قۇمار ويناۋعا ساياتىن تۇڭعىش توپتاعى 130 قىلمىس كۇماندىسى كامبودجادان ەلگە قايتارىلدى!
2024.04.15 14:51 كەلۋ قاينارى : حالىق تورابى
ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، 4 ـ ايدىڭ 13 ـ كۇنى تاڭەرتەڭ جۇڭگو حالىقتىق اۆياتسياسىنىڭ 2 جالدامالى ۇشاعى حۋبەيدىڭ ۋحان قالاسىنداعى تيانحى حالىقارالىق اۋەجايىنا قوندى، تۇڭعىش توپتاعى جۇڭگو قاراستىلىعىنداعى قۇمار ويناۋعا ساياتىن زاڭعا قايشىلىق جاساعان قىلمىس كۇماندىسىنان 130 ادام ەلىمىزدىڭ قوعام حاۋىپسىزدىگى ورگانى جاعىنان ەلگە قايتارىلىپ اكەلىندى. بۇل بيىل جىل باسىنان بەرى جۇڭگو – كامبودجا ساقشى جاعى ۇيىمداستىرىپ ورىستەتكەن تۇڭعىش توپتاعى كەپىلگە الىپ جەتكىزۋ مىندەتى بولىپ، ەكى ەل ساقشى جاعىنىڭ قۇمار ويناۋ، الدامكوستىك ىستەۋ سىندى زاڭعا قايشى قىلمىستىق ارەكەتتەرگە بىرلەسىپ سوققى بەرۋىنىڭ شىمىلدىعىن اشتى.
سوڭعى جىلداردان بەرى شەكارا اتتاپ قۇمار ويناۋ، تەلەگراف، توراپ الدامكوستىگى سياقتى كورنەكتى قىلمىستارعا زاڭ بويىنشا قاتاڭ سوققى بەرۋ ءۇشىن، جۇڭگو ـ كامبودجا ساقشى جاعى تىعىز سايكەسىپ، تىزە قوسا سەلبەسىپ، سوققى بەرۋ قىزمەتىن ۇزدىكسىز تەرەڭدەتىپ، ءبىرقىدىرۋ كورنەكتى ونىمدىلىككە قول جەتكىزدى. الدىڭعى مەرزىمدىك قىزمەت نەگىزىندە، بۇكىل ەل بويىنشا شەكارا اتتاعان قۇمار ويناۋعا سوققى بەرۋ، جونگە سالۋ قىزمەتىنىڭ ورنالاستىرۋىنا ساي، قوعام حاۋىپسىزدىگى ورگاندارى كامبودجا ساقشى جاعىمەن بىرگە تاياۋدا قۇمار ويناۋعا ساياتىن زاڭعا قايشى قىلمىستىق ارەكەتتەرگە سوققى بەرۋ بىرلەسكەن قيمىلىن ورىستەتتى. ارەكەت بارىسىندا كامبودجا ساقشى جاعى سيحانوك قالاسىنداعى قۇمار ويناۋ، الدامكوستىك ىستەۋ ورىندارىن تالقانداپ، جۇڭگولىق زاڭعا قايشى ءبىر توپ قىلمىس كۇماندىلارىن ۇستاپ، ءبىر توپ سەرۆەر، كومپيۋتەر، قولفون سياقتى دەلو تۋدىرۋ قۇرالدارىن قولعا ءتۇسىردى. قوعام حاۋىپسىزدىگى مينيسترلىگىنىڭ جەتەكشىلىگىندە حۋبەي قوعام حاۋىپسىزدىگى ورگانى قىزمەت گرۋپپاسىن جىبەرىپ، كامبودجا ساقشىلارىمەن بىرگە قايتارىپ بەرۋ قىزمەتىن ورىستەتتى.
قوعام حاۋىپسىزدىگى مينيسترلىگىنىڭ قاتىستى جاۋاپتىسى بىلاي دەدى: قوعام حاۋىپسىزدىگى ورگاندارى قاتىستى ەلدەرمەن جانە رايوندارمەن ساقشى ىستەرى بويىنشا زاڭ اتقارۋ سەلبەستىگىن ۇزدىكسىز تەرەڭدەتىپ، ارناۋلى سوققى بەرۋدى ۇزدىكسىز ىشكەرىلەي ورىستەتىپ، قۇمار ويناۋ، الدامكوستىك ىستەۋ ورىندارىن باتىل الاستاپ، قىلمىس كۇماندىلارىن زاڭ بويىنشا تۇتقىنداپ، وسى تەكتەس قىلمىستاردىڭ كوپ تۋىلۋ جاعدايىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ اماندىعىن شىنايى قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
