تەك ءبىر قىزمەت ورنىندا ۇزبەي 12 اي قىزمەت ىستەسە عانا جىلدىق دەمالىس الۋعا بولا ما؟
2024.04.24 14:00 كەلۋ قاينارى : حالىق تورابى
«جۇمىسشى – قىزمەتكەرلەردىڭ ەڭبەكاقىلى دەمالىسى جونىندەگى ەرەجەنىڭ» 1 – تارماعىندا بىلاي دەپ بەلگىلەنگەن: ورگاندار، توپتار، كاسىپورىندار، ءىسورىندار، كاسىپورىنعا جاتپايتىن حالىقتىق ورىندار، ەڭبەكشى جالداعان جەكەشە ونەركاسىپ – ساۋدا دۇكەندەرى قاتارلى ورىندارداعى جۇمىسشى – قىزمەتكەرلەر ءبىر جىلدان استام ۋاقىت ۇزبەي قىزمەت ىستەسە، ەڭبەكاقىلى جىلدىق دەمالىستان يگىلىكتەنەدى.
«جۇمىسشى – قىزمەتكەرلەردىڭ ەڭبەكاقىلى جىلدىق دەمالىسىن اتقارۋ ادىسىندە» بىلاي دەپ بەلگىلەنگەن: جۇمىسشى – قىزمەتكەرلەر 12 ايدان استام ۋاقىت ۇزبەي قىزمەت ىستەسە، ەڭبەكاقىلى جىلدىق دەمالىستان يگىلىكتەنەدى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى كەڭسە مەڭگەرمەسىنىڭ «‹كاسىپورىندارداعى جۇمىسشى – قىزمەتكەرلەردىڭ ەڭبەكاقىلى جىلدىق دەمالىسىن اتقارۋ ادىسىنە› قاتىستى ماسەلەلەر جونىندەگى جاۋاپ حاتىندا» ”جۇمىسشى – قىزمەتكەرلەردىڭ ۇزبەي قىزمەت ىستەگەن ۋاقىتى 12 ايدان اسسا“ دەگەن سوزدە، جۇمىسشى – قىزمەتكەرلەردىڭ ءبىر قىزمەت ورنىندا ۇزبەي قىزمەت ىستەگەن ۋاقىتى 12 ايدان اسقان جاعداي قامتىلۋمەن بىرگە، جۇمىسشى – قىزمەتكەرلەردىڭ ءتۇرلى قىزمەت ورنىندا ۇزبەي قىزمەت ىستەگەن ۋاقىتى 12 ايدان اسقان جاعدايدىڭ دا قامتىلاتىنى ايقىن تۇراقتاندىرىلعان. جۇمىسشى – قىزمەتكەرلەردىڭ قىزمەت ۋاقىتى ولاردىڭ ورگاندار، توپتار، كاسىپورىندار، ءىسورىندار، كاسىپورىنعا جاتپايتىن حالىقتىق ورىندار، ەڭبەكشى جالداعان جەكەشە ونەركاسىپ – ساۋدا دۇكەندەرى قاتارلى ورىنداردا تولىق كۇندىك قىزمەت ىستەگەن ۋاقىتىن قامتيدى، سونداي – اق، زاڭ بويىنشا اسكەري مىندەت وتەگەن ۋاقىتى جانە باسقا ۋاقىتتارى مەملەكەتتىڭ زاڭ – تۇزىمىنە، اكىمشىلىك بەلگىلەمەلەرىنە جانە مەملەكەتتىك كەڭەستىڭ بەلگىلەمەلەرىنە ساي قىزمەت ستاجىنىڭ ۋاقىتىنا ەنگىزىلەدى (قىزمەت ۋاقىتى ەسەپتەلەدى). جۇمىسشى – قىزمەتكەرلەردىڭ قىزمەت ىستەگەن ۋاقىتىن ارحيۆتەگى ەستەلىككە، جۇمىس ورنىنىڭ قوعامدىق قامسىزداندىرۋ قاراجاتىن تاپسىرعانى جونىندەگى ەستەلىككە، ەڭبەك توقتامى نەمەسە باسقا دا زاڭدىق كۇشكە يە ىسپات – ماتەريالدارعا نەگىزدەلىپ تۇراقتاندىرۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
