حاۋىپسىزدىك القالار كەڭەسى 4 – ايدىڭ 19 – كۇنى پالەستيننىڭ بىرلەسكەن مەملەكەتتەر ۇيىمىنا كىرۋ ءوتىنىشىن قارايدى
2024.04.18 14:16 كەلۋ قاينارى : حالىق تورابى
جەرگىلىكتى ۋاقىت بويىنشا 4 – ايدىڭ 17 – كۇنى ورتالىق تەلەۆيزيا ءتىلشىسىنىڭ ءتۇرلى دەرەكتەر قاينارىنان ۇعىسۋىنشا، بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسى پالەستيننىڭ بىرلەسكەن مەملەكەتتەر ۇيىمىنا كىرۋ ءوتىنىشى جونىندەگى ءماجىلىستى ءبىر كۇن كەشەۋىلدەتىپ وتكىزىپ، مەجەمەن 4 – ايدىڭ 19 – كۇنى تۇستەن كەيىن پالەستيننىڭ بىرلەسكەن مەملەكەتتەر ۇيىمىنىڭ رەسمي مۇشەسى بولۋعا بەرگەن ءوتىنىشىن داۋىسقا سالادى. ۇعىسۋعا قاراعاندا، قاۋلى جوباسىن الجيريا جاساعان.
4 – ايدىڭ 2 – كۇنى، پالەستيننىڭ بىرلەسكەن مەملەكەتتەر ۇيىمىنداعى تۇراقتى باقىلاۋشىسى بىرلەسكەن مەملەكەتتەر ۇيىمىنىڭ باس حاتشىسىنا حات جولداپ، بىرلەسكەن مەملەكەتتەر ۇيىمىنا كىرۋ ءۇردىسىن قايتا باستاۋدى تالاپ ەتكەن. سوڭىنان 4 – ايدىڭ 8 – كۇنى حاۋىپسىزدىك القالار كەڭەسىنىڭ جاڭا مۇشە قابىلداۋ كوميتەتى كوپ رەت كەڭەس وتكىزگەن. حاۋىپسىزدىك القالار كەڭەسىنىڭ ءتوراعاسى، مالتانىڭ بىرلەسكەن مەملەكەتتەر ۇيىمىنداعى تۇراقتى ۋاكىلى فرازەردىڭ 4 – ايدىڭ 11 – كۇنى ايتۋىنشا، قازىر حاۋىپسىزدىك القالار كەڭەسى پالەستيننىڭ بىرلەسكەن مەملەكەتتەر ۇيىمىنا كىرۋى جونىندە ءالى ورتاق تانىمعا كەلمەگەن.
وسىنىڭ الدىندا، ا ق ش ءوزىنىڭ مايدانىنىڭ 2011 – جىلى پالەستين بىرلەسكەن مەملەكەتتەر ۇيىمىنا كىرۋگە ءوتىنش بەرگەن كەزدەگىدەن وزگەرمەگەنىن، اتاپ ايتقاندا، پالەستين الدىمەن يزرايلمەن قاتىستى كەلىسىمشارتتارعا قول قويۋى كەرەك، سوندا عانا ونىڭ بىرلەسكەن مەملەكەتتەر ۇيىمىنا رەسمي مۇشە مەملەكەت بولۋىن ويلاستىرۋعا بولادى دەگەندى بىلدىرگەن. 2011 – جىلى ا ق ش تەرىستەۋ ۇقىعىنان پايدالاناتىنىن ايتىپ قۇقاي كورسەتكەندىكتەن، پالەستين ءوتىنىش بەرۋ ءۇردىسىن ۋاقىتشا توقتاتقان بولاتىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
