسى تۇرۋ كۇرەسى مەن ءىرى حاۋىپ – قاتەرلەردەن ساقتانۋ جانە ونى شەشىم ەتۋدەن قامال الۋ شايقاسى قاتارلى وزەكتى قىزمەتتەرگە اناعۇرلىم ويداعىداي قىزمەت وتەپ، مەملەكەت حاۋىپسىزدىگى مەن قوعامنىڭ ورنىقتىلىعىن شىنايى قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
