ساۋدا مينيسترلىگى ا ق ش – نىڭ جۇڭگونىڭ بولات الۋمين ونىمدەرىنە شەكتەۋ قويۋ شارالارىن اتقارۋدى جاريالاعانى جونىندە جاۋاپ قايتاردى
2024.04.19 15:30 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 18 – كۇنى بەرگەن حابارى. ا ق ش – نىڭ جۋىردا جۇڭگونىڭ بولات الۋمين ونىمدەرىنە جاڭا شەكتەۋ شارالارىن اتقارۋدى جوسپارلاعانىن جاريالاعانى جونىندە ساۋدا مينيسترلىگىنىڭ مالىمدەمەشىسى 4 – ايدىڭ 18 – كۇنى بىلاي دەپ جاۋاپ قايتاردى: جۇڭگو جاق قاتىستى ينفورماتسيالارعا نازار اۋداردى، ا ق ش جاقتىڭ جۇڭگونى ايىپتاۋىنىڭ ەشقانداي ءىس جۇزىندىك نەگىزى جوق، قاتىستى شارالار تيپتىك سىڭار جاقتىلىق، قورعانىمپازدىق ءتاسىل بولىپ، جۇڭگو جاق بۇعان باتىل قارسى تۇرادى.
ءتىلشى بىلاي دەپ سۇرادى: ا ق ش – نىڭ اقساراي تورابى جۋىردا مىناداي حابار جاريالاپ، جۇڭگونى ادىلەتسىز ءتاسىل قولداندى دەپ جازعىرىپ، جۇڭگونىڭ بولات الۋمين ونىمدەرىنە جاڭادان شەكتەۋ شارالارىن اتقارۋدى جوسپارلاعانىن ايتقان، مۇندا جۇڭگونىڭ بولات الۋمين ونىمدەرىنەن 301 – تارماق بويىنشا الاتىن باجىنى قازىرگى ورەدەن 3 ەسەگە دەيىن جوعارىلاتۋ ءارى ىرگەلەس ەلدەرمەن سەلبەسۋ ارقىلى جۇڭگونىڭ بولات الۋمين ونىمدەرىنىڭ ا ق ش – نا جانامالاي ەكسپورت ەتىلۋىنەن ساقتانۋ قاتارلى مازمۇندار قامتىلعان. ساۋدا مينيسترلىگى بۇل جونىندە قانداي جاۋاپ قايتارادى؟
ساۋدا مينيسترلىگىنىڭ مالىمدەمەشىسى ءتىلشىنىڭ سۇراۋىنا جاۋاپ بەرگەندە بىلاي دەدى: 2018 – جىلدان بەرى، ا ق ش ”مەملەكەت حاۋىپسىزدىگى“ دەگەن جەلەۋمەن دۇنيە جۇزىندەگى ساۋدالىق سەرىكتەرىنىڭ بولات الۋمين ونىمدەرىنە قالاۋىنا قاراي باجى ۇستەمەلەدى، وسى ارقىلى ساۋدا سەرىكتەرىن تەڭسىز شارتتاردى قابىلداۋعا زورلاپ، دۇنيە جۇزىلىك ساۋدا ۇيىمىنا مۇشە كوپتەگەن ەلدەردىڭ قارسىلىعىنا ۇشىرادى. دۇنيە جۇزىلىك ساۋدا ۇيىمى ا ق ش جاقتىڭ قاتىستى شارالارىن اتالعان ۇيىمنىڭ بەلگىلەمەلەرىنە قايشى كەلەدى دەپ كەسىم شىعاردى.
ا ق ش جاق حالىقارالىق ساۋدا ۇيىمىنىڭ تارتىپتەرى مەن بەلگىلەمەلەرىن ەلەڭقۇرلى كورمەي، ەكونوميكا – ساۋدا ماسەلەسىن ساياسيلاندىرىپ، اتالمىش 301 – تارماق بويىنشا باجى ۇستەمەلەۋدى قايتالاي تەكسەرۋ ءتارتىبىن الباتى قولدانىپ، جۇڭگونىڭ ونىمدەرىنەن كەدەن باجىسىن الۋدى اشىق تالاپ ەتتى ءارى قالاعانىنشا رەتتەدى، قايشىلىقتى باسقاعا ارتىپ، قاتەلەسكەن ۇستىنە قاتەلەستى، بۇل ا ق ش – نىڭ ەل ىشىندەگى كاسىپ سالاسى ءدوپ كەلىپ وتىرعان ماسەلەلەردى شەشىم ەتۋگە پايداسىز. ا ق ش – نىڭ باسقا مەملەكەتتەرگە قىسىم كورسەتىپ، جۇڭگونىڭ ونىمدەرىنە شەكتەۋ قويۋى دۇنيە جۇزىندەگى كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگى مەن ورنىقتىلىعىن ونان ارى بۇلدىرەدى.
ءبىز ا ق ش جاقتى ءوزىنىڭ ماسەلەسىنە دۇرىس مامىلە جاساۋعا، جۇڭگونىڭ ونىمدەرىنە كەدەن باجىسىن ارتتىرۋدى توقتاتۋعا ءارى جۇڭگوعا كەدەن باجىسىن ۇستەمەلەۋ شارالارىن قولدانۋدى دەرەۋ كۇشىنەن قالدىرۋعا قۋزايمىز. جۇڭگو جاق بارلىق قاجەتتى شارالاردى قولدانىپ، ءوزىنىڭ ۇقىق – مۇددەسىن قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
