ورتالىقتىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسى ارناۋلى ارەكەت ورىستەتىپ، ”جەكەلىك مەديالاردىڭ“ كورىلىم ءۇشىن شەكتەن اساتىن ىستەرىن جونگە سالادى
2024.04.24 14:02 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 23 – كۇنى بەيجيڭنەن حابارلايدى. ءتىلشىنىڭ 4 – ايدىڭ 23 – كۇنى ورتالىقتىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسىنەن ۇعىسۋىنشا، اتالعان ورىن سول كۇنى ۇقتىرۋ جاريالاعان، الدا ەلىمىز كولەمىندە ەكى اي بويى ”پاكتەندىرۋ . ’جەكە مەديالارداعى‘ كورىلىم ءۇشىن شەكتەن اساتىن ىستەردى جونگە سالۋ“ ارناۋلى ارەكەتىن ورىستەتىپ، ”جەكەلىك مەديالاردىڭ“ شەكتەن اسىپ قولامتالى تۇيىندەردى قوزداتۋ، قولامتالى تۇيىندەردەن پايدالانۋ، جالعاندى شىنداي سوعىپ، شىن جالعانىن ارالاستىرىپ ”اقپاراتتىق تۇزاق قۇرۋ“ قاتارلى كورنەكتى ماسەلەلەرىنە نازاردى شوعىرلاندىرىپ، الەۋمەتتىك مۇددەگە نەمقۇرايدى قاراعان، الەۋمەتتىك ءتارتىپ پەن تاماشا سالتقا قايشى كەلگەن، الەۋمەتتىك ءتارتىپتى بۇلدىرگەن، كورىلىم ءۇشىن ءتاسىل تالعامايتىن، تيداۋسىز كەتكەن ”جەكە مەديالاردى“ قاتاڭ جونگە سالادى.
ۇقتىرۋدا مىنالار اتاپ كورسەتىلگەن: ارناۋلى ارەكەت بارىسىندا جونگە سالىناتىن ءتۇيىندى ماسەلەلەر مىنالاردى قامتيدى: جالعان اقپاراتتى ءوزى قۇراستىرىپ ءوزى ورىنداۋ، قوعامداعى قولامتالى ماسەلەلەردەن پايدالانعاندا ءتاسىل تالعاماۋ، ءىشىنارا جاعدايدى جالپى جاعداي ساناعان تاقىرىپتاردى شىعارۋ، الەۋمەتتىك ءتارتىپ پەن تاماشا سالتقا قايشى كەلەتىن وبىرازداردى جاراتۋ، ”جاڭا بادىك اقپاراتتاردى“ الباتى تاراتۋ.
ۇقتىرۋدا مىنالار تالاپ ەتىلگەن: قىسقا كەسكىن جانە تىكە تاراتىلىم تەكشەلەرى جالعان – جاساندى اقپاراتتاردى پارىقتاۋ جانە اداقتاۋ تەبىنىن ارتتىرۋى، الەۋمەتتىك ءتارتىپ پەن تاماشا سالتقا قايشى كەلەتىن وبىرازداردى جاراتقان ”جەكە مەديا“ تىركەلگىلەرىن قاتاڭ ءبىرجاقتى ەتۋى كەرەك. تەكشەلەر كىرىس كىرگىزۋ ۇقىعىنا يە بولعان تەكشەلەردىڭ شىنايى سالاۋاتىن ازاماتتىق كۋالىك ءنومىرى قاتارلىلار ارقىلى كۋالاندىرۋى كەرەك. سونىمەن بىرگە، كورىلىمدى باسقارۋ شارالارىن كەمەلدەندىرىپ، كورىلىم ءۇشىن شەكتەن اسقان مازمۇنداردى شىعارعان كۇماندى تەكشەلەر بايقالسا، الدىن الا كورىلىمدى شەكتەۋ شارالارىن قولدانۋى ءارى لەبىز جازۋ، قۇپتاۋ سىندى ىقپالداستىق مازمۇنىنداعى ساندى مالىمەتتەردىڭ ارتۋىن جاعدايعا قاراي ۋاقىتشا توقتاتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
