شينجياڭ قۇلجا اۋەجايىنىڭ حالىقارالىق اۋە جەلىسى رەسمي اشىلدى

2024.04.16 14:52 كەلۋ قاينارى : حالىق تورابى

　　4 - ايدىڭ 15 - كۇنى ساعات 12دە، جۇڭگولىق، شەتەلدىك 86 جولاۋشى وتىرعان قۇلجا - الماتى CZ8059 كەزەكشى ۇشاعى قۇلجا اۋەجايىنان ءساتتى ۇشتى، بۇل حالىقارالىق كەزەكشى ۇشاقتىڭ قاتىناۋى — قۇلجا اۋەجايىنىڭ حالىقارالىق اۋە جەلىسىنىڭ رەسمي اشىلعاندىعىنىڭ بەلگىسى بولىپ، ءۇرىمجى، قاشقاردان كەيىنگى شينجياڭداعى حالىقارالىق اۋە جەلىسى اشىلعان شەتەلگە باعىتتالعان ءۇشىنشى اۋە وتكەلىنە اينالدى.

　　جولاۋشى تاسىمالى اۋە جەلىسىنىڭ العاشقى ۇشۋىنىڭ جوعارى ءونىمدى، ىركىلىسسىز بولۋىنا بار كۇشپەن كەپىلدىك ەتۋ ءۇشىن، قۇلجا شەكارادان كىرىپ - شىعۋ شەكارا قورعانىس تەكسەرۋ پۋنكتى الدىن الا جوسپار جاساپ، كەزەكشى ۇشاقتىڭ جاعدايى مەن جولاۋشىلاردىڭ جاعدايىن دەر كەزىندە يگەرىپ، تۇڭعىش اۆياتسيا قىزمەت وتەۋىن قامتاماسىزداندىرۋ جوباسىن عىلىمي جاساپ، شەكارادان كىرىپ - شىققان جولاۋشىلاردىڭ كەدەننەن ءوتۋدىڭ جوعارى ءونىمدى، ساپالى كەشىرمەسىن شىنايى سەزىنۋىنە مۇمكىندىك جاساپ، وسى رەتكى تۇڭعىش شەكارادان كىرىپ - شىعۋ شەكارا قورعانىس تەكسەرۋ قىزمەتىن تولىق ورىندادى.

　　قۇلجا اۋەجايى حالىقارالىق جولاۋشى تاسىمال اۋە جەلىسىنىڭ اشىلۋى — شينجياڭنىڭ سىرتقا ەسىك اشۋىن كەڭەيتۋىنە جاڭا ارنا اشتى، بۇل ‐ جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتۋدەگى ماڭىزدى جەتىستىك.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved