سىرتقى ىستەر مينيسترلىگى: ەۆروپا جاقتى ورىنسىز سوققى بەرۋدى توقتاتىپ، جۇڭگو كاسىپورىندارىن ورىنسىز قىسپاققا الۋدى، شەكتەۋدى توقتاتۋعا قۋزايمىز
2024.04.25 13:45 كەلۋ قاينارى : حالىق تورابى
4 – ايدىڭ 24 – كۇنى، سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين كەزەكتى تىلشىلەر جينالىسىن باسقاردى. ءبىر ءتىلشى ەۆروپا وداعىنىڭ 4 – ايدىڭ 24 – كۇنى تاڭەرتەڭ جۇڭگونىڭ ەمدەۋ اسپاپتارىن ساتىپ الۋ جونىندەگى بازارعا كىرۋ رۇقساتىن تەكسەرەتىنىن جاريالاعاندىعى جونىندە سۇراۋ قويدى. ۋاڭ ۋىنبين بىلاي دەدى: تاياۋ مەزگىلدەن بەرى ەۆروپا وداعى ەكونوميكا ـ ساۋدا قۇرالى قوبديشاسى مەن ساۋدالىق قۇتقارۋ شارالارىن قايتا ـ قايتا قولدانىپ، قورعانىمپازدىق سيگنالىن تاراتتى، بۇلار جۇڭگو كاسىپورىندارىنا قاراتىلعانىمەن، زياندالاتىنى ەۆروپا وداعىنىڭ وبرازى.ەۆروپا وداعى ەجەلدەن دۇنيە جۇزىندەگى ەڭ اشىق بازار دەپ دارىپتەلىپ كەلەدى، ءبىراق سىرتقى دۇنيە ەۆروپا وداعىنىڭ بىرتىندەپ قورعانىمپازدىققا بەت العانىن كورىپ وتىر. ءبىز ەۆروپا جاقتى بازاردى اشىق ۇستاۋ ۋادەسى مەن ءادىل باسەكە پرينسيبىنە بويسۇنىپ، دۇنيە جۇزىلىك ساۋدا ۇيىمىنىڭ ەرەجەسىن ۇستانىپ، ءتۇرلى سىلتاۋلارمەن جۇڭگو كاسىپورىندارىن ورىنسىز قىسپاققا الۋدى، شەكتەۋدى توقتاتۋعا قۋزايمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
