جۇمىسشى – قىزمەتكەر قابىلداۋ جانە ىستەتۋ جاعىنداعى كورنەكتى ماسەلەلەردى شوعىرلى تۇردە جونگە سالۋ ارەكەتى جۋىردا باستالادى
2024.04.24 15:50 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جياڭ لين، حۋاڭ ياۋ 4 – ايدىڭ 23 – كۇنى حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى ەڭبەك قارىم – قاتىناسى مەڭگەرمەسىنىڭ باستىعى لي شينۋاڭنىڭ 4 – ايدىڭ 23 – كۇنى ايتۋىنشا، اتالعان ورىن جۋىردا ەڭبەكشىلەردى ىستەتۋدى جۇيەلىلەندىرۋ جانە ادام كۇشى بايلىعى بازارىنىڭ ءتارتىبىن جونگە سالۋ ارناۋلى ارەكەتىن ورىستەتىپ، ەڭبەكشى ىستەتۋ جانە ادام كۇشى بايلىعى بازارىندا ساقتالىپ وتىرعان كورنەكتى ماسەلەلەردى شوعىرلى تۇردە جونگە سالىپ، كاسىپورىندارعا جەتەكشىلىك ەتۋدى كۇشەيتىپ، ەڭبەكشىلەردىڭ زاڭدى ۇقىق – مۇددەسىن قورعاپ، ەڭبەكشىلەردىڭ جۇمىستانۋىنا تاماشا ورتا جاراتادى.
لي شينۋاڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ سول كۇنى اشىلعان ماۋسىمدىق اقپار جاريالاۋ ماجىلىسىندە جوعارىداعى جاعدايدى تانىستىرعان. ونىڭ ايتۋىنشا، جۋىرداعى جىلداردان بەرى، ەڭبەك جاعىنداعى قارىم – قاتىناس جالپى جاقتان جاراسىمدىلىق پەن ورنىقتىلىقتى ساقتاعان. الايدا، سونىمەن ءبىر ۋاقىتتا، ەڭبەكشىلەردىڭ زاڭدى ۇقىق – مۇددەسىنە زيان جەتكىزەتىن ماسەلەلەردىڭ دە ۇنەمى تۋىلىپ وتىراتىنىن، ەڭبەك جاعىنداعى جاراسىمدى قارىم – قاتىناستى قالىپتاستىرۋدىڭ تىڭ جاعدايلارعا، جاڭا ماسەلەلەرگە ءدوپ كەلىپ وتىراتىنىن دا كورە ءبىلۋىمىز كەرەك.
لي شينۋاڭ: ”ءبىز الدا قاتىستى جاقتارمەن بىرگە ەڭبەك جاعىنداعى قارىم – قاتىناستى سايكەستىرۋ مەحانيزمىن، داۋ – شاردى ءبىرجاقتى ەتۋ، اكىمشىلىك جاقتان جەتەكشىلىك ەتۋ جانە باقىلاۋ جاعىندا زاڭ اتقارۋ مەحانيزمىن اناعۇرلىم كەمەلدەندىرىپ، نەگىزگى ساتىداعى ەڭبەك جاعىنداعى قارىم – قاتىناسقا ساياتىن ءۇش جاقتى جاراستىرۋ مەحانيزمىنىڭ قۇرىلىسىن كۇشەيتىپ، ەڭبەكشىلەردى قامتاماسىزداندىرۋعا ساياتىن باقىلاۋ جانە زاڭ اتقارۋدى كۇشەيتەمىز، سونىمەن بىرگە، كاسىپورىنداردىڭ جۇمىسشى – قىزمەتكەرلەردى زاڭ بويىنشا ىستەتۋ تانىمى مەن ەڭبەكشىلەردىڭ زاڭ بويىنشا ۇقىعىن قورعاۋ تانىمىن ارتتىرامىز”، _ دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
