انار ءدانى AI ارقىلى ۇيرەندى | كىتاپتار تىزىمدىگىن ساقتاپ الىپ، باس شۋجيعا ىلەسىپ كلاسسيكالىق تۋىندىلاردىڭ تارتىمدىلىعىن سەزىنىڭىز
2024.04.23 16:57 كەلۋ قاينارى : حالىق تورابى
كىتاپ وقۋ — ەجەلدەن بەرى باس شۋجي شي جينپيڭنىڭ ”ەڭ ۇناتاتىن ءىسى“. ول كوپتەگەن ورىنداردا ءوزىنىڭ كىتاپ وقۋمەن قاتىستى حيكايالارىن جانە اسەرىن اڭگىمەلەپ، كوپتەگەن كلاسسيكالىق كىتاپتاردى تانىستىرعان بولاتىن.
4 – ايدىڭ 23 – كۇنى ”دۇنيە جۇزىلىك كىتاپ وقۋ كۇنىنە“ بايلانىستى سىزدەرگە شي جينپيڭ تانىستىرعان ءىشىنارا كىتاپتاردىڭ تىزىمدىگىن ۇسىنامىز، كىتاپتى كوپ وقىڭىز، جاقسى كىتاپتاردى وقىڭىز!
ماركسيزم – لەنينيزم كلاسسيكالىق تۋىندىلارى
«كوممۋنيستىك پارتيانىڭ جارناماسى»، «يمپەرياليزم تۋرالى»، «كاپيتال» ت.ب.
شي جينپيڭنىڭ كىتاپ وقۋدان العان اسەرى: «كوممۋنيستىك پارتيانىڭ جارناماسى» — باي مازمۇندى نازاريالىق اسىل قازىنا، نازاريالىق جاقتا كوپ جاقتىلى ۇلەس قوسقان كىتاپ، ول قايتالاي ۇيرەنۋىمىزگە، ىشكەرىلەي زەرتتەۋىمىزگە تاتيدى، ودان يدەيالىق جاقتا ۇزدىكسىز ءنار الۋىمىزعا بولادى.
فيلوسوفيا جانە زاڭ سالاسىنداعى كىتاپتار
«تاريحتىڭ قاينارى جانە نىساناسى»، «كەمەلدى ەل»، «ۋتوپيا» ت.ب.
شي جينپيڭنىڭ كىتاپ وقۋدان العان اسەرى: ەرتەدەن قازىرگە دەيىن، جۇڭحۋا ۇلتىنىڭ دۇنيە جۇزىندە بەدەلگە، ىقپالعا يە بولا الۋىنىڭ سەبەبى قارۋدىڭ كۇشىنە سۇيەنۋ، سىرتقا ىرگە كەڭەيتۋگە سۇيەنۋ ەمەس، قايتا جۇڭحۋا مادەنيەتىنىڭ قۇدىرەتتى اسەرى مەن باۋرامپازدىعىنا سۇيەنۋ بولىپ تابىلادى.
بايىرعى كىتاپتار
«چۇنچيۋ»، «جىر كىتابى»، «لۇنيۇي» قاتارلىلار
شي جينپيڭنىڭ كىتاپ وقۋدان العان اسەرى: سول كەزدەرى مەن ”ءۇش ءسوزدى“ (ميڭ داۋىرىندەگى ادەبيەتشى فىڭ مىڭلۇڭ قۇراستىرعان «حالىققا ءناسيحات»، «جالپىعا تاعىلىم»، «وي سالار ماقالدار» دەگەن ءۇش كىتاپتى كورسەتەدى) كۇندە وقۋشى ەدىم، ونداعى كوپتەگەن ناقىل سوزدەردى جاتقا بىلەمىن.
جۇڭگونىڭ وسىزامانعى ادەبيەتى
«جيا داشان ادەبي تۋىندىلار جيناعى»، «جاي عالام»، «شارۋاشىلىق جاراتۋ تاريحى» ت.ب.
شي جينپيڭنىڭ كىتاپ وقۋدان العان اسەرى: مەن كەزىندە داشاننىڭ بىرنەشە اڭگىمەسىن وقىعانمىن، ونىڭ يۋمورلى سوزدەرىنە، فيلوسوفياعا تولى تالداۋىنا، شىنايى دا اسەم سۋرەتتەۋى مەن ءماندى دە وزگەشە تولعامدارىنا ۇنەمى ءتانتى بولاتىنمىن.
شەتەلدىڭ كلاسسيكالىق تانىمال شىعارمالارى
«شەكسپير درامالارى»، «سوعىس جانە بەيبىتشىلىك»، «شال مەن تەڭىز» ت.ب.
شي جينپيڭنىڭ كىتاپ وقۋدان العان اسەرى: شەكسپيردىڭ قالامىنان تۋعان كۇردەلى وقيعالار، ءدال سۋرەتتەلگەن كەيىپكەرلەر، كۇيزەلىستى كوڭىل – كۇي، بارلىعى دا مەنى باۋراپ الدى. جاس كەزىمدە شانشيدىڭ سولتۇستىگىندەگى قۇنارسىز سارى توپىراقتى ۇسترتتە جۇرگەندە ”ءومىر ءسۇرۋ، الدە، قۇرىپ جوعالۋ“ ماسەلەسى جايلى ۇزدىكسىز تولعاناتىنمىن، سوڭىندا مەن وتان ءۇشىن، حالىق ءۇشىن ءوزىمدى ارناۋ سىندى سەنىمدى تىكتەدىم.
ءبىرتۇتاس جوسپارلاۋشى: رىن يلين، نۇرعيسا
جوبانى جاساۋشى: مانەپ، تاڭ سۇڭ
دىبىس بەرۋشى: نۇرعيسا
كەسكىندى جاساۋشى: مانەپ
مازمۇننىڭ كەلۋ قاينارى: حالىق گازەتى، ورتالىق تەلەۆيزيا اقپارات ارناسى، شينحۋا تورابى قاتارلىلار
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
