شي جينپيڭ تۇڭعىش كەزەكتى ”جۇڭگو - لاتىن امەريكاسى جانە كارايب ەلدەرى عارىش سەلبەستىك تالقىسىنا“ قۇتتىقتاۋ حاتىن جولدادى

2024.04.25 16:42 كەلۋ قاينارى : حالىق تورابى

　　شينحۋا اگەنتتىگى، 4 – ايدىڭ 24 – كۇنى، بەيجيڭ. 4 - ايدىڭ 24 - كۇنى مەملەكەت ءتوراعاسى شي جينپيڭ تۇڭعىش كەزەكتى ”جۇڭگو - لاتىن امەريكاسى جانە كارايب ەلدەرى عارىش سەلبەستىك تالقىسىنا“ قۇتتىقتاۋ حاتىن جولدادى.

　　شي جينپيڭ بىلاي دەپ اتاپ كورسەتتى: بيىل − مەنىڭ لاتىن امەريكاسىنداعى ەلدەردىڭ باسشىلارىمەن بىرگە جۇڭگو - لاتىن امەريكاسى جانە كارايب ەلدەرى ورتاق تۇلعاسى تالقىسىن قۇرۋدى جاريالاعانىمىزدىڭ 10 جىلدىعى. 10 جىلدان بەرى جۇڭگو - لاتىن امەريكاسى تالقىسى جۇلگەسىندە جۇڭگو مەن لاتىن امەريكاسىنىڭ ءار سالاداعى دوستىق سەلبەستىگى قارىشتاپ دامىپ، جۇڭگو - لاتىن امەريكاسى قارىم - قاتىناسىنىڭ تەڭ، ءوزارا ءتيىمدى، جاڭالىق جاراتاتىن، اشىق، حالىققا ءتيىمدى جاڭا داۋىرگە ءوتۋىن ىلگەرىلەتتى. مەن تاياۋ جىلداردان بەرى جۇڭگو مەن لاتىن امەريكاسىنىڭ عارىش سەلبەستىگىندە سۇبەلى تابىستارعا قول جەتكىزگەنىن قۋانىشپەن كوردىم. ەكى جاق الىستان اڭعارۋ جاساندى سەرىگى، حابارلاسۋ جاساندى سەرىگى جانە شالعاي كەڭىستىك بەكەتى تورابى سياقتى سالالارداعى سەلبەستىكتە ۇزدىكسىز تىڭ ىلگەرىلەۋشىلىككە قول جەتكىزىپ، عىلىم - تەحنيكانىڭ العا باسۋىن ىلگەرىلەتۋدە، وڭىرلىك ءوزارا بايلانىستى كۇشەيتۋدە، حالىقتىڭ ىرىس - قۇتىن ارتتىرۋدا ماڭىزدى رول اتقاردى. جۇڭگو لاتىن امەريكاسىنداعى جانە كارايب رايونىنداعى ەلدەرمەن بىرگە تۇڭعىش كەزەكتى جۇڭگو - لاتىن امەريكاسى عارىش سەلبەستىك تالقىسىن باستاما ەتىپ، جوعارى دەڭگەيدەگى جۇڭگو - لاتىن امەريكاسى عارىش سەلبەستىك سەرىكتەستىك قارىم - قاتىناسىن ورناتىپ، عارىش تەحنيكاسىنىڭ ەكى جاق حالقىن اناعۇرلىم ويداعىداي يگىلىككە كەنەلتۋىن جەبەپ، جۇڭگو مەن لاتىن امەريكاسىنىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتۋدى قالايدى.

　　تۇڭعىش كەزەكتى ”جۇڭگو - لاتىن امەريكاسى جانە كارايب ەلدەرى عارىش سەلبەستىك تالقىسى“ 4 - ايدىڭ 24 - كۇنى حۋبەيدىڭ ۋحان قالاسىندا اشىلدى، تالقىنى جۇڭگو مەملەكەتتىك عارىش مەكەمەسى مەن حۋبەي ولكەلىك حالىق ۇكىمەتى بىرگە وتكىزدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved