سىرتقى ىستەر مينيسترلىگى: جاپونيانىڭ قاتىستى قۇجاتتارىنىڭ ايتىلمىش ”جۇڭگو قاتەرى“ دەگەندى اسىرەلەۋىنە باتىل قارسى تۇرامىز
2024.04.17 15:43 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 16 – كۇنى بەيجيڭنەن بەرگەن حابارى. جاپونيانىڭ تاياۋدا جاريالاعان 2024 – جىلعى «ديپلوماتيا كوك تىستى كىتابىنا» قاراتا، سىرتقى ىستەر مينيسترلىگىنىڭ مالىمدەمەشىسى لين جيان 4 – ايدىڭ 16 – كۇنى وتكىزىلگەن كەزەكتى تىلشىلەر جينالىسىندا سۇراۋعا جاۋاپ بەرگەندە بىلاي دەدى: جاپونيا قاتىستى قۇجاتتارىندا جۇڭگوعا كۇيە جاعاتىن، جازعىراتىن سوزدەردى بەتالدى قولدانىپ، ايتىلمىش ”جۇڭگو قاتەرى“ دەگەندى اسىرەلەدى، جۇڭگونىڭ ىشكى ىسىنە ورىنسىز كيلىكتى، بۇعان جۇڭگو جاق باتىل قارسى تۇرادى.
لين جيان بىلاي دەدى: بىلتىر 11 ـ ايدا جۇڭگو ـ جاپونيا ەكى ەل باسشىلارى سان ـ فرانسيسكودا كەزدەسكەندە ستراتەگيالىق ءوزارا ءتيىمدى قارىم ـ قاتىناستى جاپپاي ىلگەرىلەتەتىن ەكى ەل قارىم ـ قاتىناسىنىڭ ورنىن قايتا تۇراقتاندىرىپ، ەكى ەل قارىم ـ قاتىناسىنىڭ جاقسارۋىنا، دامۋىنا شەشۋشى ساياسي جەتەكشىلىك ازىرلەدى. جاپونيانىڭ قاتىستى قۇجاتتارى جۇڭگونى قارالايتىن، جازعىراتىن ەسكى اۋەننەن جازباي، ايتىلمىش ”جۇڭگو قاتەرىن“ اسىرەلەپ، جۇڭگونىڭ ىشكى ىسىنە ورىنسىز كيلىكتى، جۇڭگو جاق بۇعان باتىل قارسى تۇرادى.
”ءبىز جاپونيانى قاتەلىگىن تۇزەتىپ، لاگەرلىك قارسىلاسۋدى تۋدىرۋدى جانە جۇرگىزۋدى توقتاتىپ 'ستراتەگيالىق ءوزارا ءتيىمدى قارىم ـ قاتىناس' ورنىن شىن مانىندە ەكى جاقتى قارىم ـ قاتىناستى دامىتۋدىڭ ولشەمى ەتىپ، جاڭا ءداۋىردىڭ تالابىنا ۇيلەسەتىن سىندارلى، ورنىقتى جۇڭگو ـ جاپونيا قارىم ـ قاتىناسىن ورناتۋ نىساناسىنا قاراي قاجىماي ـ تالماي قۇلشىنۋعا قۋزايمىز“ دەدى لين جيان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
