سىرتقى ىستەر مينيسترلىگى: اتالمىش جۇڭگونىڭ ”وندىرىستىك قۋاتى ارتىپ قالدى“ دەگەن ءسوز تەك قورعانىمپازدىققا تاپقان سىلتاۋ عانا
2024.04.25 14:40 كەلۋ قاينارى : حالىق تورابى
حالىق گازەتىنىڭ ءتىلشىسى جىڭ شياڭ 4 – ايدىڭ 24 – كۇنى بەيجيڭنەن حابارلايدى. جۋىردا باتىستاعى ءىشىنارا ەلدەردىڭ جۇڭگونىڭ ”وندىرىستىك قۋاتى ارتىپ قالدى“ دەپ قايتا – قايتا جازعىرعانى جونىندە سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 4 – ايدىڭ 24 – كۇنى كەزەكتى تىلشىلەردى قابىلداۋ ماجىلىسىندە مىنانى ءبىلدىردى: مۇنداي اسىرەلەۋدىڭ ەشقانداي نەگىزى جوق، جۇڭگو جاق باتىل قارسى تۇرادى. اتالمىش جۇڭگونىڭ ”وندىرىستىك قۋاتى ارتىپ قالدى“ دەگەن ءسوز تەك قورعانىمپازدىققا تاپقان سىلتاۋ عانا.
ۋاڭ ۋىنبين مىنانى ءبىلدىردى: جۇڭگونىڭ جاڭا ەنەرگيا كاسىپ سالاسىنىڭ وندىرىستىك قۋاتى — جاسىل تيپتى دامۋعا اسا قاجەتتى ماڭداي الدى وندىرىستىك قۋات، استە، ارتىپ قالعان وندىرىستىك قۋات ەمەس. جۇڭگونىڭ جاسىل تيپتى تەحينكاسى، جاسىل تيپتى ونىمدەرى، وتە – موتە، جاڭا ەنەرگيا كاسىپ سالاسىنىڭ دامۋى ءار ەلدىڭ ەنەرگيا داعدارىسىن باسەڭدەتۋ، كليمات وزگەرىسىنە توتەپ بەرۋ قاجەتىنە ساي كەلەدى، دۇنيە ءجۇزىنىڭ جاسىل تيپتى، تومەن كومىرتەكتى دامۋعا بۇرىلىس جاساۋىنا ماڭىزدى ۇلەس قوستى.
ول مىنانى ءبىلدىردى: جۇڭگونىڭ جاڭا ەنەرگيا كاسىپ سالاسىنىڭ جەدەل دامۋى ەكونوميكانىڭ زاڭدىلىعى مەن بازاردىڭ پرينسيپىنە ۇيلەسەدى، استە، قوسىمشا قاراجات بەرۋدىڭ ناتيجەسى ەمەس. جۇڭگونىڭ جاڭا ەنەرگيا ونىمدەرىنىڭ ءبىرشاما كۇشتى باسەكەلىك قۋاتقا يە بولۋىنىڭ سەبەبى، باستىسى قاتىستى كاسىپ سالاسىن ەرتە ورنالاستىرۋىمەن، ۇزاق ۋاقىتتىق زەرتتەۋ جانە ىسكە قوسۋ ارقىلى ماڭداي الدى تەحنيكالىق باسىمدىلىعىن قالىپتاستىرۋىمەن، سونىمەن بىرگە، ەل ىشىندەگى قۋاتتى كاسىپ سالاسىنىڭ قوسىمشا قۋاتى، ەرەكشە ءىرى بازار، مول ەڭبەككۇش بايلىعى قاتارلىلارعا سۇيەنىپ، جان – جاقتى باسەكەلىك ابزالدىلىق قالىپتاستىرۋىمەن قاتىستى.
ۋاڭ ۋىنبين مىنانى ءبىلدىردى: جۇڭگونىڭ جاڭا ەنەرگيا كاسىپ سالاسىنا ”وندىرىستىك قۋاتى ارتىپ قالدى“ دەگەن قالپاقتى كيگىزۋ — قورعانىمپازدىقتىڭ بەينەسى. جۇڭگونىڭ ەلەكترلى اۆتوموبيلدەرىن ەكسپورت ەتۋ مولشەرىنىڭ جالپى ءونىم مولشەرىمەن بولعان سالىستىرماسى گەرمانيا، جاپونيا، كورەيا قاتارلى اۆتوموبيل وندىرەتىن باستى ەلدەرمەن سالىستىرعاندا الدە قايدا تومەن، ەكسپورتتىق باعاسى دا بازار زاڭدىلىعىنا ۇيلەسەدى، تىقپالاپ ساتۋ ماسەلەسى، مۇلدە، ءومىر سۇرمەيدى.
ول مىنانى ءبىلدىردى: اتالمىش جۇڭگونىڭ ”وندىرىستىك قۋاتى ارتىپ قالدى“ دەگەن ءسوز — تەك قورعانىمپازدىققا تاپقان سىلتاۋ عانا، جۇڭگونىڭ ەلەكترلى اۆتوموبيل قاتارلى جاڭا ەنەرگيالى ونىمدەرىن ەكسپورت ەتۋگە شەكتەۋ سالۋ تەك قانا تاراپتاردىڭ بارلىعىنا دا ءتيىمسىز جاعداي تۋدىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
