14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 9 - ءماجىلىسى بەيجيڭدە وتكىزىلدى
عىلمي اتاق زاڭى جوباسى، كەدەن سالىعى زاڭى جوباسى سياقتىلاردى قارادى
جاۋ لىجي ءماجىلىستى باسقاردى
2024.04.24 16:06 كەلۋ قاينارى : حالىق تورابى
«حالىق گازەتى»، 4 - ايدىڭ 23 – كۇنى، بەيجيڭ (ءتىلشى ۋەي جىجى). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 9 – ءماجىلىسى 4 - ايدىڭ 23 – كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى جيىنىن وتكىزدى. كوميتەت باستىعى جاۋ لىجي ءماجىلىستى باسقاردى.
تۇراقتى كوميتەت قۇرامىنداعىلاردان 162 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى يۋان شۋحۇڭ جاساعان عىلمي اتاق زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ ەكىنشى رەت قارالعان نۇسقاسىندا زاڭ شىعارۋ ماقساتىنا ”عىلمي اتاق ساپاسىن قامتاماسىزداندىرۋ“ سياقتى مازمۇندار قوسىلىپ، عىلمي اتاق بەرۋ قىزمەت ءتۇزىلىسى، بەرۋ شارتى، بەرۋ ءتارتىبى جانە شەتەلگە ساياتىن عىلمي اتاق جاعىنداعى بەلگىلەمەلەر ونان ارى كەمەلدەندىرىلدى.
ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى حى پيڭ جاساعان كەدەن سالىعى زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسى شەكارا اتتاعان ەلەكتروندىق ساۋدانىڭ دامۋ تالابىنا ۇيلەسىپ، قاتىستى سالالارداعى ۇستاپ قالىپ تاپسىرۋعا مىندەتتىلەر جونىندە ايقىن بەلگىلەمە جاسالدى؛ العاش وندىرگەن ورىن نەگىزگى ءتۇزىمى ەرەجەسىنە قاتىستى مازمۇندار قوسىلدى؛ سالىق تاپسىرۋشىلارعا قولايلىلىق جاراتۋعا قاتىستى ادىستەر زاڭدىق بەلگىلەمە دارەجەسىنە كوتەرىلدى، ت. ب.
قورعانىستىق تاربيەنى جالپىلاستىرىپ جانە كۇشەيتىپ، جالپى حالىقتىڭ قورعانىستىق كوزقاراسىن كۇشەيتىپ، جاڭا داۋىردەگى جالپى حالىقتىڭ قورعانىستىق تاربيە ءتۇزىلىس، مەحانيزمى رەفورماسىنىڭ قاجەتىنە سايكەسىپ، قورعانىستىق قۇرىلىس پەن سوتسياليستىك رۋحاني وركەنيەت قۇرىلىسىن جەبەۋ ءۇشىن، كوميتەت باستىقتارى ءماجىلىسى قورعانىستىق تاربيە زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. كوميتەت باستىقتارى ءماجىلىسىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىنىڭ مەڭگەرۋشىسى شىن چۇنياۋ تۇسىنىك جاسادى.
قازىنا - بۇعالتىرلىق باقىلاۋىن كۇشەيتىپ، قازىنا ءتارتىبىن قاتايتىپ، كوزبوياۋشىلى ىستەۋدى تەجەپ، بۇعالتىرلىق ينفورماتسيالارىنىڭ ساپاسىن جوعارىلاتىپ، قوعامدىق الەۋمەتتىك مۇددەنى قورعاۋ ءۇشىن، مەملەكەتتىك كەڭەس بۇعالتىرلىق زاڭىنا تۇزەتۋ ەنگىزۋ جوباسىن قاراپ شىعۋعا ۇسىنۋ تۋراسىندا ۇسىنىس بەردى. مەملەكەتتىك كەڭەستىڭ تاپسىرۋىمەن قازىنا مينيسترلىگى مينيسترىنىڭ ورىنباسارى لياۋ مين تۇسىنىك جاسادى.
ساناق ساندى مالىمەتىنىڭ ساپاسىن ۇزدىكسىز جوعارىلاتىپ، ساناقتىق باقىلاۋدى ونان ارى كۇشەيتىپ، ساناقتا جالعاندىق ىستەۋدەن ساقتانۋ جانە ونى جازالاۋ ءۇشىن، مەملەكەتتىك كەڭەس ساناق زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن مەملەكەتتىك ساناق مەكەمەسىنىڭ باستىعى كاڭ ي تۇسىنىك جاسادى.
ەنەرگيانىڭ ساپالى دامۋىن ىلگەرىلەتىپ، مەملەكەتتىڭ ەنەرگيا حاۋىپسىزدىگىن قامتاماسىزداندىرىپ، ەكونوميكانىڭ، قوعامنىڭ جاسىل، تومەن كومىرتەكتى تيپكە بۇرىلىس جاساۋىن جانە باياندى دامۋىن جەبەۋ ءۇشىن، مەملەكەتتىك كەڭەس ەنەرگيا زاڭى جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن مەملەكەتتىك دامۋ جانە رەفورما كوميتەتى مەڭگەرۋشىسىنىڭ ورىنباسارى لي چۇنلين تۇسىنىك جاسادى. اتوم ەنەرگياسىن بەيبىت اشۋدى جانە ودان پايدالانۋدى قامتاماسىزداندىرىپ، مەملەكەتتىڭ حاۋىپسىزدىگىن، حالىقتىڭ باقىتىن قورعاپ، اتوم ەنەرگياسى ىستەرىنىڭ اقاۋسىز، باياندى دامۋىن جەبەۋ ءۇشىن، مەملەكەتتىك كەڭەس اتوم ەنەرگياسى زاڭى جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن ونەركاسىپ جانە ينفورماتسيالاندىرۋ مينيسترلىگى مينيسترىنىڭ ورىنباسارى، مەملەكەتتىك اتوم ەنەرگياسى قۇرىلىمىنىڭ مەڭگەرۋشىسى جاڭ كىجيان تۇسىنىك جاسادى.
اقشا جۋۋعا قارسى تۇرۋ جانە قاتىستى قىلمىستىق ارەكەتتەردىڭ الدىن الۋ جانە ونى توسۋ، مەملەكەت حاۋىپسىزدىگىن، قوعامدىق الەۋمەتتىك مۇددەنى جانە فينانس ءتارتىبىن قورعاۋ ءۇشىن، مەملەكەتتىك كەڭەس اقشا جۋۋعا قارسى تۇرۋ زاڭىنا تۇزەتۋ ەنگىزۋ جوباسىن قاراپ شىعۋعا ۇسىنۋ تۋراسىندا ۇسىنىس بەردى. مەملەكەتتىك كەڭەستىڭ تاپسىرۋىمەن جۇڭگو حالىق بانكەسىنىڭ باستىعى پان گۇڭشىڭ تۇسىنىك جاسادى.
پارتيا 20 - كەزەكتى ورتالىق كوميتەتىنىڭ ەكىنشى جالپى ماجىلىسىندە ماقۇلدانعان «پارتيا مەن مەملەكەت قۇرىلىمدارى رەفورماسى جوباسىن» جانە 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەكىتكەن «مەملەكەتتىك كەڭەس قۇرىلىمدارى رەفورماسى جوباسىن» جاپپاي تياناقتاندىرۋ ءۇشىن، مەملەكەتتىك كەڭەس اۋىل شارۋاشىلىق تەحنيكاسىن جالپىلاستىرۋ زاڭى سياقتى 3 زاڭعا وزگەرىس ەنگىزۋ جوباسىنىڭ العاشقى نۇسقاسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن ءادىليا مينيسترلىگىنىڭ مينيسترى حى رۇڭ تۇسىنىك جاسادى.
مەملەكەتتىك كەڭەستىڭ تاپسىرۋىمەن حى رۇڭ مەملەكەتتىك كەڭەسكە حاينان ەركىن ساۋدا پورتىندا ازىق - تۇلىك حاۋىپسىزدىگى زاڭىنىڭ قاتىستى بەلگىلەمەلەرىن ۋاقىتشا رەتتەپ قولدانۋعا ۇقىق بەرۋ جونىندەگى قاۋلى جوباسى تۋرالى تۇسىنىك جاسادى.
مەملەكەتتىك كەڭەستىڭ تاپسىرۋىمەن سىرتقى ىستەر مينيسترلىگى مينيسترىنىڭ ورىنباسارى دىڭ لي «جۇڭحۋا حالىق رەسپۋبليكاسى مەن ماۋريتيۋس رەسپۋبليكاسىنىڭ قىلمىستىق ىستەر ءادىليا سەلبەستىگى كەلىسىمناماسىن» قاراپ شىعىپ بەكىتۋگە ۇسىنۋ تۋراسىندا تۇسىنىك، « جۇڭحۋا حالىق رەسپۋبليكاسى مەن نەپالدىڭ قىلمىستىق ىستەر ءادىليا سەلبەستىگى كەلىسىمناماسىن» قاراپ شىعىپ بەكىتۋگە ۇسىنۋ تۋراسىندا تۇسىنىك، «جۇڭحۋا حالىق رەسپۋبليكاسى مەن سەنەگال رەسپۋبليكاسىنىڭ وتكىزىپ بەرۋ شارتىن» قاراپ بەكىتۋگە ۇسىنۋ تۋرالى كەڭەس جوباسى جونىندە تۇسىنىك، «جۇڭحۋا حالىق رەسپۋبليكاسى مەن گرەتسيا رەسپۋبليكاسىنىڭ وتكىزىپ بەرۋ شارتىن» قاراپ بەكىتۋگە ۇسىنۋ تۋرالى كەڭەس جوباسى جونىندە تۇسىنىك جاسادى.
مەملەكەتتىك كەڭەستىڭ تاپسىرۋىمەن ەكولوگيالىق ورتا مينيسترلىگى مينيسترىنىڭ ورىنباسارى جاۋ يىڭمين 2023 – جىلعى ەكولوگيالىق ورتا جاعدايى مەن ەكولوگيالىق ورتانى قورعاۋ نىساناسىنىڭ ورىندالۋ احۋالى جونىندە بايانداما جاسادى. باياندامادا 2024 - جىلعى قاتىستى قىزمەت ورنالاستىرۋلارى ورتاعا قويىلدى: ەكولوگيالىق ورتا جونىندە زاڭ شىعارۋدى جانە باقىلاۋ - تەكسەرۋدى، زاڭ اتقارۋدى شىنايى كۇشەيتىپ، كورىكتى جۇڭگو قۇرۋدا الدىمەن اتقارىلاتىن رايون قۇرىلىسىن بەلسەنە ىلگەرىلەتىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ىشكەرىلەي ويداعىداي جۇرگىزىپ، دامۋ ءتاسىلىنىڭ جاسىل، تومەن كومىرتەكتى تيپكە بۇرىلىس جاساۋىن بەلسەنە ىلگەرىلەتىپ، ەكولوگيالىق جۇيەنىڭ الۋان تۇرلىلىگىنىڭ ورنىقتىلىعىن، باياندىلىعىن ۇزدىكسىز جوعارىلاتىپ، كورىكتى جۇڭگو قۇرىلىسىنىڭ حاۋىپسىزدىك تومەنگى شەگىن بەكەمدەپ، وسى زامانعى قورشاعان ورتانى جونگە سالۋ جۇيەسىن جەدەل ورناتۋ كەرەك.
مەملەكەتتىك كەڭەستىڭ تاپسىرۋىمەن لياۋ مين فينانس كاسىپورىندارىنىڭ مەملەكەت مەنشىگىندەگى مال - مۇلىكتى باسقارۋ جاعدايى جونىندەگى ارناۋلى باياندامانى قاراۋ پىكىرىن اقىلداسىپ ءبىر جاقتى ەتۋ جاعدايى جانە رەتتەۋ - تۇزەتۋ، جاۋاپقا تارتۋ جاعدايى جونىندە بايانداما جاسادى. باياندامادا مەملەكەت مەنشىگىندەگى فينانس كاپيتالىنىڭ فۋنكتسيالىق ورنى مەن ستراتەگيالىق ورنالاسۋىن ساپالىلاندىرۋ، مەملەكەت مەنشىگىندەگى فينانس كاپيتالىن باسقارۋ ءتۇزىلىس، مەحانيزمىن كەمەلدەندىرۋ، فينانس، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ، فينانستىڭ ناقتى ەكونوميكاعا قىزمەت وتەۋ قابىلەتى مەن دەڭگەيىن جوعارىلاتۋ، مەملەكەت مەنشىگىندەگى فينانستىق مال - مۇلىك حاۋىپ - قاتەرىنەن ساقتانۋدى كۇشەيتۋ سياقتى جاقتاردا قىزمەتتى كەمەلدەندىرۋ وي جەلىسى مەن شارالارى العا قويىلدى.
ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ياڭ شياۋچاۋ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى باياندامانى تىڭدادى.
ءماجىلىس تاعى مىندەتكە تاعايىنداۋ، مىندەتتەن قالدىرۋ جوباسى سياقتىلاردى قارادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.
مەملەكەتتىك كەڭەس زۇڭليىنىڭ ورىنباسارى جاڭ گوچيڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالاردىڭ ءبىر ءبولىم حالىق قۇرىلتايى تۇراقتى كوميتەتتەرىندەگى نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
