يزرايل بۇكىل ەل بويىنشا وقىتۋ قيمىلىن قالپىنا كەلتىرەتىندىگىن جاريالادى
2024.04.15 15:11 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 15 – كۇنى يەرۋساليمنەن بەرگەن حابارى. يزرايل قورعانىس ارمياسى 4 – ايدىڭ 15 - كۇنى تاڭ سارىدە مالىمدەمە جاريالاپ بىلاي دەدى: جاعدايدى باعالاۋ ارقىلى سول كۇنى ساعات نولدەن باستاپ جەرگىلىكتى قورعانىس قولباسشىلىق شتابىنىڭ قورعانىس جەتەكشى باعىتىنا وزگەرىس ەنگىزىلدى، مۇنىڭ ىشىندە بۇكىل ەلدىڭ جەر – جەرىندەگى وقىتۋ قيمىلدارىن قالپىنا كەلتىرۋ قامتىلادى.
مالىمدەمەدە تاعى بىلاي دەلىنگەن: يزرايلدىڭ سولتۇستىك شەكاراسى مەن گازا ءوڭىرىنىڭ ماڭىنداعى الەۋمەتتىك اۋماقتا وقىتۋ قيمىلىن شەكتەۋ كۇشىنەن قالدىرىلادى. بۇدان سىرت، وسىدان بۇرىن جاريالانعان جينالىستى شەكتەۋ دە كۇشىنەن قالدىرىلادى.
يزرايل 4 – ايدىڭ 13 - كۇنى كەشتە حاۋىپسىزدىك ەسكەرتۋىن شىعارىپ، يزرايلدىڭ ءارقايسى جەرلەردەگى مەكتەپتەرىنىڭ الداعى 48 ساعاتتا وقىتۋ قيمىلىن توقتاتۋىن، 1000 ادامنان ارتىق ادام جينالاتىن قيمىلدى وتكىزۋدى شەكتەيتىندىگىن؛ كازاعا جاقىن ماڭداعى قالا – قالاشىقتاعى جانە ليۆان شەكاراسى ماڭىنداعى الەۋمەتتىك تەڭىز جاعاسىن جابۋدى؛ گازاعا جاقىن شەكارا رايونداردا 100 دەن ارتىق ادام توپتالاتىن قيمىل وتكىزۋگە جول قويماۋدى؛ ليۆانمەن شەكارالاساتىن وڭىردە 30 دان ارتىق ادام جينالاتىن قيلىمدى وتكىزۋگە بولمايتىندىعىن جاريالاعان.
يراننىڭ سيرياداعى باس ەلشىحاناسىنىڭ كونسۋل تاراۋلارى 4 - ايدىڭ 1 - كۇنى باسقارىلمالى بومبىنىڭ شابۋىلىنا ۇشىراپ، كەمىندە 13 ادام قازا بولعان. يران مەن سيريا بۇل شابۋىلدى يزرايل قوزعاعان دەگەندى ايتقان. يران يسلام توڭكەرىستىك قورعاۋشىلار قوسىنى 4 – ايدىڭ 14 – كۇنى تاڭ سارىدە مالىمدەمە جاريالاپ، يزرايلدىڭ نىساناسىنا نەشە ونداعان باسقارىلمالى بومبى مەن ۇشقىشسىز ۇشاق شابۋىلىن جاساعاندىعىن ايتتى. يزرايل ارمياسىنىڭ مالىمدەمەشىسى 4 – ايدىڭ 14 - كۇنى 300 دەن استام ۇشقىشسىز ۇشاق پەن باسقارىلمالى بومبى يزرايلعا اتىلدى، مۇنىڭ %99 ىن توسىپ الدىق دەگەندى ايتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
