”تاماق كارتوچكاسى سياقتى قولفوننىڭ“ جاسىرىن تارالۋىنان ساقتانۋ قاجەت
2024.04.17 16:02 كەلۋ قاينارى : حالىق تورابى
جۋىردا وقۋشىلاردىڭ اتا – انالارىنىڭ اقپارات قۇرالىنىڭ تىلشىسىنە ايتۋىنشا، ”تاماق كارتوچكاسىنا ۇقسايتىن قولفون“ مەكتەپ اۋلاسىندا تارالا باستاعان. مۇنداي اسپاپتى تاماق كارتوچكاسىنىڭ قورابىنا سالىپ الۋعا بولادى، ەكرانىنان كورىنەتىن اپپاق نۇر تاماق كارتوچكاسىنىڭ رەڭىمەن استاسىپ كەتەتىندىكتەن، وڭايلىقپەن بايقالمايدى. ونى قولدانۋشى جارىق بەتتەتكىش جارعاعى بار كوز اينەك تاققان كەزدە عانا، ەكرانداعى مازمۇندى كورۋگە بولادى.
جاسىرىندىعى وسىنشاما كۇشتى بۇل قولفون قازىر اشىق ساتىلىمعا شىققان، ءتىپتى وقۋشىلار اراسىندا تارالا باستاعان، بۇعان ايرىقشا ءمان بەرۋ قاجەت. ءبىر جاعىنان، ”تاماق كارتوچكاسىنا ۇقسايتىن قولفونداردىڭ“ كوبى ىستەن شىققان قولفونداردان وزگەرتىپ جاسالعان، پايدالانۋ بارىسىندا كومەسكى حاۋىپ – قاتەر تۋىلىپ، وقۋشىلاردىڭ حاۋىپسىزدىگى مەن سالاماتتىعىنا ناشار ىقپال جاساۋى مۇمكىن. ەندى ءبىر جاعىنان، قازىر كوپتەگەن وقۋشىلار قولفونعا يەك سۇيەپ الدى، ءتىپتى، ”قولفون قۇمارلىققا“ شالدىقتى. ”تاماق كارتوچكاسىنا ۇقسايتىن قولفون“ اقىل توقتاتپاعان، ۇستامدىلىققا ۇيرنبەگەن وقۋشىلاردى ناشار ىستەرگە شىرعالاۋى مۇمكىن.
ۇعىسۋعا قاراعاندا، ”تاماق كارتوچكاسىنا ۇقسايتىن قولفوننىڭ“ باعاسى قىمبات بولمايدى، كەيبىر ەكىنشى قول بۇيىمداردى ساتاتىن تەكشەلەردەن وپ – وڭاي ساتىپ الۋعا بولادى. ءتىپتى، كەيبىر تەكشەلەردە مۇنداي اسپاپتى وزگەرتىپ جاساۋ ءتاسىلى باياندالعان. مۇنداي قۇبىلىستىڭ ورىن تەبۋى وقۋشىلاردىڭ قولفونعا قۇمارتۋ حاۋپىن ارتتىراتىنى داۋسىز. مەكتەپتەر مەن اتا – انالار بۇعان ەرەكشە قىراعى بولۋى، وقۋشىلاردىڭ قولفوننان پايدالانۋ جاعدايىنا نازار اۋدارۋى، تاربيە بەرۋ مەن جەتەكشىلىك ەتۋدى ويداعىداي ورىنداۋى، ولاردىڭ قولفوننان ۇيلەسىمدى پايدالانۋىنا كومەكتەسۋى قاجەت. ال، ساۋداگەرلەردىڭ قولفوندى تاماق كارتوچكاسىنا ۇقساتىپ وزگەرتىپ جاساۋ ارقىلى ساۋدالاۋى زاڭعا قايشى كەلە مە، جوق پا؟ بۇل جونىندە قازىر تالاس – تارتىس ورىن تەۋىپ وتىر. بازاردى باقىلاۋ – باسقارۋ تاراۋلارى بۇعان ءمان بەرۋى، جونگە سالۋ مەن تەكتەۋ تەبىنىن ارتتىرۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
