تاڭ شۋاڭنيڭعا الەۋمەتتىك ايىپتاۋ بەرىلدى!
2024.04.15 15:07 كەلۋ قاينارى : حالىق تورابى
ءتىلشىنىڭ ەڭ جوعارى حالىق پروكۋراتۋراسىنان ۇعىسۋىنشا، جۇڭگو گۋاڭدا توبى جارنا سەرىكتەستىگى پارتكومىنىڭ بۇرىنعى شۋجيى، باس جوراسى تاڭ شۋاڭنيڭنىڭ قيانات جاساۋ، پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ زاڭ بويىنشا بەلگىلەۋى ارقىلى حىبەي ولكەسى تاڭشان قالالىق حالىق پروكۋراتۋراسى تەكسەرىپ ايىپتاعان. تاياۋدا تاڭشان قالالىق حالىق پروكۋراتۋراسى تاڭشان قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر تاڭ شۋاڭنيڭنىڭ ارىز - شاعىم ۇقىعىنا يە ەكەنىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: تاڭ شۋاڭنيڭ جۇڭگو حالىق بانكەسى باقىلاۋ – باسقارۋ ءبىرىنشى بولىمشەسىنىڭ باستىعى مىندەتىن وتەگەن كەزدە قىزمەت بابىنان پايدالانىپ، ءوزىنىڭ ساقتاۋىنداعى جۇرتتىڭ مال - مۇلكىن ءوزى ىستەتكەن، سوماسى ەرەكشە مول؛ تاڭ شۋاڭنيڭ جۇڭگو حالىق بانكەسى باقىلاۋ – باسقارۋ ءبىرىنشى بولىمشەسىنىڭ باستىعى، جۇڭگو بانكەسى كاسىپ باقىلاۋ - باسقارۋ كوميتەتى پارتكومىنىڭ مۇشەسى، ورىنباسار ءتوراعاسى، جۇڭگو گۋاڭدا توبى جارنا سەرىكتەستىگى پارتكومىنىڭ شۋجيى، باس جوراسى، گۋاڭدا بانكەسى پارتكومىنىڭ شۋجيى، باس جوراسى قاتارلى قىزمەتتەردى وتەگەن كەزىندە قىزمەت بابىنان پايدالانىپ، قىزمەت ورنىن رەتتەۋ، قارىز اقشا الۋ سياقتى ىستەردە باسقالارعا پايدا جەتكىزىپ، باسقالاردىڭ مال – مۇلكىن زاڭسىز قابىلداعان، سوماسى ەرەكشە مول، قياناتشىلدىق قىلمىسى، پارا الۋ قىلمىسى بويىنشا زاڭ بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
