كوپ تاراۋ قوناق ۇيلەردەگى تەلەۆيزورلاردى قويۋدىڭ كۇردەلى بولۋىن ارناۋلى تۇردە جونگە سالادى
تەلەۆيزوردى اشا قالعاندا – اق تىكە تاراتىلىمدى كورە الۋعا كەپىلدىك ەتەدى
2024.04.17 14:05 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ پىڭ 4 – ايدىڭ 16 – كۇنى بەيجيڭنەن حابارلايدى. مەملەكەتتىك راديو – تەلەۆيزيا باس مەڭگەرمەسى 4 – ايدىڭ 16 - كۇنى مادەنيەت جانە ساياحات مينيسترلىگىمەن، جۇڭگو تۇتىنۋشىلار بىرلەستىگىمەن بىرگە ەلىمىز بويىنشا قوناق ۇيلەردەگى تەلەۆيزورلاردى قويۋدىڭ كۇردەلى بولۋىن ارناۋلى جونگە سالۋعا اتتانىسقا كەلتىرۋ جانە ورنالاستىرۋ جاساۋ جونىندەگى تەلەۆيزور – تەلەفون ءماجىلىسىن اشىپ، تەلەۆيزوردى اشا قالعاندا - اق تىكە تاراتىلىمدى كورە الۋ سىندى تالاپتى قوناق ۇيلەردەگى تەلەۆيزورلاردى جونگە سالۋ قىزمەتىنىڭ باستى ولشەمى ەتىپ، جۇرتشىلىقتىڭ ساپار بارىسىندا قوناق ۇيدە وتباسىنداعىمەن ۇقساس قولايلى دارەجەدە تەلەۆيزور كورىپ ءلاززاتتانا الۋىنا شارت – جاعداي جاراتۋدى ايقىن تۇراقتاندىرعان.
ءتىلشىنىڭ ماجىلىستەن ۇعىسۋىنشا، تەلەۆيزوردى اشا قالعاندا - اق تىكە تاراتىلىمدى كورە الۋ سىندى تالاپتى قوناق ۇيلەردەگى تەلەۆيزورلاردى جونگە سالۋ قىزمەتىنىڭ نەگىزدىك تالابى ەتۋدى ايقىن تۇراقتاندىرۋ نەگىزىندە، قوناق ۇيلەردەگى تەلەۆيزورلاردىڭ وزگەشەلىگىن دە تولىق ويلاستىرىپ، قوناقتاردىڭ تەلەۆيزوردى تىكە تاراتىلىمنان كورۋىنە بارىنشا قولايلى شارت – جاعداي جاراتۋمەن بىرگە، قوناق ۇيلەردەگى ينفورماتسيالىق جاقتان دا قىزمەت وتەۋ قاجەتىن بىردەي ويلاستىرادى.
ماجىلىستەگى تالاپتارعا ساي، بيىل قوناق ۇيلەردەگى تەلەۆيزورلاردى جونگە سالۋ قىزمەتىنىڭ كەزەڭدىك مىندەتىن ورىنداۋ نەگىزىندە، قوناق ۇيلەردەگى تەلەۆيزورلاردىڭ سيگنال قاينارىن جونگە سالۋ قىزمەتىن دە ورىستەتىپ، قوناق ۇيلەردىڭ حاۋىپسىزدىك جانە ساقتىق قۋاتىن جوعارىلاتىپ، تەلەۆيزور سيگنالىنىڭ حاۋىپسىز دە ساپالى تاراتىلۋىنا كەپىلدىك ەتەدى. سونىمەن بىرگە، قوناق ۇيلەردى ەرەكشە تۇنىق كورسەتۋ تەحنيكاسىنان تولىق پايدالانىپ، تەلەۆيزور جابدىقتارىنىڭ دارەجەسىن جوعارىلاتۋ، سيگنال تاراتۋدى جاقسارتۋ قاتارلى تاسىلدەر ارقىلى قوناق ۇيدەگى تەلەۆيزوردىڭ كەسكىن ساپاسى مەن تۇنىقتىق دارەجەسىن ءونىمدى جوعارىلاتۋعا، قوناقتاردى جوعارى ساپالى، ەرەكشە تۇنىق دىبىس – كەسكىندى مازمۇندارمەن قامداۋعا، قولدانۋشىلاردىڭ تەلەۆيزور كورۋدەن الاتىن اسەرىن جاقسارتۋعا شابىتتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
