وسى اپتادا شينجياڭنىڭ ءىشىنارا جەرلەرىندە ورتاشا كۇشەمەلىلىكتەگى جاۋىن – شاشىن بولادى
تەمپەراتۋرانىڭ تومەندەۋى زور بولمايدى
2024.04.16 15:05 كەلۋ قاينارى : حالىق تورابى
ءتىلشىنىڭ شينجياڭ اۋا رايى ستانسياسىنان ۇعىسۋىنشا، تاعى ءبىر سۋىق اعىستىڭ ىقپالىنان، وسى اپتادا (4 – ايدىڭ 15 – كۇنىنەن 21 – كۇنىنە دەيىن) شينجياڭنىڭ باتىس بولەگى، تيانشان تاۋلى رايونى جانە سولتۇستىك بەتكەيى سياقتى جەرلەردە ورتاشا كۇشەمەلىلىكتەگى جاۋىن - شاشىن بولادى، اسىرەسە، ىلە وزەنى اڭعارىنىڭ ءىشىنارا جەرلەرىندە نوسەر جاۋادى، تەمپەراتۋرانىڭ جالپى بەتتىك تومەندەۋ مولشەرى ونشا زور بولمايدى. شينجياڭ اۋا رايى ستانسياسى مىنانى ەسكەرتتى: قازىر ىلە وزەنى اڭعارىنداعى ورىك گۇلىن تاماشالايتىن تاماشا مەزگىل، تاۋعا كەلگەن ساياحاتشىلار اۋا رايىنىڭ وزگەرىسىنە قاداعالاي نازار اۋدارىپ، ساپاردى ۇيلەسىمدى ورنالاستىرۋى كەرەك.
اۋا رايى بولجامىندا كورسەتىلۋىنشە، مەجەمەن 4 – ايدىڭ 16 – كۇنى تۇننەن 4 - ايدىڭ 18 - كۇنى كۇندىزگە دەيىن سولتۇستىك شينجياڭنىڭ باتىس بولەگى مەن تارباعاتاي ايماعىنىڭ سولتۇستىك بولىگى، التاي ايماعىنىڭ باتىس بولىگى، تيانشان تاۋلى ءوڭىرى جانە سولتۇستىك بەتكەيى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى، بايىنعولين موڭعۇل اۆتونوميالى وبلىسىنىڭ سولتۇستىگى، قۇمىل قالاسىنىڭ سولتۇستىگىندەگى تاۋلى وڭىرلەر سياقتى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (بيىك تاۋلى وڭىرلەردە قار جاۋادى)، ىلە وزەنى اڭعارى، تيانشان تاۋلى ءوڭىرى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى سياقتى جەرلەردىڭ ءىشىنارا وڭىرلەرىندە ورتاشا جانە قالىڭ جاڭبىر نەمەسە قار جاۋادى، ىلە وزەنى اڭعارىنىڭ ءىشىنارا جەرلەرىندە نوسەر جاۋادى، تيانشان تاۋلى ءوڭىرىنىڭ ءىشىنارا جەرلەرىندە قالىڭ قار جاۋادى. جوعارىدا ايتىلعان وڭىرلەر مەن شىعىس شينجياڭدا باتىس سولتۇستىكتەن 4 تە 5 بال جەل سوعادى، جەل وتتەرىندەگى جەل كۇشى 10 دا 11 بالعا جەتەدى؛ وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 4 تە 5 بال جەل سوعادى، مەزەتتىك جەل كۇشى 8 بالعا جەتەدى، وعان قوسا ۇقساماعان دارەجەدە قۇمدى بوران سوعادى.
شينجياڭ اۋا رايى ستانسياسى مىنانى ەسكەرتتى: وسى رەتكى قار - جاڭبىر، قۇمدى بوران، تەمپەراتۋرانىڭ تومەندەۋى كوكتەمگى ەگىس جۇمىستارىنا، جەمىس اعاشتارىنىڭ گۇل اشىپ توزاڭدانۋىنا، قۇرىلعىلى اۋىل شارۋاشىلىعى مەن مال شارۋاشىلىعى وندىرىسىنە ءتيىمسىز بولادى، جەر – جەردىڭ ءتيىمسىز اۋا رايىنان اۋلاق بولىپ، تۇقىم سەبۋ قارقىنىن ۇيلەسىمدى ورنالاستىرۋىن ۇسىنىس ەتەمىز. بۇدان سىرت، ىلە وزەنى اڭعارى مەن تيانشان تاۋلى رايونىنىڭ ءىشىنارا جەرلەرىندەگى كۇشتى كونۆەكسيالىق اۋا رايى مەن ارالاسپا تيپتەگى تاسقىننىڭ ءتيىمسىز ىقپالىنان ءتۇيىندى تۇردە ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
