جۇڭحۋا ۇلتى ورتاق تۇلعا تانىمىن بەرىك ورناتۋدىڭ قوعامدىق نەگىزىن جاقسارتامىز
انار بۇلت \ شينجياڭ گازەتىنىڭ ٴتىلشىسى ۋاڭ يايۇن
2024.04.25 16:12 كەلۋ قاينارى : شينجياڭ گازەتى
ادامدى وزەك ەتكەن جاڭاشا قالا ـ قالاشىقتاندىرۋ _ جۇڭگو ۇلگىسىندەگى وسىزامانداندىرۋدىڭ، ٴسوز جوق، باسىپ وتەتىن جولى جانە ماڭىزدى بەلگىسى. شينجياڭدا ٴار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحولوگيا سياقتى جاقتاردا جان ـ جاقتى كىرىگۋىن بىرتىندەپ جۇزەگە اسىرۋدى قالاي ىلگەرىلەتىپ، ٴار ۇلت بۇقاراسىنىڭ ۇزدىكسىز تۇردە ٴتۇسىنىسۋدى ارتتىرۋىنا، سۇيىسپەنشىلىكتى نىعايتۋىنا، ىنتىماقتى جەبەۋىنە مۇمكىندىك جاساۋ _ باستان ـ اياق ادامدى وزەك ەتكەن جاڭاشا قالا ـ قالاشىقتاندىرۋ قۇرىلىسىنىڭ ماڭگىلىك تاقىرىبى.
اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپى ٴماجىلىسى ادامدى وزەك ەتكەن جاڭاشا قالا ـ قالاشىقتاندىرۋدى جەدەل ىلگەرىلەتىپ، ٴار ۇلت بۇقاراسىنىڭ كەڭ كولەمدە ارالاسۋىن، ىشتەسۋىن، توعىسۋىن ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ قوعامدىق نەگىزىن ۇزدىكسىز جاقسارتۋ كەرەكتىگىن العا قويدى.
ٴتىلشى بۇل نىسانانى جۇزەگە اسىرۋدا قاي جاقتاردان كۇش سالۋ كەرەكتىگى جونىندە تىلشىلىك جاسادى.
كاسىپ سالاسىن دامىتۋ ارقىلى ادامدى شوعىرلاندىرامىز
”12 ساعات قىزمەت ىستەپ، 24 ساعات دەمالامىن، ايلىق كىرىسىم 4000 يۋاننىڭ ۇستىندە. دەمالعان كەزدە ۇيدەگىلەردىڭ ەگىس جۇمىستارىنا كومەكتەسىپ، بالاعا قارايلاسامىن .“ 4 ـ ايدىڭ 19 ـ كۇنى تۋىسشىلاپ ەندى عانا ۇيىنە ورالعان كۇشار اۋدانى ۇزىن قالاشىعى ۇزىنارىق قىستاعىنىڭ تۇرعىنى ايگۇل قىزىر جاڭادان ساتىپ العان اۆتوكولىگىن ايداپ، كۇشار ەكونوميكالىق، تەحنيكالىق اشۋ رايونىنا تۇنگى قىزمەتكە باردى.
بۇگىندەرى وڭتۇستىك شينجياڭنىڭ اۋىل ـ قىستاقتارىندا ايگۇل سياقتى قىستاقتان شىعىپ قالاعا بارىپ، شارۋادان كاسىپ سالاسى جۇمىسشىسىنا اينالعانداردىڭ قاتارى بارعان سايىن مولايۋدا.
قالا مەن اۋىلدىڭ توعىسپالى دامۋى ەلىمىزدىڭ جاڭاشا قالا ـ قالاشىقتاندىرۋىنىڭ جانە اۋىل ـ قىستاقتى گۇلدەندىرۋدىڭ ۇشتاسۋ تۇيىنىنە ٴارى جۇڭحۋا ۇلتى ورتاق تۇلعا تانىمىن بەرىك ورناتۋدىڭ پارمەندى تىرەگىنە اينالدى.
سوڭعى جىلدارى شينجياڭ وڭتۇستىك شينجياڭنىڭ اۋىل شارۋاشىلىق قوسىمشا ونىمدەرىن جىنتىكتەي وڭدەۋ، توقىماشىلىق، كيىم ـ كەشەك تىگۋ، ەلەكتروندى ونىمدەردى قۇراستىرۋ سياقتى ەڭبەك شوعىرلانعان كاسىپ سالالارىن قولداۋ تەبىنىن ۇزدىكسىز ارتتىردى، كاسىپورىندار ىركەس ـ تىركەس وڭتۇستىك شينجياڭعا ىرگە تەۋىپ، قىرۋار ەڭبەككۇش، قارجى جانە تەحنيكا سياقتىلاردى قالا ـ قالاشىققا شوعىرلانۋعا باۋرادى.
كۇشار قالاسى ماقتانىڭ تۇتاس كاسىپ سالاسى تىزبەگىن ۇلعايتىپ، الۋەتتەندىرىپ، باستاماشى كاسىپورىنداردى جەردى وتكەرمەلەۋ، شارۋالاردىڭ جەرىن جالعا الۋ سياقتى جاسامپاز شارالار ارقىلى كاسىپورىننىڭ شيكىزات قامداۋىن قامتاماسىز ەتۋگە، ”ەگىمشىلىك + وڭدەۋ + توقىماشىلىق“ سىندى تۇتاس كاسىپ سالاسى تىزبەگىنىڭ ٴبىر تۇلعالانا دامۋىن قالىپتاستىرۋعا جەتەكتەدى.
كاسىپ سالاسىنىڭ دامۋى اۋىل شارۋاشىلىعى جان سانىنىڭ قالا تۇرعىنىنا اينالۋىن جەدەلدەتىپ، قالا ـ قالاشىقتاندىرۋ قۇرىلىسىن ىلگەرىلەتۋدىڭ ماڭىزدى قوزعاۋشى كۇشىنە اينالدى.
حوتان ايماعى مەتال كەن قورى مول، ساپاسى جاقسى، كومەسكى كۇشى زور بولۋ سىندى كورنەكتى بايلىق باسىمدىعىنان تولىق پايدالانىپ، مەملەكەتتىڭ شەشۋشى كەن بايلىعىنىڭ الدىڭعى بۋىنداعى قامداۋىن قامتاماسىز ەتۋدى تياناق ەتىپ، بايلىقتى كاسىپ سالاسىنا اينالدىرۋ، كاسىپ سالاسى ارقىلى دامۋدى جەبەۋ وي جەلىسىن تۇراقتاندىردى.
”تاۋ ٴۇستى، تاۋ باۋرايى سىندى ’ەكى رايون‘ قۇرىلىسىن جاسىل كەن كاسىبى دامۋىنىڭ بارىنەن ماڭىزدى ٴتۇيىنى ەتۋگە تاباندى بولىپ، ’كۇنگاڭ باقشا رايونىندا ٴوندىرىستى مىقتى يگەرۋگە، مينفىڭ باقشا رايونىندا ونىمدىلىك كورسەتۋگە‘ كۇش سالدىق“. حوتان ايماعى كۇنگاڭ ەكونوميكالىق، تەحنيكالىق اشۋ رايونى (ٴتۇستى مەتال كاسىپ سالاسى باقشاسى) باسقارۋ كوميتەتىنىڭ مەڭگەرۋشىسى چىن پىڭ مىنانى ٴبىلدىردى: كەن كاسىبىن ”اشۋى جۇيەلى، بايلىعى جوعارى ٴونىمدى، ورنالاسىمى ۇيلەسىمدى، جاڭالىق اشا جەتەكشىلىك ەتەتىن، كاسىپ سالاسى شوعىرلانعان، جاسىل، حاۋىپسىز“ ەرەكشە باسىمدىققا يە كاسىپ سالاسى ەتىپ تۇلعالاۋ جۇمىستانۋدى جەتەكتەۋمەن قاتار، جەرگىلىكتى ورىننىڭ ەكونوميكالىق قۋاتىن دا ارتتىرىپ، جاڭاشا قالا ـ قالاشىقتاندىرۋ قۇرىلىسىن جەدەلدەتۋگە زاتتىق نەگىز قالادى.
قۇرىلىس كاسىبى ٴداستۇرلى ەڭبەك شوعىرلانعان كاسىپ سالاسى رەتىندە، جۇمىس ورنى سالىستىرمالى كوپ، جۇمىستانۋعا قابىلداۋ قۋاتى كۇشتى بولىپ، جاڭاشا قالا ـ قالاشىقتاندىرۋ قۇرىلىسىنىڭ اياق الىسىن جەدەل ىلگەرىلەتۋدەگى ماڭىزدى كاسىپ سالاسىنا اينالدى.
”تۇتاس شينجياڭ 4 جىلدا ٴتۇرلى قۇرىلىس شەبەرلەرىنەن جالپى 500 مىڭ ادام (رەت) تاربيەلەپ، تىڭنان جۇمىستانعاندار 350 مىڭ ادامنان (رەت) استى“. اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى قۇرىلىستا ەنەرگيا ۇنەمدەۋ جانە عىلىم ـ تەحنيكا تاربيەسى باسقارماسىنىڭ باستىعى ۋاڭ شينسو بىلاي دەپ تانىستىردى: 2024 ـ جىلى اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى تۇتاس شينجياڭ كولەمىندە ۇزدىكسىز تۇرگە ٴبولىپ شارا اتقارىپ، دالمە ـ ٴدال باۋلىپ، جەرگىلىكتى ورىننىڭ كاسىپ سالاسىنىڭ دامۋىنا ۇيلەسەتىن شەبەرلىك دارىندىلارىن جەرگىلىكتى جاعدايعا قاراي تاربيەلەپ، جىلدىق جوسپارداعى 125 مىڭ ادام (رەت) باۋلۋ جانە 100 مىڭ ادامدى جۇمىستاندىرۋ نىساناسىن ورىنداپ، باۋلۋ مەن جۇمىستانۋدىڭ ٴونىمدى ۇشتاسۋىن جۇزەگە اسىرىپ، ادامنىڭ قابىلەتى مەن جالپىلىق ساپاسىنىڭ بارىنشا جوعارىلاۋىن ىلگەرىلەتىپ، جاڭاشا قالا ـ قالاشىقتاندىرۋ قۇرىلىسىنىڭ قادامىن تەزدەتەدى.
جوعارى ساپالى بىركەلكىلەنگەن الەۋمەتتىك قىزمەت وتەۋ ارقىلى ادامداردى باۋرايمىز
”بۇرىن ٴبىر ٴۇيلى 3 جان ٴۇيدى جالعا الىپ تۇراتىنبىز، جالاقىسى قىمبات، ونىڭ ۇستىنە ۇنەمى كوشىپ جۇرەتىن ەدىك. ال بۇگىن الەۋمەتتىك جالعا بەرىلگەن ۇيدە تۇرىپ، باسپانا ۋايىمىمىز شەشىلدى“. بيىل 3 ـ ايدا ٴۇرىمجى قالاسى ميدۇڭ رايونىنىڭ تۇرعىنى زىنناتگۇل قۇرباننىڭ ”بەيقۇت ٴۇي ارمانى“ ورىندالىپ، اڭساعان چۇنحىلۇڭشىڭ شاعىن اۋماعىنا كوشىپ كىردى. اتالعان شاعىن اۋماقتىڭ جالاقىسى ارزان، ورتاسى كوركەم، بالاباقشاسى دا بار، بالالاردىڭ بالاباقشاعا، مەكتەپكە بارۋى دا قولايلى ەدى.
جوعارى ساپالى بىركەلكىلەنگەن الەۋمەتتىك قىزمەت وتەۋدى ىلگەرىلەتۋ، ٴىس جۇزىندە، قالانىڭ باۋىرمالدىعىن اناعۇرلىم ارتتىرىپ، قالاعا كەلىپ جۇمىستانعاندار سياقتى سىرتتان كەلگەندەردى ۋايىمنان ارىلتۋ بولىپ تابىلادى، وسىلاي ىستەگەندە عانا، ولاردى الاڭسىز الىپ قالۋعا بولادى.
سوڭعى جىلدارى شينجياڭ ”ۇكىمەت باستاماشىلدىق ەتۋ، قوعام ات سالىسۋ، ارزان بولۋ، حالىق تۇرمىسىنا تيىمدىلىك جاساۋ“ پرينسيبى بويىنشا، تۇرعىن ۇيمەن قامتاماسىزداندىرۋ جۇيەسىن جەدەل كەمەلدەندىرىپ، قالا ـ قالاشىقتارداعى ەڭ تومەنگى تۇرمىسى قامتاماسىزداندىرىلاتىن، تومەن كىرىستى وتباسىلاردىڭ جانە قالاداعى جاڭا قالا تۇرعىندارىنىڭ، جاستاردىڭ تۇرعىن ٴۇي قاجەتىن شىنايى قامتاماسىز ەتىپ، ولاردى رەفورمانىڭ، دامۋدىڭ جەتىستىكتەرىنەن بىرگە يگىلىكتەندىردى.
2023 ـ جىلى شينجياڭ 54 مىڭ 400 قامتاماسىزداندىرۋ سيپاتتى جالعا بەرىلەتىن تۇرعىن ٴۇي سالدى، مۇنىڭ ىشىندە الەۋمەتتىك جالعا بەرىلەتىن تۇرعىن ٴۇي 13 مىڭ 400، قامتاماسىزداندىرۋ سيپاتتى جالعا بەرىلەتىن تۇرعىن ٴۇي 41 مىڭ بولدى.
”2024 ـ جىلى شينجياڭنىڭ جەر ـ جەرى قامتاماسىزداندىرۋ سيپاتتى جالعا بەرىلەتىن 25 مىڭ تۇرعىن ٴۇي دايىنداۋ مىندەتىن ٴوتىنىش ەتتى“. اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى تۇرعىن ۇيمەن قامتاماسىز ەتۋ باسقارماسىنىڭ باستىعى لي شين مىنانى ٴبىلدىردى: الداعى جەردە وڭىرلىك پارىقتى جانە جەر ـ جەردىڭ ٴىس جۇزىندىك جاعدايىن تولىق ويلاستىرىپ، جەرگىلىكتى جاعدايعا قاراي ساياسات پايداسىن جارىققا شىعارىپ، قامتاماسىزداندىرۋ سيپاتتى جالعا بەرىلەتىن تۇرعىن ٴۇي نىسانىن جەدەل اتقارىپ، ٴونىمدى قارجى قوسۋدى تەز ارادا قالىپتاستىرىپ، ەكونوميكانىڭ ارتۋىن تەزدەتەمىز. سونىمەن بىرگە رايونىمىزدىڭ قامتاماسىزداندىرۋ سيپاتتى جالعا بەرىلەتىن تۇرعىن ٴۇي ينفورماتسياسى اياق الىسىن جەدەل ىلگەرىلەتىپ، قامتاماسىزداندىرۋ سيپاتتى جالعا بەرىلەتىن تۇرعىن ٴۇيدىڭ تۇتاس بارىسىنىڭ ينتەرنەت جەلىسىندە جۇرگىزىلۋىن جۇزەگە اسىرىپ، قىزمەت وتەۋ ورەسى مەن ونىمدىلىگىن جوعارىلاتامىز.
قالانىڭ جاڭالانۋى _ جاڭاشا قالا ـ قالاشىقتاندىرۋ دامۋىنىڭ تابيعي كەزەڭى. قازىر قالانىڭ دامۋى كەڭ كولەمدە سانىن ارتتىرۋ قۇرىلىسىنان ساقتالعان قوردىڭ ساپاسىن جوعارىلاتىپ، جاڭالاۋعا جانە سانىن ارتتىرۋ، قۇرىلىمىن رەتتەۋگە تەڭ ٴمان بەرۋگە ويىسىپ، ٴار ۇلت بۇقاراسىنا ساپالى قوعامدىق الەۋمەتتىك قىزمەت وتەۋ ازىرلەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ٴونىمدى كۇشەيتۋدەگى جانە ٴار ۇلت بۇقاراسىنىڭ ۇلى وتاندى شىنايى مويىنداۋىن كۇشەيتۋدەگى، قوعامدىق باسقارۋ ورتاق تۇلعا قۇرىلىسىن ىلگەرىلەتۋدەگى قوعامدىق نەگىزگە اينالدى.
2023 ـ جىلى شينجياڭ قالا ـ قالاشىقتارداعى 49 مىڭ 600 لاشىق رايوندى جاڭالاۋ، 1152 كونە، ەسكى شاعىن اۋماقتى جاڭالاۋ نىسانىن ورىنداپ، قالا ـ اۋىل قۇرىلىسىنىڭ ساپاسىن جانە بۇقارانىڭ قونىستانۋعا جايلى، كاسىپتەنۋگە ىڭعايلى بولۋ دەڭگەيىن ۇزدىكسىز جوعارىلاتتى. شينجياڭدا قالانىڭ سالىنىپ بولعان وڭىرلەرىنىڭ جاسىل جامىلعىمەن كومكەرىلۋ سالىستىرماسى %41.41كە قالا ـ قالاشىقتاردىڭ جان باسىنا تۋرا كەلەتىن باقشا، كوگال اۋدانى شامامەن 15.9 شارشى مەترگە جەتتى. سۋمەن قامداۋ، گازدىڭ جالپىلاسۋ مولشەرى جانە لاس سۋدى ٴبىر جاقتى ەتۋ سالىستىرماسى باياندى ىلگەرىلەپ، الەۋمەتتىك قىزمەت وتەۋدىڭ دارەجەسى ۇزدىكسىز جوعارىلاپ، دەڭگەيى ۇزدىكسىز ارتتى.
”تۇرعىن ٴۇي جانە قالا، اۋىل قۇرىلىسى قىزمەتىندەگى ىستەردىڭ ٴبارى حالىق تۇرمىسىنا بايلانىستى، بارلىعى بۇقاراعا سايادى. ٴارقانداي ماسەلەنى ويلاعاندا، ٴارقانداي شەشىم جاساعاندا، ٴارقانداي قىزمەتتى ىستەگەندە، تۇگەلدەي جۇڭحۋا ۇلتى ورتاق تۇلعا تانىمى سىندى وسى نەگىزگى جەلىنى مىقتاپ ارقاۋ ەتە وتىرىپ ورىستەتۋ كەرەك“. اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي حۇڭبين مىنانى ٴبىلدىردى: ۇلتتاردىڭ ارالاسۋىن، ىشتەسۋىن، توعىسۋىن جەبەۋ مەن ەكونوميكالىق، قوعامدىق دامۋدىڭ ٴتۇرلى سالاسىنىڭ، ٴتۇرلى بۋىندارىنىڭ ۇشتاسۋ ٴتۇيىنىن، كىرىسۋ ٴتۇيىنىن ٴداپ باسىپ تاۋىپ، قالا ـ اۋىلدىڭ قونىستانۋ شارت ـ جاعدايى مەن ورتاسىن كۇش سالا جاقسارتىپ، قالا ـ اۋىلدىڭ جەر سىلكىنىسىنە ٴتوزىمدى بەيقۇت ٴۇي ينجەنەرياسى، قالاداعى قىستاقتى جاڭالاۋ، قامتاماسىزداندىرۋ سيپاتتى تۇرعىن ٴۇي، قالا ـ قالاشىقتارداعى كونە، ەسكى شاعىن اۋماقتاردى جاڭالاۋ، ”كومىردى ەلەكترگە وزگەرتۋ“ ينجەنەرياسى سياقتى قۇرىلىس مىندەتتەرىن ويداعىداي اتقارىپ، جوعارى ساپالى دامۋ ارقىلى ۇلتتار ىنتىماعىن جەبەپ، ۇلتتار ىنتىماعى ارقىلى جوعارى ساپالى دامۋدى جەبەيمىز جانە قامتاماسىز ەتەمىز.
كوپ ۇلتتىڭ كەڭ كولەمدە توعىسا قونىستانۋى ارقىلى ادامداردى ىنتىماقتاستىرامىز
”قايسى ۇلتتىڭ مەرەكەسى بولسىن، كورشىلەر كوپ بولىپ بىرگە تويلايمىز“. ورازا ايت كۇنى ٴۇرىمجى قالاسى تيانشان رايونى شينحۋا وڭتۇستىك جولى ٴمالىسى ىنتىماق باتىس كوشەسى الەۋمەتتىك اۋماعىنىڭ تۇرعىنى امانگۇل رەيىم تاڭەرتەڭ ەرتە ٴوزىنىڭ پىسىرعان ساڭزىسىن الىپ الەۋمەتتىك اۋماققا كەلىپ مەرەكە وتكىزىپ، كوپشىلىكپەن بىرگە ٴدامدى تاعامنان اۋىز ٴتيىپ، كورشىلەر ارا سۇيىسپەنشىلىكتى اڭگىمەلەدى.
الەۋمەتتىك اۋماق _ نەگىزگى ساتىداعى قوعامدىق باسقارۋدىڭ ەڭ شاعىن بىرلىگى، ”بەستى شىنايى مويىنداۋدى“ كۇشەيتۋدىڭ ميكرولىق قوعامدىق نەگىزى، ٴار ۇلت تۇرعىندارىنىڭ قاراستىلىق سەزىمىن نىعايتاتىن امالياتتىق ورنى، سوندىقتان ول جۇڭحۋا ۇلتى ورتاق تۇلعا تانىمىن بەرىك ورناتۋدىڭ ىرگە تاسىنا اينالدى.
شينحۋا وڭتۇستىك جولى ٴمالىسى _ ٴۇرىمجى قالاسى تيانشان رايونىندا ەڭ ەرتە قۇرىلعان مالىلەردىڭ ٴبىرى، قاراستىلىعىندا حانزۋ، ۇيعۇر، حۇيزۋ سياقتى 12 ۇلتتىڭ 30 مىڭنان استام تۇرعىنى بار.
”ٴار ايدا ٴبىر نەگىزگى تاقىرىپ، ٴار اپتادا ٴبىر رەت قيمىل بولادى. قازىرگە دەيىن 40 مىڭنان استام ادام (رەت) ۇلتتار ىنتىماعى قيمىلدارىنا قاتىناستى“. ٴۇرىمجى قالاسى تيانشان رايونى شينحۋا وڭتۇستىك جولى ٴمالىسى ۇلت، ٴدىن ىستەرى ورتالىعىنىڭ مەڭگەرۋشىسى تۇرعىن مامەت مىنانى ٴبىلدىردى: ٴمالى الەۋمەتتىك اۋماق نەگىزگى ساتى پارتيا ۇيىمدارىن سۇيەنىش ەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى الەۋمەتتىك اۋماق ورتا قۇرىلىسىمەن توعىستىرىپ، ”انار ٴدانى“ كوشەسىن، ”انار ٴدانى“ مادەنيەت كاريدورىن تۇلعالاۋ ارقىلى جاراسىمدى بىرگە قونىستانعان الەۋمەتتىك اۋماق ورتاسىن قالىپتاستىردى. ۇيرەنۋ تۇعىرىن قۇرۋ، قولونەر شەبەرلىگى كورمەسى قيمىلىن ورىستەتۋ سياقتى تاسىلدەر ارقىلى ٴار ۇلت بۇقاراسىنىڭ ارالاسۋ، ىشتەسۋ، توعىسۋ بارىسىندا سۇيىسپەنشىلىكتى ٴتىپتى دە قويۋلاتىپ، جۇڭحۋا ۇلتى ورتاق تۇلعا تانىمىن اناعۇرلىم بەرىك ورناتۋىنا مۇمكىندىك جاسادى.
وتتى القاپ تۇرپان ەجەلدەن ٴار ۇلت شوعىرلى قونىستانعان جەر. سوڭعى جىلدارى جەرگىلىكتى ورىن ٴتۇرلى شارالار ارقىلى بەلسەنە جەتەكشىلىك ەتىپ، ”كەڭ كولەمدە ارالاس قونىستانعان، شاعىن كولەمدە شوعىرلى قونىستانعان“ كىرىگۋ ۇلگىسىندەگى قوعامدىق قۇرىلىم مەن ”ٴبىر ـ بىرىمەن بىتە قايناسقان“ الەۋمەتتىك اۋماق ورتاسىن نەگىزىنەن قالىپتاستىردى.
تۇرپان قالالىق پارتكوم بىرلىكساپ ٴبولىمىنىڭ ورىنباسار باستىعى، قالالىق ۇلت، ٴدىن ىستەرى مەكەمەسىنىڭ ورىنباسار باستىعى دوۋ سۇڭلين مىنانى ٴبىلدىردى: بيىل تۇرپان قالاسى شاعىن باقشا، كوشە سەيىل باقشاسىن، شاعىن كوگال قۇرۋ سياقتى شارالار ارقىلى مىڭ شاقىرىمدىق ٴجۇزىم ەكولوگيالىق كاريدورىن تۇلعالاپ، قالا ساۋدا شەڭبەرى، باقشا، كورىنىس ٴوڭىرى، اۋىل ـ قىستاق اۋلاسى سىندى ەكولوگيالىق سەرۋەن بەلدەۋىن تۇتاستىرىپ، ٴار ۇلت بۇقاراسىنا بىرگە قونىستانۋ، بىرگە ۇيرەنۋ، بىرگە ىستەۋ، قۋانىشتان بىرگە ٴلاززاتتانۋ سىندى قوعامدىق شارت ـ جاعداي جاراتىپ، ٴار ۇلت بۇقاراسىنىڭ جۇڭحۋا ۇلتى ۇلى شاڭىراعىندا تۋىسقاندىق سۇيىسپەنشىلىك ورناتۋىن، ٴبىر ـ بىرىنە قول ۇشىن بەرۋىن جەبەيدى. بۇقارا تۇسىنەتىن، ەسىندە ساقتاي الاتىن، قۋانا تىڭداپ، قۇمارتا كورەتىن فورما، دانەكەر جانە ”ۇلتتار ىنتىماعىنىڭ بەرەكەلى شاڭىراعى“ قيمىلى ارقىلى ”جۇڭحۋا ۇلتى بەرەكەلى شاڭىراعى، ٴبىر نيەتپەن جۇڭگو ارمانىن بىرگە سومداۋدى“ تۇرپانداعى ٴار ۇلت بۇقاراسىنىڭ جالپى بەتتىك ورتاق تانىمىنا اينالدىرادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
