شي جينپيڭ جاڭا داۋىردە باتىس بولەكتى قاۋىرت اشۋدى ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ دارىپتەدى
جاپپاي قورعاۋ، جاپپاي اشىق ۇستاۋ، ساپالى دامۋ جاڭا جاعدايىن ىشكەرىلەي قالىپتاستىرىپ، باتىس بولەكتى قاۋىرت اشۋدىڭ تىڭ تاراۋىن قۇلشىنا جازۋ كەرەك
لي چياڭ، ساي چي، ديڭ شۋەشياڭ قاتىناستى
2024.04.24 15:59 كەلۋ قاينارى : حالىق تورابى
 |
4 - ايدىڭ 23 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چۇڭچيڭدە جاڭا داۋىردە باتىس بولەكتى قاۋىرت اشۋدى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
|
«حالىق گازەتى»، 4 – ايدىڭ 23 – كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 23 - كۇنى تۇستەن كەيىن چۇڭچيڭدە جاڭا داۋىردە باتىس بولەكتى قاۋىرت اشۋدى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ دارىپتەدى: باتىس بولەك بۇكىل ەلدىڭ رەفورما، دامۋ، ورنىقتىلىق جالپى جاعدايىندا اسا ماڭىزدى. پارتيا ورتالىق كوميتەتىنىڭ باتىس بولەكتى قاۋىرت اشۋدى ىلگەرىلەتۋ ساياسات - شارالارىن دايەكتى تياناقتاندىرۋدى باستان - اياق ويداعىداي يگەرىپ، جاپپاي قورعاۋ، جاپپاي اشىق ۇستاۋ، ساپالى دامۋ جاڭا جاعدايىن ىشكەرىلەي قالىپتاستىرىپ، وڭىرلىك جالپى تۇلعالىق قۋاتتى جانە باياندى دامۋ قابىلەتىن جوعارىلاتىپ، جۇڭگو ۇلگىسىندەگى وسىزامانداندىرۋ قۇرىلىسىندا باتىس بولەكتى قاۋىرت اشۋدىڭ تىڭ داستانىن جازۋعا قۇلشىنۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ اڭگىمە ماجىلىسىنە قاتىناستى.
اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، چۇڭچيڭ قالالىق پارتكومنىڭ شۋجيى يۋان جياجۇن، سىچۋان ولكەلىك پارتكومنىڭ شۋجيى ۋاڭ شياۋحۇي، شانشي ولكەلىك پارتكومنىڭ شۋجيى جاۋ ي - دى، شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي ىلگەرىندى - كەيىندى ءسوز سويلەپ، باتىس بولەكتى قاۋىرت اشۋدى ىلگەرىلەتۋ قىزمەت جاعدايى جونىندە مالىمەت جاساپ، ۇسىنىس - پىكىر بەردى. اڭگىمە ماجىلىسىنە قاتىناسقان باسقا ولكە، اۆتونوميالى رايوندار مەن شينجياڭ ءوندىرىس - قۇرىلىس بيڭتۋانىنداعى نەگىزگى جاۋاپتى جولداستار جازباشا ءسوز تاپسىردى.
كوپشىلىكتىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: پارتيا ورتالىق كوميتەتى جاڭا داۋىردە باتىس بولەكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋ جونىندە ورنالاستىرۋ جاساعان 5 جىلدان بەرى باتىس بولەك ءوڭىرىنىڭ ەكولوگيالىق ورتاسىن قورعاۋدا، قالپىنا كەلتىرۋدە كەلەلى ناتيجەگە قول جەتىپ، ساپالى دامۋ قابىلەتى كورنەكتى جوعارىلاپ، اشىق ۇستالعان ەكونوميكالىق اۋقىم جەدەل قالىپتاسىپ، نەگىزدىك قۇرىلعى شارت - جاعدايى بارىنشا جاقسارىپ، حالىقتىڭ تۇرمىس دەڭگەيى ورنىقتى جوعارىلاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتىپ، بۇكىل ەلمەن بىرگە جاپپاي دوڭگەلەك داۋلەتتى قوعام ورناپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قادام تاستالدى. سونىمەن بىرگە، مىنانى دا كورە ءبىلۋىمىز كەرەك: باتىس بولەكتىڭ دامۋى ءالى دە كوپتەگەن قيىنشىلىقتار مەن سىندارعا ءدوپ كەلىپ وتىر، ونى شىن مانىندە زەرتتەپ شەشۋ كەرەك.
شي جينپيڭ بىلاي دەپ دارىپتەدى: ەرەكشە ابزالدىققا يە كاسىپ سالالارىن دامىتۋدى نەگىزگى قامال الۋ بەتالىسى ەتۋدە تاباندى بولىپ، جەرگىلىكتى جاعدايعا قاراي جاڭادان گۇلدەنگەن كاسىپ سالالارىن دامىتىپ، باتىس بولەك ءوڭىرىنىڭ كاسىپ سالاسىنىڭ تيپتە بۇرىلىس جاساپ، دارەجەسىن جوعارىلاتۋىن جەدەلدەتۋ كەرەك. عىلىم - تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ ىشكەرىلەي توعىسۋىن كۇشەيتىپ، عىلىم - تەحنيكادا جاڭالىق جاراتۋ جوعارى دەڭگەيلى دارىندىلارىن بەلسەنە باۋلىپ، ەنگىزىپ، ولاردان ويداعىداي پايدالانىپ، ءبىر توپ شەشۋشى، وزەكتى تەحنيكادان قامال الۋعا قۇلشىنۋ كەرەك. شىعىس، ورتا، باتىس بولەكتەردىڭ عىلىم - تەحنيكادا جاڭالىق جاراتۋ سەلبەستىگىن تەرەڭدەتىپ، مەملەكەتتىك دەربەس جاڭالىق جاراتۋ ۇلگى رايونىن، عىلىم - تەحنيكا جەتىستىكتەرىن وندىرگىش كۇشكە اينالدىرۋ ۇلگى رايونىن ويداعىداي قۇرۋ كەرەك. ءداستۇرلى كاسىپ سالالارىن تەحنيكالىق جاقتان قايتا قۇرۋدى جەدەلدەتىپ، ءتۇيىندى سالالارداعى جابدىقتاردى جاڭالاۋدى ىلگەرىلەتىپ، ءداستۇرلى ابزالدىققا يە كاسىپ سالالارىن ساپالىلاندىرۋدى، ونىمدىلىگىن ارتتىرۋدى ىلگەرىلەتىپ، بايلىقتان امبەباپ پايدالانۋ ونىمدىلىگى مەن ونىمدەردى ىشكەرىلەي مانەرلەۋ ساپاسىن جوعارىلاتۋ كەرەك. ورتالىققا قاراستى كاسىپورىندار مەن باتىس بولەكتىڭ توعىسپالى دامۋىن جەبەۋ كەرەك. ساياحات سياقتى قىزمەت وتەۋ كاسىبىن وڭىرلىك تىرەكتى كاسىپ سالاسىنا اينالدىرۋ كەرەك. جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، وسىزامانعى جاساۋ كاسىبى مەن ستراتەگيالىق جاڭادان گۇلدەنگەن كاسىپ سالاسىن دامىتۋعا ىزدەنىس جاساپ، بولاشاق كاسىپ سالالارىن ورنالاستىرىپ جانە قۇرىپ، وڭىرلىك دامۋدىڭ جاڭا قوزعاۋشى كۇشىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: جوعارى دەڭگەيدە قورعاۋ ارقىلى ساپالى دامۋعا تىرەك بولۋدا تاباندى بولىپ، مەملەكەتتىڭ ەكولوگيالىق حاۋىپسىزدىك قالتقىسىن بەكەمدەۋ كەرەك. مەملەكەت جەرىن پايدالانۋ، اشۋ، قورعاۋ جۇيەسىن ساپالىلاندىرىپ، ەكولوگيالىق ورتانى وڭىرگە ءبولىپ باسقارۋ - مەڭگەرۋدى كۇشەيتىپ، ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ كەلەلى ينجەنەرياسىن جەدەل ىلگەرىلەتىپ، ”ءۇش تەرىستىك قورعانىس ورمانى“ ينجەنەرياسىنداعى 3 ءىرى بوگەنايلىق شايقاستى ويداعىداي جۇرگىزۋ كەرەك. ەكولوگيالىق بايلىقتى قورعاۋدى كۇشەيتىپ، ورمان، جايىلىمدى ورتتەن ساقتاۋ قابىلەتى قۇرىلىسىن كۇشەيتىپ، ءتۇيىندى وڭىرلەردە، ءتۇيىندى سالالاردا لاستانۋىنان ساقتانۋ - وڭاۋدى تەرەڭدەتۋ كەرەك. ءداستۇرلى كاسىپ سالالارىندا ەنەرگيا ۇنەمدەۋ، كومىر قىشقىل گازىن شىعارۋدى ازايتۋ تالابى بويىنشا قايتا قۇرۋدى كۇش سالا ىلگەرىلەتىپ، كومىردەن تازا، ءونىمدى پايدالانۋدى تارتىپپەن ىلگەرىلەتۋ كەرەك. ەكولوگيالىق ونىمدەردىڭ قۇنىن جۇزەگە اسىرۋ مەحانيزمى مەن ەندىك ەكولوگيانى قورعاۋ تولەم مەحانيزمىن كەمەلدەندىرۋ كەرەك.
شي جينپيڭ بىلاي دەپ دارىپتەدى: ەسىكتى ايقارا اشۋ ارقىلى قاۋىرت اشۋدى جەبەۋدە تاباندى بولىپ، باتىس بولەك ءوڭىردىڭ ىشكە، سىرتقا ەسىك اشۋ دەڭگەيىن جوعارىلاتۋ كەرەك. باتىس بولەكتىڭ قۇرلىق - تەڭىز جاڭا ارناسى قۇرىلىسىن كۇش سالا ىلگەرىلەتىپ، جەلى بويىنداعى وڭىرلەردە بايلىق قاينارىن اشىپ گۇلدەندىرۋدى، اشىق ۇستاۋدى ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋمەن ىشكەرىلەي توعىستىرۋ كەرەك. شەكارا بويىنداعى رايوندارداعى ءتۇرلى كاسىپ باقشاسى رايوندارىنىڭ، شەكارا ەكونوميكالىق سەلبەستىك رايوندارىنىڭ، شەكارا اتتاعان ەكونوميكالىق سەلبەستىك رايوندارىنىڭ ورنالاسۋىن كەمەلدەندىرىپ، ەركىن ساۋدا سىناق رايوندارىنىڭ ساپالى دامۋىن ىلگەرىلەتۋ كەرەك. تۇزىمدىك ەسىك اشۋدى ورنىقتى كەڭەيتىپ، بازارلانعان، زاڭمەن باسقارىلاتىن، حالىقارالانعان ساۋدا ورتاسىن قالىپتاستىرۋ كەرەك. وڭىرلىك كەلەلى ستراتەگيالارعا اناعۇرلىم ىرىقتىلىقپەن قىزمەت وتەپ جانە ونىمەن ۇشتاستىرىپ، بۇكىل ەلدەگى ءبىر تۇتاس ءىرى بازار قۇرىلىسىمەن بەلسەنە توعىسىپ، شىعىس، ورتا بولەكتەرمەن، شىعىس سولتۇستىك رايوندارمەن اشىق ۇستاۋ تۇعىرىن ۇشتاستىرۋ مەحانيزمىندە جاڭالىق جاراتىپ، شىعىس، ورتا، باتىس بولەكتەرمەن ناقتى سەلبەستىكتى تەرەڭدەتۋ كەرەك.
شي جينپيڭ بىلاي دەپ اتاپ كورسەتتى: دامۋ مەن حاۋىپسىزدىكتى ءبىر تۇتاس جوسپارلاۋدا تاباندى بولىپ، ەنەرگيا - بايلىق سياقتى ءتۇيىندى سالالاردا حاۋىپسىزدىكتى قامتاماسىز ەتۋ قابىلەتىن جوعارىلاتۋ كەرەك. جاڭاشا ەنەرگيا جۇيەسىن قۇرۋدى جەدەلدەتىپ، مەملەكەتتىڭ ءبىر توپ ماڭىزدى ەنەرگيا بازاسىن ۇلعايتۋ، كۇشەيتۋ كەرەك. قۇبىر تورابىنىڭ ۇلاسۋىن، تۇتاسۋىن كۇشەيتىپ، ”باتىستىڭ ەلەكترىن شىعىسقا جەتكىزۋ“ قابىلەتىن جوعارىلاتۋ كەرەك. كەن بايلىعىن جوبالاۋ، باسقارۋدى جانە مەڭگەرۋدى كولەمدەندىرۋ، شوعىرلى اشىپ پايدالانۋدى كۇشەيتۋ، مەملەكەت دارەجەلى ءبىر توپ كەن بايلىعىن اشۋ جانە وڭدەۋ بازاسىن جەدەل قالىپتاستىرۋ كەرەك. سۋ بايلىعى حاۋىپسىزدىگىن قامتاماسىزداندىرۋ دەڭگەيىن جوعارىلاتۋ كەرەك. ءوڭىر اتتاعان كاسىپ سالاسى سەلبەستىگى مەن ورنالاستىرۋ مەحانيزمىندە جاڭالىق جاراتىپ، كاسىپ سالاسىنىڭ ساتىلى اۋىسۋىن تارتىپپەن ۇلاستىرۋ كەرەك. چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن كۇش سالا ىلگەرىلەتىپ، قالالار شوعىرىن بەلسەنە جەتىلدىرىپ، ولكە وڭىرىندىك قوسالقى ورتالىق قالالاردان ءبىر توبىن دامىتىپ، زورايتىپ، قالالار اراسىنداعى نەگىزدىك قۇرىلعىلاردى ۇلاستىرۋدى، الەۋمەتتىك قىزمەت وتەۋدەن ورتاق يگىلىكتەنۋدى جەبەۋ كەرەك.
شي جينپيڭ بىلاي دەپ دارىپتەدى: جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ورگانيكالى ۇشتاستىرۋدا تاباندى بولىپ، دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋ كەرەك. اۋىل - قىستاقتى گۇلدەندىرۋ ستراتەگياسىن ىشكەرىلەي اتقارىپ، مەملەكەتتىڭ اۋىل - قىستاقتى گۇلدەندىرۋىندە ءتۇيىندى سۇيەمەلدەنەتىن اۋدانداردى قولداۋ تەبىنىن ارتتىرىپ، كىرىسى تومەن حالىق سانى مەن دامۋدا ارتتا قالعان رايوندارعا ۇدايىلانعان كومەكتەسۋ - سۇيەمەلدەۋ مەحانيزمىن ورناتىپ، كولەمدى قايتا كەدەيلەسۋدەن باتىل ساقتانۋ كەرەك. ”مىڭ قىستاقتا ۇلگى كورسەتۋ، 10 مىڭ قىستاقتى وڭاۋ ينجەنەرياسى“ تاجىريبەسىن ۇيرەنىپ جانە قولدانىپ، وڭىرلىك ەرەكشەلىككە يە اۋىل - قىستاق قۇرىلىسى ۇلگىسىن قالىپتاستىرۋ كەرەك. وزىندىك ەرەكشەلىككە يە اۋدان ءوڭىرى ەكونوميكاسىن دامىتىپ، اۋىل شارۋاشىلىعىندا قۋاتتى اۋدانداردان، ونەركاسىپ ءىرى اۋداندارىنان، ايگىلى ساياحات اۋداندارىنان ءبىر توبىن جەتىلدىرىپ، شارۋالار بۇقاراسىنىڭ جاقىن ماڭدا جۇمىستانىپ، كىرىسىن ارتتىرۋدى جەبەپ، قالا - قالاشىقتانۋ اياق الىسىن جەرگىلىكتى جاعدايعا قاراي ىلگەرىلەتۋ كەرەك. جوعارى ولشەمدى ەگىنجاي قۇرىلىسىن ىلگەرىلەتىپ، ماڭىزدى اۋىل شارۋاشىلىق ونىمدەرىن ورنىقتىرۋ، قامداۋ جاۋاپكەرلىگىن ويداعىداي ارقالاپ، مەملەكەتتىڭ استىق حاۋىپسىزدىگىن قامتاماسىز ەتۋگە ءتيىستى ۇلەس قوسۋ كەرەك. اۋىل - قىستاق رۋحاني وركەنيەت قۇرىلىسىن كۇشەيتىپ، ەسكى سالت - سانانى وزگەرتۋدى ىلگەرىلەتىپ، داۋىرلىك جاڭا سالتتى، جاڭا بەت - بەينەنى بەلسەنە جەتىلدىرۋ كەرەك. پارتيا ۇيىمى باسشىلىق ەتكەن نەگىزگى ساتى باسقارۋ جۇيەسىن اقاۋسىزداندىرىپ، جاڭا داۋىردەگى ”فىڭچياۋ تاجىريبەسىندە“ تاباندى بولىپ جانە ونى دامىتىپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى جۇزەگە اسىرىپ، نەگىزگى ساتىنىڭ ورنىقتىلىعىن ساقتاۋ، بۇقارانىڭ اماندىعىن قورعاۋ كەرەك.
شي جينپيڭ بىلاي دەپ اتاپ كورسەتتى: جۇڭحۋا ۇلتى ورتاق تۇلعاسى تانىمىن سومداۋدا تاباندى بولىپ، ۇلتتار ىنتىماعى مەن شەكارا ءوڭىردىڭ ورنىقتىلىعىن شىنايى قورعاۋ كەرەك. ۇلتتىق رايونداردا جۇڭحۋا ۇلتى ورتاق تۇلعاسى تانىمىن بەكەمدەۋدى دامۋدىڭ جالپى بارىسى مەن ءارقايسى جاعىندا دايەكتىلەندىرۋ كەرەك. حالىق تۇرمىسىنا تىعىز جاناسىپ، ەكونوميكالىق، قوعامدىق دامۋدى ىلگەرىلەتىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، حالىق تۇرمىسىنىڭ تومەنگى شەگىن مىقتى يگەرىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشۋ كەرەك. پارتيانىڭ ۇلت ساياساتىن جاپپاي دۇرىس دايەكتىلەندىرىپ، ءوزارا كىرىككەن قوعامدىق قۇرىلىم مەن الەۋمەتتىك رايون ورتاسىن جەدەل قۇرىپ، ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋ كەرەك. پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، ەلىمىزدە ءدىندى جۇڭگوشالاندىرۋ بەتالىسىندا تاباندى بولىپ، زاڭسىز ءدىني قيمىلداردى ۇزدىكسىز جونگە سالۋ كەرەك. جاڭا داۋىردەگى شەكارانى گۇلدەندىرىپ، حالىقتى اۋقاتتاندىرۋ قيمىلىن ىشكەرىلەي ىلگەرىلەتىپ، شەكارا وڭىرلەردىڭ نەگىزدىك قۇرىلعىلارى مەن الەۋمەتتىك قىزمەت وتەۋ قۇرىلعىلارى قۇرىلىسىن كۇشەيتىپ، شەكارا ساياحاتى سياقتى كاسىپتەردى دامىتىپ، شەكارا تۇرعىندارىنىڭ اۋقاتتانۋىن، شەكارانىڭ كوركەم بولۋىن، شەكارانىڭ ورنىقتىلىعىن، شەكارا قورعانىسىنىڭ بەكەمدەلۋىن قۇلشىنا جۇزەگە اسىرۋ كەرەك.
شي جينپيڭ سوڭىندا بىلاي دەپ دارىپتەدى: ورتالىقتىڭ وڭىرلىك سايكەستى دامۋ باسشىلىق گرۋپپاسى ءبىر تۇتاس جوسپارلاپ سايكەستىرۋدى جانە قۋزاۋ - تەكسەرۋدى كۇشەيتۋى، ورتالىقتاعى قاتىستى تاراۋلار باعىتتامالى ساياسات - شارالاردى زەرتتەپ العا قويۋى كەرەك. باتىس بولەك وڭىردەگى ءار دارەجەلى پارتكومدار مەن ۇكىمەتتەر تۇلعالىق جاۋاپكەرلىكتى ارقالاپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىن ىلگەرىلەتۋ كەرەك. شىعىس، باتىس بولەكتەردىڭ سەلبەستىك مەحانيزمىن كەمەلدەندىرىپ، باعىتتامالى كومەكتەسۋدى، ءتۇيىندى تۇردە سۇيەمەلدەۋدى تەرەڭدەتۋ كەرەك. نەگىزگى تاقىرىپتىق تاربيە جەتىستىكتەرىن بەكەمدەپ، ۇلعايتىپ، پارتيا ءتارتىبىن ۇيرەنۋ تاربيەسىن ويداعىداي يگەرىپ، فورماشىلدىقتى ۇزدىكسىز جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ كەرەك. شەشىم جاساۋ مەحانيزمىن كەمەلدەندىرىپ، كەلەلى ساياساتتاردى، اسىرەسە، حالىق تۇرمىسىنا ساياتىن ساياساتتاردى شىعارۋدان بۇرىن تولىق دالەلدەۋ جانە حاۋىپ - قاتەردى باعالاۋ، اتقارۋ بارىسىندا جارىققا شىققان ماسەلەلەردى دەر كەزىندە تەكسەرىپ، باتىل ءبىر جاقتى ەتۋ كەرەك. ادال، كىرشىكسىز، جاۋاپكەرلىك ارقالايتىن ساپالى، ماماندانعان كادرلار قوسىنىن قۇرىپ، باعالاۋ - شابىتتاندىرۋ ءتۇزىمىن ورناتىپ جانە كەمەلدەندىرىپ، نەگىزگى ساتى كادرلارىنا، اسىرەسە، شارت - جاعدايى جاپالى رايوندارداعى كادرلارعا كوڭىل ءبولىپ، قامقورلىق جاساپ، كادرلاردى باتىلدىقپەن ءورىس اشۋعا، جاۋاپكەرلىك ارقالاپ، ناتيجە جاراتۋعا شابىتتاندىرۋ كەرەك.
لي چياڭ سوزىندە مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ىشكەرىلەي دايەكتى تياناقتاندىرىپ، جالپى جاعدايدى كوزدە ۇستاپ، باتىس بولەكتى قاۋىرت اشۋدى جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايى تۇرعىسىنان تۇراقتاندىرىپ، وي جۇگىرتىپ، ءبىر تۇتاس ىلگەرىلەتۋ؛ جەر - جەردىڭ جاراتىلىستىق شارت - جاعدايى، دامۋ كومەسكى كۇشى سياقتى پارىقتارعا، جەرگىلىكتى جاعدايعا قاراي، تۇرگە ءبولىپ شارا قولدانۋ كەرەك. ەرەكشە ابزالدىقتى تياناق ەتىپ، وڭىرلىك دامۋعا جەتەكشىلىك ەتەتىن ارتۋ ۇيەگىنىڭ اناعۇرلىم كوپ تىرەكتەرىن جەتىلدىرۋ، مەملەكەتتىڭ ەكولوگيالىق حاۋىپسىزدىك قالتقىسىن بەكەمدەۋ، ەرەكشە تيپتەگى وڭىرلەردىڭ دامۋ قابىلەتىن جوعارىلاتۋ، جەرگىلىكتى ورىنداردىڭ قارىز حاۋىپ - قاتەرىن جويۋ مەن ورنىقتى دامۋىن ءبىر تۇتاس ويداعىداي جوسپارلاۋ كەرەك. ىشكە، سىرتقا ەسىك اشۋدى كەڭەيتىپ، ەل ىشىندەگى باسقا وڭىرلىك ستراتەگيالارمەن ىرىقتى تۇردە ۇشتاسىپ، حالىقارالىق اينالىممەن بەلسەنە توعىسىپ، باتىس بولەكتىڭ دامۋ قوزعاۋشى كۇشىن، ومىرشەڭدىك كۇشىن ارتتىرۋ كەرەك.
ديڭ شۋەشياڭ سوزىندە مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا دامۋ تانىمىن تولىق، دۇرىس، جاپپاي دايەكتىلەندىرىپ، ساپالى دامۋ مەن جوعارى دەڭگەيدە قورعاۋدى ءبىر تۇتاس جوسپارلاپ ىلگەرىلەتىپ، باتىس بولەكتى قاۋىرت اشۋدىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك. مەملەكەتتىڭ ەكولوگيالىق حاۋىپسىزدىگىن قورعاۋ كەلەلى بورىشىن ويداعىداي ارقالاپ، ەكولوگيانى قورعاۋدى جانە قالپىنا كەلتىرۋدى كۇشەيتىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن ارتتىرۋ كەرەك. لاستانۋدان ساقتانۋ - وڭاۋدان قامال الۋ شايقاسىن ۇزدىكسىز ىشكەرىلەي جۇرگىزىپ، لاستانۋدى دالمە - ءدال، عىلمي، زاڭ بويىنشا وڭاۋدا تاباندى بولىپ، ەكولوگيالىق ورتانىڭ ساپاسىن ۇزدىكسىز جاقسارتۋ كەرەك. دامۋ تاسىلىندە جاسىل، تومەن كومىرتەكتى بولۋعا بۇرىلىس جاساۋدى جەدەل ىلگەرىلەتىپ، جاڭا ساپالى وندىرگىش كۇشتەردى جەرگىلىكتى جاعدايعا قاراي دامىتىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋدى بەلسەنە، ورنىقتى ىلگەرىلەتۋ كەرەك.
لي گانجيە، حى ليفىڭ، ۋ جىڭلۇڭ، مۋ حۇڭ، جياڭ شينجى اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى ورىندارداعى، قاتىستى كاسىپورىندارداعى جاۋاپتى جولداستار اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
