شي جينپيڭ چۇڭچيڭدە قىزمەت تەكسەرگەندە بىلاي دەپ دارىپتەدى
رەفورما جاساپ، ەسىك اشۋدى اناعۇرلىم جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ چۇڭچيڭ تاراۋىن ۇزدىكسىز جازۋ كەرەك
ساي چي قىزمەت تەكسەرۋدە بىرگە بولدى
2024.04.25 16:40 كەلۋ قاينارى : حالىق تورابى
 |
4 - ايدىڭ 22 - كۇنىنەن 24 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەر كوميتەتىنىڭ ءتوراعاسى شي جينپيڭ چۇڭچيڭدە قىزمەت تەكسەردى. سۋرەتتە: 4 – ايدىڭ 22 – كۇنى تۇستەن كەيىن شي جينپيڭ چۇڭچيڭ حالىقارالىق زات اينالىمى تورابى باقشا رايونى چۇڭچيڭ تەمىر جول توبى تيەۋىش قوراپ ورتالىق پۋنكتىندە جۇك اۆتوموبيلى شوفەرى، پويەز شوفەرى، تيەۋ – ءتۇسىرۋ قىزمەتكەرلەرى، بەكەت - الاڭ باسقارۋشىلارى قاتارلىلارمەن ىقىلاسپەن اڭگىمەلەسۋدە.
سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
|
«حالىق گازەتى»، 4 – ايدىڭ 24 – كۇنى، چۇڭچيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەر كوميتەتىنىڭ ءتوراعاسى شي جينپيڭ جاقىندا چۇڭچيڭدە قىزمەت تەكسەرگەندە بىلاي دەپ دارىپتەدى: چۇڭچيڭ جاڭا ءداۋىر، جاڭا جورىقتا پارتيانىڭ وزەكتى مىندەتىن جانە پارتيا ورتالىق كوميتەتى جۇكتەگەن بورىشتى وتەۋدە سالىستىرمالى ابزالدىقتى، سوڭىنان دامۋ ابزالدىعىن تولىق ساۋلەلەندىرىپ، رەفورما جاساپ، ەسىك اشۋدى اناعۇرلىم جاپپاي تەرەڭدەتىپ، جاڭا دامۋ ارناسىنا ىرىقتىلىقپەن قىزمەت وتەپ جانە ونىمەن توعىسىپ، ساپالى دامۋدى كۇش سالا ىلگەرىلەتىپ، جاڭا داۋىردەگى باتىس بولەكتى قاۋىرت اشۋدىڭ ماڭىزدى ستراتەگيالىق تىرەگىن، ىشكى قۇرلىقتىق ەسىك اشۋ جالپىلىق تورابىن كۇش سالا قۇرىپ، ”ءۇش رولدى“ ساۋلەلەندىرۋدە اناعۇرلىم زور تىڭ ناتيجە جاراتىپ، جۇڭگو ۇلگىسىندەگى وسىزامانداندىرۋدىڭ چۇڭچيڭ تاراۋىن جازۋعا ۇزدىكسىز قۇلشىنۋى كەرەك.
4 - ايدىڭ 22 - كۇنىنەن 24 - كۇنىنە دەيىن شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، چۇڭچيڭ قالالىق پارتكومنىڭ شۋجيى يۋان جياجۇننىڭ جانە قالا باستعى حۋ حىڭحۋانىڭ سەرىك بولۋىندا، زات اينالىم باقشا رايونى، قالا الەۋمەتتىك رايونى، سيفرلانعان قالا اينالىمى جانە باسقارۋ ورتالىعى سياقتى جەرلەردە ىشكەرىلەي تەكسەرىپ - زەرتتەۋ جۇرگىزدى.
4 - ايدىڭ 22 - كۇنى تۇستەن كەيىن شي جينپيڭ الدىمەن چۇڭچيڭ حالىقارالىق زات اينالىمى تورابى باقشا رايونىن كوزدەن كەشىردى. ول باتىس بولەك قۇرلىق - تەڭىز جاڭا ارناسى چۇڭچيڭ ۋشۇي پورتى تيجارات اينالىمى ورتالىعىنا بارىپ، جاڭا ارنا قۇرىلىسىنىڭ جاعدايى جونىندەگى مالىمەتتى تىڭدادى. شي جينپيڭ بىلاي دەپ دارىپتەدى: زات اينالىمى − ناقتى ەكونوميكانىڭ ارقاۋى. باتىس بولەك قۇرلىق - تەڭىز جاڭا ارناسىن قۇرۋ ”قۇرلىق - تەڭىز جانە ءىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ءوزارا كومەكتەسەتىن“ سىرتقا ەسىك اشۋ جاعدايىن قالىپتاستىرۋدى ىلگەرىلەتۋدە ماڭىزدى مانگە يە. قاتىستى جاقتار ءبىر نيەتپەن سەلبەسىپ، وسى بوگەنايلىق نىساندى ويداعىداي قۇرىپ، ويداعىداي ىسكە قوسىپ، باتىس بولەك پەن ىشكى قۇرلىقتىق ءوڭىردى جوعارى دەڭگەيدە سىرتقا ەسىك اشۋعا باستاۋى كەرەك.
وسىدان كەيىن شي جينپيڭ چۇڭچيڭ تەمىر جول تيەۋىش قوراپ ورتالىق پۋنكتىنە بارىپ، زاتتاردى جيناۋ - جونەلتۋ، تاسىمال جولى، اينالىم وزىندىك قۇنى جانە ونىمدىلىگى سياقتى جاقتارداعى تانىستىرۋلاردى تىڭداپ، جۇك اۆتوموبيلى شوفەرى، پويەز شوفەرى، تيەۋ – ءتۇسىرۋ قىزمەتكەرلەرى، بەكەت - الاڭ باسقارۋشىلارى قاتارلىلارمەن ىقىلاسپەن اڭگىمەلەسىپ، ولاردىڭ قىزمەت كۇشەمەلىلىگى، ەڭبەك قورعاۋى، مەرەكە – دەمالىس كۇندەرىندەگى دەمالىسى جانە كىرىس جاعدايلارىن سۇرادى. شي جينپيڭ شي جينپيڭ بىلاي دەدى: سىزدەر زات اينالىمىنىڭ ءبىرىنشى شەبىندە، سونداي - اق سىرتقا ەسىك اشۋدىڭ ءبىرىنشى شەبىندە تۇرسىزدار، سىزدەردىڭ قاجىرلى ەڭبەكتەرىڭىزدىڭ ارقاسىندا كوپتەگەن تاۋار تاۋ - تەڭىزدەن ءوتىپ، دۇنيە جۇزىنە بەت الدى، سىزدەردىڭ قىزمەتتەرىڭىز ەرەكشە ءماندى بولۋدا. باتىس بولەكتى قاۋىرت اشۋدى ىلگەرىلەتۋدە، باتىس بولەكتى قاۋىرت اشۋدى جەبەۋدە زات اينالىمى ەرەكشە ماڭىزدى، كوپشىلىك جالعاستى قۇلشىنىپ، ۇزدىكسىز جاڭا ناتيجەلەر جاراتىپ، جاڭا ۇلەستەر قوسۋى كەرەك.
شي جينپيڭ تاعى چۇڭچيڭنىڭ چىڭدۋ - چۇڭچيڭ ءوڭىرى قوس قالا ەكونوميكا شەڭبەرى قۇرىلىسىن ىلگەرىلەتۋ جاعدايىنان مالىمەتتى تىڭداپ، چۇڭچيڭ عىلىم - تەحنيكادا جاڭالىق جاراتۋ جانە كاسىپ سالاسىن دامىتۋ جەتىستىكتەرى كورمەسىن ەكسكۋرسيالادى. شي جينپيڭ مىنانى ءبىلدىردى: چىڭدۋ - چۇڭچيڭ ءوڭىرى قوس قالا ەكونوميكا شەڭبەرىن قۇرۋ − پارتيا ورتالىق كوميتەتى جاساعان كەلەلى ستراتەگيالىق شەشىم. چۇڭچيڭ، سىچۋان ەكى جەر تىعىز سەلبەسىپ، دامۋ قابىلەتىن ۇزدىكسىز جوعارىلاتىپ، جاڭا داۋىردەگى باتىس بولەكتىڭ ”قوس قالا جىرىن“ بىرگە اسقاقتاتا شىرقاۋى كەرەك. تىرەكتى كاسىپ سالاسى − جاڭاشا وندىرگىش كۇشتەردى دامىتۋدىڭ نەگىزگى شەبى. چۇڭچيڭدە جاساۋ كاسىبىنىڭ وزىندىك قۇرىلىمدىق ەرەكشەلىگى، سايكەستى ابزالدىعى بار، چۇڭچيڭنەن عىلىم - تەحنيكادا جاڭالىق جاراتۋ سىندى باس بۇيدانى مىقتى ۇستاپ، ابزالدىقتى ساۋلەلەندىرىپ، ولقىلىقتاردى تولىقتاپ، قازىرگى جاعدايدى يگەرىپ، بولاشاقتى كوزدەپ، تاباندىلىقپەن، ۇزاق ۋاقىت ۇلەس قوسىپ، جاساۋ كاسىبىنىڭ ساپالى دامۋىن قۇلشىنا ىلگەرىلەتۋدى ءۇمىت ەتەمىن.
جيۋلۇڭپو رايونى شيەجياۋان ءمالى باسقارماسى مينجۋ قىستاعى الەۋمەتتىك اۋماعى بايىرعى شاعىن رايون ەدى، 2022 - جىلدىڭ باسىندا جاڭالاۋ، وزگەرتۋ نىسانى باستالدى ءارى مەملەكەت بويىنشا قاتىستى سىناق تۇيىنگە ەنگىزىلدى. شي جينپيڭ وسى اراعا كەلىپ، شاعىن رايوندى جاڭالاۋ جانە حالىققا قولايلى قىزمەت وتەۋ جاعدايىن كوزدەن كەشىرىپ، نەگىزگى ساتىنى جونگە سالۋ ونىمدىلىگىن جوعارىلاتۋ، نەگىزگى ساتىنىڭ اۋىرتپالىعىن جەڭىلدەتۋ جاعدايى جونىندەگى تانىستىرۋدى تىڭدادى. ول تاعى الەۋمەتتىك اۋماق اسحاناسىنا بارىپ، تاماقتانىپ جاتقان بۇقارامەن ىقىلاسپەن اڭگىمەلەسىپ، الەۋمەتتىك اۋماق اسحاناسىنىڭ باياندى دامۋىن جۇزەگە اسىرۋعا شابىتتاندىردى. شي جينپيڭ بىلاي دەپ اتاپ كورسەتتى: كونە شاعىن رايونداردى جاڭالاۋ − قالانى جاڭالاۋدىڭ ماڭىزدى ءتۇيىنى ءارى حالىق تۇرمىسى ينجەنەرياسى، ءارى تاريحي ەستەمەنى جانە ەرەكشە بەت - بەينەنى ساقتاۋ، ءارى تۇرعىندار كوڭىل ءبولىپ وتىرعان ءىس جۇزىندىك ماسەلەلەردى شەشۋ كەرەك. وسى جاعىنداعى تابىستى تاجىريبەلەردى قورىتىندىلاپ، جالپىلاستىرىپ، قالىڭ الەۋمەتتىك اۋماق تۇرعىندارىنا اناعۇرلىم ويداعىداي تيىمدىلىك جاساۋ كەرەك. قالانى جونگە سالۋداعى كوپتەگەن قىزمەتتى نەگىزگى ساتى پارتيا ۇيىمى سىندى جاۋىنگەرلىك قامال مەن الەۋمەتتىك اۋماق سىندى تۇعىرعا سۇيەنىپ تياناقتاندىرۋ كەرەك، قالالارداعى الەۋمەتتىك اۋماقتاردىڭ قىزمەت جاۋاپكەرلىگى ىستەرىن ايقىنداپ، بايلىقتىڭ تومەنگە ءتۇسۋىن ۇزدىكسىز ىلگەرىلەتىپ، قىزمەت وتەۋ قۇرىلعىلارىن كەمەلدەندىرىپ، بولەككە ءبولىپ باسقارۋدى، ينفورماتسيالاندىرىپ تىرەك بولۋدى كۇشەيتىپ، الەۋمەتتىك اۋماقتاردى ەگجەي - تەگجەيلى جونگە سالۋ، دالمە - ءدال قىزمەت وتەۋ دەڭگەيىن جوعارىلاتۋ كەرەك.
اتتاناردا الەۋمەتتىك اۋماق تۇرعىندارى جاپا - تارماعاي كەلىپ باس شۋجيدى شىعارىپ قويدى. شي جينپيڭ كوپشىلىككە بىلاي دەدى: جۇڭگو ۇلگىسىندەگى وسىزامانداندىرۋدا حالىق تۇرمىسى − ەڭ زور ءىس. پارتيا مەن ۇكىمەتتىڭ بارلىق قىزمەتى بۇقارانىڭ اناعۇرلىم باقىتتى تۇرمىس كەشىرۋى ءۇشىن. ءار دارەجەلى پارتكومدار مەن ۇكىمەتتەردىڭ حالىق تۇرمىسى ماسەلەسىن شەشۋگە اناعۇرلىم كوپ قازىنا، زات كۇشىن جۇمساپ، ءار جىلى حالىق تۇرمىسىنا قاتىستى ناقتى ىستەردى ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىن ءۇمىت ەتەمىن.
4 - ايدىڭ 23 - كۇنى تۇستەن بۇرىن شي جينپيڭ چۇڭچيڭ قالاسىنىڭ سيفرلانعان قالا اينالىمى جانە باسقارۋ ورتالىعىن كوزدەن كەشىرىپ، جەرگىلىكتى ورىننىڭ قالانىڭ سيفرلانۋىنا بۇرىلىس جاساۋىن جەدەلدەتۋ، ەرەكشە ءىرى قالانى باسقارۋ جاڭا جولىن اشۋدا ىزدەنىس جاساۋ سياقتى جاعدايلاردان بەرگەن مالىمەتىن تىڭداپ، جۇيەلىك قولدانبالى تۇسىندىرمەنى كوردى. شي جينپيڭ بىلاي دەپ اتاپ كورسەتتى: باسقارۋ جۇيەسىن جانە باسقارۋ قابىلەتىن وسىزامانداندىرۋ − جۇڭگو ۇلگىسىندەگى وسىزامانداندىرۋدا بولۋعا ءتيىستى مازمۇن. سيفرلى تەحنيكا ارقىلى دەم بەرۋدى كۇشەيتىپ، قالا باسقارۋدىڭ وسىزاماندانۋىن ىلگەرىلەتۋدە ءىرى ساندى مالىمەت تۇعىرى مەن توراپ جۇيەسىن عىلمي جوبالاپ، قۇرىپ، بىرلەسىپ قولباسشىلىق ەتۋدى جانە ءار جاقتىڭ سايكەسۋىن كۇشەيتىپ، اتقارۋ قۋاتىن شىنايى جوعارىلاتۋ كەرەك. قالا باسقارۋ بارلىق جاققا سايادى، مۇندا، ەڭ اۋەلى، قاي – قاشان دا قام جەپ تۇراتىن جاۋاپكەرلىك سەزىممەن جوبانى ويداعىداي جاساپ، دالمە - ءدال باسقارىپ - تىزگىندەپ، تەز اڭىس قايتارىپ، ءتۇرلى جاعدايلاردى ءونىمدى ءبىر جاقتى ەتىپ، قالانىڭ حاۋىپسىز، ءتارتىپتى اينالىمىنا شىنايى كەپىلدىك ەتۋ كەرەك. سىزدەردىڭ ۇزدىكسىز ىزدەنىپ، جاڭا تاجىريبەلەر توپتاۋلارىڭىزدى ءۇمىت ەتەمىن.
4 - ايدىڭ 24 - كۇنى تۇستەن بۇرىن شي جينپيڭ چۇڭچيڭ قالالىق پارتكوم مەن ۇكىمەتتىڭ قىزمەت مالىمەتىن تىڭداپ، چۇڭچيڭنىڭ ءتۇرلى قىزمەتتەردە قول جەتكىزگەن تابىستارىن تۇراقتاندىردى.
شي جينپيڭ بىلاي دەپ اتاپ كورسەتتى: چۇڭچيڭنىڭ جاساۋ كاسىبىنىڭ نەگىزى ءبىرشاما جاقسى، عىلىم - تەحنيكا، وقۋ - اعارتۋ، دارىندىلار بايلىعى مول، وزىق جاساۋ كاسىبىن تىرەك ەتكەن وسىزاماندانعان كاسىپ جۇيەسىن كۇش سالا قۇرۋ كەرەك. جاساۋ كاسىبىندەگى كەلەلى تەحنيكا جاڭالاۋ، ساپالىلاندىرۋ جانە جابدىقتاردى كەڭ كولەمدە جاڭالاۋ ينجەنەرياسىن ىشكەرىلەي اتقارىپ، ءداستۇرلى كاسىپ سالالارىنىڭ ارتۋ فورماسىندا بۇرىلىس جاساپ، دامۋ ساپاسىن جوعارىلاتۋدى جەدەلدەتىپ، حالىقارالىق وزىق ورەگە جانە باسەكەلىك قۋاتقا يە ستراتەگيالىق جاڭادان گۇلدەنگەن كاسىپ سالاسىن بەلسەنە جەتىلدىرۋ كەرەك. كەلەلى عىلىم - تەحنيكادا قامال الۋدى كۇشەيتىپ، عىلىم - تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ ىشكەرىلەي توعىسۋىن كۇشەيتىپ، جاڭا كاسىپ كۇيىن، جاڭا ۇلگىنى، جاڭا قوزعاۋشى كۇشتى بەلسەنە جەتىلدىرىپ، جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ كەرەك. چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن بەلسەنە ىلگەرىلەتىپ، بۇكىل ەلدىڭ ساپالى دامۋىنىڭ ماڭىزدى ارتۋ ۇيەگى جانە جاڭا قوزعاۋشى كۇش قاينارى بولۋ رولىن اناعۇرلىم ويداعىداي ساۋلەلەندىرۋ كەرەك. جاسىل دامۋدى كۇش سالا ىلگەرىلەتىپ، كوركەم چۇڭچيڭ قۇرىپ، چاڭجياڭ وزەنىنىڭ جوعارعى اعارىنداعى ماڭىزدى ەكولوگيالىق قالتقىنى بەكەمدەۋ كەرەك.
شي جينپيڭ بىلاي دەپ دارىپتەدى: چۇڭچيڭدە باتىلدىقپەن رەفورمانى جاپپاي تەرەڭدەتۋ، جوعارى دەڭگەيدە سىرتقا ەسىك اشۋدى كەڭەيتۋ كەرەك. ”ەكىدەن استە اۋىتقىماۋدا“ تاباندى بولىپ جانە تياناقتاندىرىپ، ءبىر جاعىنان، مەملەكەت مەنشىگىندەگى كاسىپورىندار رەفورماسىن تەرەڭدەتۋدى يگەرىپ، وزەكتى باسەكەلىك قۋاتى كۇشتى مەملەكەت مەنشىگىندەگى كاسىپورىنداردان ءبىر توبىن جەتىلدىرۋ، ەندى ءبىر جاعىنان، حالىقتىق شارۋاشىلىقتىڭ دامۋىن، زورايۋىن جەبەۋدى يگەرىپ، ءتۇرلى تيجارات تۇلعالارىنىڭ ومىرشەڭدىگىن تاسقىنداتۋ كەرەك. مەملەكەتتىڭ ءبىر تۇتاس ءىرى بازار قۇرىلىسىمەن بەلسەنە توعىسىپ، مەملەكەتتىڭ كەلەلى ستراتەگيالارىمەن ىرىقتىلىقپەن توعىسىپ جانە وعان قىزمەت وتەپ، ”ءبىر بەلدەۋ، ءبىر جولدى“ بىرگە قۇرۋدى، چاڭجياڭ ەكونوميكالىق بەلدەۋىن، باتىس بولەك قۇرلىق - تەڭىز جاڭا ارناسىنىڭ ىقپالداسا دامۋىن ىلگەرىلەتۋدە اناعۇرلىم زور رول اتقارۋ كەرەك. جوعارى ولشەمدى حالىقارالىق ەكونوميكا - ساۋدا ەرەجەسىمەن ىرىقتىلىقپەن ۇشتاسىپ، بازارلانعان، زاڭمەن باسقارىلاتىن، حالىقارالانعان بىرەگەي تيجارات - ساۋدا ورتاسىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: چۇڭچيڭ − ەلىمىز بويىنشا قاراستى جەر اۋدانى ۇلكەن، حالىق سانى ەڭ كوپ قالا، حالىق قالاسى تانىمىن ىشكەرىلەي امالياتتا ايگىلەپ، اسقىن ءىرى قالالاردى وسىزاماندانعان باسقارۋ جاڭا جولىن اشۋدا بەلسەنە ىزدەنىس جاساۋ كەرەك. زەيىندەنگەن قالا قۇرىلىسى اياق الىسىن جەدەلدەتىپ، قالا اينالىمىنىڭ جانە باسقارۋدىڭ زەيىندەنگەن ورتالىعىن قۇرىپ، ”امبەباپ ءبىر تۇلعالانعان“ قالانى امبەباپ باسقارۋ ءتۇزىلىس - مەحانيزمىن ورناتىپ، اقاۋسىزداندىرىپ، قالا باسقارۋدى اناعۇرلىم زەيىندەنگەن، اناعۇرلىم جوعارى ءونىمدى، اناعۇرلىم دالمە - ءدال باسقارۋ ارناسىنا ءتۇسىرۋ كەرەك. پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى تىڭعىلىقتى ىلگەرىلەتىپ، جاڭا داۋىردەگى ”فىڭچياۋ تاجىريبەسىندە“ تاباندى بولىپ جانە ونى دامىتىپ، قالا مەن اۋىلدىڭ رۋحاني وركەنيەت قۇرىلىسىن تەرەڭدەتىپ، ەسكى سالت - سانانى وزگەرتۋدى ىلگەرىلەتىپ، تۇتاس قوعامنىڭ وركەنيەت دەڭگەيىن جوعارىلاتۋ، قالا قۇرىلىسىن جاپپاي ىلگەرىلەتۋ، اپاتتان ساقتانۋ، اپات زيانىن ازايتۋ، اپاتتان قۇتقارۋ قۋاتىن ءونىمدى جوعارىلاتۋ كەرەك.
شي جينپيڭ بىلاي دەپ دارىپتەدى: چۇڭچيڭدە ءىرى قالانى، ءىرى اۋىل - قىستاقتى، كەڭ - بايتاق تاۋلى رايوندى، ءىرى سۋ قويماسى رايونىن ءبىر تۇلعالاندىرۋدى، قالا مەن اۋىلدىڭ توعىسپالى دامۋىن كۇش سالا ىلگەرىلەتۋ كەرەك. اۋداندى، رايوندى، قالانى ماڭىزدى دانەكەر ەتكەن جاڭاشا قالا - قالاشىقتاندىرۋ قۇرىلىسىن ءتارتىپتى ىلگەرىلەتىپ، قالانىڭ ونەركاسىپ - ساۋدا كاپيتالى مەن عىلىم - تەحنيكاسىن، دارىندىلارىن اۋىل - قىستاققا جەتكىزۋدى زاڭ بويىنشا ارناعا ءتۇسىرىپ، اۋىل - قىستاقتى جاپپاي كوركەيتۋگە دەم بەرۋ كەرەك. استىق ءوندىرىسىن مىقتى، ناقتى يگەرىپ، ەكولوگيالىق ەرەكشەلىككە يە اۋىل شارۋاشىلىعىن تاۋلى رايون جاعدايىنا قاراي دامىتۋ كەرەك. ”مىڭ قىستاقتا ۇلگى كورسەتۋ، 10 مىڭ قىستاقتى جونگە سالۋ“ ينجەنەرياسىنىڭ تاجىريبەسىن ويداعىداي ۇيرەنىپ، ويداعىداي پايدالانىپ، جەرگىلىكتى جاعدايعا قاراي اۋىل - قىستاق قۇرىلىسىن ورىستەتىپ، نازاردى قازىرگى كەزەڭدەگى شارۋالار بۇقاراسىنىڭ سۇرانىسى كۇشتى، مىقتى يگەرۋگە بولاتىن، ۇدايى بىرنەشە جىل يگەرگەندە عانا ونىمدىلىگىن كورۋگە بولاتىن ءتۇيىندى ناقتى ىستەرگە شوعىرلاندىرىپ، ءاربىر ىستەن ناتيجە شىعارىپ، شارۋالار قاۋىمى سەزىنە الاتىن، ناقتى يگىلىكتەنە الاتىن ەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، ۇلعايتىپ، كولەمدى قايتا كەدەيلەسۋدىڭ تۋىلماۋىنا شىنايى كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ باسشىلىعىندا تيتتەي دە بوساڭسىماي تاباندى بولۋ، پارتيا قۇرىلىسىن كۇشەيتۋ كەرەك. نەگىزگى تاقىرىپتىق تاربيە جەتىستىكتەرىن بەكەمدەپ، ۇلعايتىپ، باياندى مەحانيزم ورناتىپ جانە كەمەلدەندىرىپ، پارتيا مۇشەلەرىنىڭ، كادرلاردىڭ، اسىرەسە، باسشى كادرلاردىڭ ساياسي قابىلەتىن كۇشەيتۋدى، قىزمەت دەڭگەيىن جوعارىلاتۋدى ىلگەرىلەتىپ، شىنايى يگەرىپ، ناقتى ىستەپ، بەلسەنە العا ۇمتىلىپ، جاۋاپكەرلىك ارقالاپ، ناتيجە جاراتۋ كەرەك. فورماشىلدىقتى تۇزەتۋدى ۇزدىكسىز تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ ناتيجە جاراتىپ، شارۋاشىلىق قۇرۋىنا تاماشا شارت - جاعداي ازىرلەۋ كەرەك. پارتيا ءتارتىبىن ۇيرەنۋ تاربيەسىن تىڭعىلىقتى ورىستەتىپ، پارتيا مۇشەلەرىن، كادرلاردى ءتارتىپ پەن ەرەجەنى ساياسي سانالىلىققا، يدەيالىق سانالىلىققا، ارەكەت سانالىلىعىنا شىنايى اينالدىرۋعا جەتەكتەۋ كەرەك. شىرىكتەسۋگە باستان - اياق قارسى تۇرىپ جانە شىرىكتەسۋدىڭ ءوسىپ - ونەتىن ورتاسى مەن شارت - جاعدايىن ۇزدىكسىز الاستاپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
لي گانجيە، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
كەلۋ قاينارى: حالىق تورابى
 |
4 - ايدىڭ 22 - كۇنىنەن 24 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەر كوميتەتىنىڭ ءتوراعاسى شي جينپيڭ چۇڭچيڭدە قىزمەت تەكسەردى. سۋرەتتە: 4 – ايدىڭ 22 – كۇنى تۇستەن كەيىن شي جينپيڭ جيۋلۇڭپو رايونى شيەجياۋان ءمالى باسقارماسى مينجۋ قىستاعى الەۋمەتتىك اۋماعىندا قىزمەت تەكسەرگەندە الەۋمەتتىك اۋماقتاعى بۇقارامەن ىقىلاسپەن اڭگىمەلەسۋدە.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
