شياۋ شيڭعا الەۋمەتتىك ايىپتاۋ بەرىلدى!
2024.04.16 14:57 كەلۋ قاينارى : حالىق تورابى
ءتىلشىنىڭ ەڭ جوعارى حالىق پروكۋراتۋراسىنان ۇعىسۋىنشا، جۇڭگو تايپيڭ قامسىزداندىرۋ توبى شەكتى جاۋاپكەرشىلىك سەرىكتەستىگى پارتكومىنىڭ بۇرىنعى مۇشەسى، ورىنباسار باس ديرەكتورى شياۋ شيڭنىڭ پارا الۋ كۇمانى تاعىلعان دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ ۇيعارۋىمەن حىنان ولكەسى شينشياڭ قالالىق حالىق پروكۋراتۋراسى تەكسەرىپ ايىپتاعان. تاياۋدا شينشياڭ قالالىق حالىق پروكۋراتۋراسى شينشياڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ بەردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر شياۋ شيڭعا يگىلىكتەنەتىن ارىز - شاعىم ۇقىعىن زاڭ بويىنشا ۇقتىردى ءارى ايىپكەر شياۋ شيڭدى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر شياۋ شيڭ كوممۋنيستىك جاستار وداعى شاڭحاي قالالىق كوميتەتى رايوندىق قىزمەت ءبولىمىنىڭ قىزمەتكەرى، بىرلىكساپ ءبولىمىنىڭ ورىنباسار باستىعى، شاڭحاي قالالىق جاستار بىرلەستىگىنىڭ ورىنباسار باس حاتشىسى، جۇڭگو عۇمىر قامسىزداندىرۋ شەكتى جارنا سەرىكتىگى شاڭحاي قالاسى پۋدۇڭ تارماق سەرىكتىگىنىڭ باس مەڭگەرۋشىسى، جۇڭگو عۇمىر قامسىزداندىرۋ شاڭحاي قالالىق بولىمشە سەرىكتەستىگى پارتكومىنىڭ ورىنباسار شۋجيى، ورىنباسار باس مەڭگەرۋشىسى، پارتكوم شۋجيى، باس مەڭگەرۋشىسى، تايپيڭ مال ـ مۇلىك باسقارۋ شەكتى سەرىكتەستىگى پارتكومىنىڭ ورىنباسار شۋجيى، پارتكوم شۋجيى، باس مەڭگەرۋشىسى، جۇڭگو تايپيڭ قامسىزداندىرۋ توبى شەكتى جاۋاپكەرشىلىك سەرىكتەستىگى پارتكومىنىڭ مۇشەسى، اتقارۋشى جوراسى، ورىنباسار باس ديرەكتورى قاتارلى قىزمەتتەردى وتەگەن كەزىندە قىزمەت بابىنان پايدالانىپ، باسقالارعا پايدا جەتكىزىپ، سونداي – اق ءوزىنىڭ قىزمەت ۇقىعى، ورنى ارقىلى قالىپتاسقان قولايلى شارت - جاعدايدان پايدالانىپ، باسقا دا مەملەكەت قىزمەتكەرلەرىنىڭ قىزمەت مىندەتى جاعىنداعى ارەكەتى ارقىلى باسقالارعا ورىنسىز پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، پارا الۋ قىلمىسىمەن ونىڭ قىلمىستىق ىستەر جاۋاپكەرشىلىگىن زاڭ بويىنشا قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
