كەلەسى قادامدا ورنىقتى جۇمىستاندىرۋ جاعىندا مىناداي ءتورت جاقتاعى شارالار ورتاعا قويىلادى
2024.04.24 15:48 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جياڭ لين، حۋاڭ ياۋ 4 – ايدىڭ 23 – كۇنى بەيجيڭنەن حابارلايدى. قازىر ءىشىنارا توپتاردىڭ جۇمىستانۋ جاعىندا قىسىمعا ءدوپ كەلگەنى جونىندە ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جۇمىستانۋدى ىلگەرىلەتۋ مەڭگەرمەسىنىڭ ورىنباسار باستىعى چىن يۇڭجيانىڭ 4 – ايدىڭ 23 – كۇنى ايتۋىنشا، اتالعان مينيسترلىك جۇمىس ورنىن ورنىقتىرۋ، جۇمىس ورنىن مولايتۋ، جۇمىستانۋ ارناسىن كەڭەيتۋ، ءتۇيىندى توپتارعا قولداۋ كورسەتۋ، دالمە – ءدال قىزمەت وتەۋدى كۇشەيتۋ قاتارلى ءتورت ءتۇرلى جاقتاعى شارالاردى قولدانۋ ارقىلى جۇمىستانۋدى ورنىقتىرۋعا جانە دامۋدى ىلگەرىلەتۋگە كۇش سالىپ، تۇتاس جىلداعى جۇمىستاندىرۋ نىساناسىن قۇلشىنا ورىندايدى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى سول كۇنى وتكىزگەن ماۋسىمدىق اقپار جاريالاۋ ماجىلىسىندە چىن يۇڭجيا مىنانى ءبىلدىردى: 1 – ايدان 3 – ايعا دەيىن قالا – قالاشىقتاردا جاڭادان جيىنى 3 ميلليون 30 مىڭ ادامدى جۇمىستاندىرۋ ىسكە اسىرىلىپ، سايكەس مەزگىلدەگىدەن 60 مىڭ ادام ارتتى، جۇمىستاندىرۋ جاعىندا تاماشا باستاما ىسكە اسىرىلىپ، جالپى تۇلعالىق جاقتان ورنىقتىلىقتى ساقتادى.
چىن يۇڭجيا: ”ەكونوميكانىڭ ۇزدىكسىز جاقسارا باستاۋىنا بايلانىستى جۇمىستاندىرۋ قىزمەتىن ويداعىداي ىستەۋگە دە كوپتەگەن ءتيىمدى شارت – جاعدايلار جاراتىلدى“، _ دەيدى، سونىمەن بىرگە، جۇمىستاندىرۋدىڭ جالپى مولشەرى جاعىنداعى قىسىم مەن قۇرىلىمدىق قايشىلىقتار ءالى دە كورنەكتى، ءىشىنارا ەڭبەكشىلەردىڭ قيىنشىلىعى ءالى دە بىرشاما كوپ، ورنىقتى جۇمىستاندىرۋ جاعىندا ءالى دە جاپالى قۇلشىنۋ قاجەت.
كەلەسى قادامدا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇمىس ورنىن ورنىقتىرۋعا، جۇمىس ورنىن مولايتۋعا كۇش سالا قولداۋ كورسەتىپ، جۇمىسسىزدىقتان قامسىزداندىرۋ، جۇمىس ۇستىندە جارالانۋدان قامسىزداندىرۋ قاراجاتىنىڭ مولشەرىن تومەندەتۋ قاتارلى ساياساتتاردى ۇزبەي اتقارىپ، جۇمىس ورنىن ورنىقتىرعاندارعا قاراجات قايتارۋ، ارناۋلى نەسيە بەرۋ، جۇمىستاندىرۋ قوسىمشا قاراجاتىن بەرۋ قاتارلى ساياساتتاردى تياناقتاندىرىپ جانە كەمەلدەندىرىپ، حالىق باسقارۋىنداعى شارۋاشىلىق، ورتاشا، شاعىن، ميكرو كاسىپورىندار قاتارلى ءتۇرلى تيجارات تۇلعالارىنا قولداۋ كورسەتۋدى كۇشەيتىپ، ”تىكەلەي قوسىمشا قاراجات بەرىپ، جەدەل ءبىتىرۋدى“ كۇش سالا ىلگەرىلەتىپ، جۇمىس ورنىن ورنىقتىرۋ ونىمدىلىگىن جاپپاي ارتتىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
