لياۋنيڭ ساقشى جاعى اقشا تاسۋ اۆتوكولىگىن توناۋ دەلوسىن 8 ساعاتتا انىقتادى

2016.09.08 14:38   كەلۋ قاينارى : حالىق تورابى

　　حالىق تورابى، 8 – قىركۇيەك، بەيجيڭ. شينحۋا اگەنتتىگىنىڭ حابارلاۋىنشا، لياۋنيڭ ولكەلىك قوعام حاۋىپسىزدىگى مەڭگەرمەسىنىڭ ەڭ جاڭا مالىمەتىنە قاراعاندا، 7 – قىركۇيەك كۇنى ساعات 13تە يىڭكوۋ قالاسىنا قاراستى داشىچياۋ قالاسىندا اقشا تاسۋ اۆتوكولىگىن توناۋ دەلوسى تۋىلعان. ولكەلىك، قالالىق قوعام حاۋىپسىزدىك ورگاندارىنىڭ كۇش سالۋىمەن، سول كۇنى كەشكى ساعات 9دا قىلمىس كۇماندىسى لي XX ۇيىندە قولعا ءتۇستى. سونىمەن، بۇل دەلونى تەك 8 ساعات ۋاقىت ىشىندە ءساتتى تۇردە انىقتاپ شىقتى.

　　ۇعىسۋعا قاراعاندا، قىلمىس كۇماندىسى لي XX ەر، 35 جاستا، يىڭۆوۋ قالاسىنداعى بەلگىلى كۇزەتتى تاسىمالداۋ سەرىكتىگىنىڭ توقتامدى شوفەرى. 7 – قىركۇيەكتە لي XX اۆتوكولىكتى جۇرگىزىپ، كۇزەتتى تاسىمالداۋ سەرىكتىگىنىڭ 4 ادامىمەن بىرگە يىڭكوۋ قالالىق اۋىل شارۋاشىلىق بانكەسىنەن 35 ميلليون يۋان حالىق اقشاسىن شىعارىپ، داشىچياۋ قالالىق اۋىل شارۋاشىلىق بانكەسىنە قاراي جولعا شىققان. داشىچياۋ قالاسىنداعى شيڭحى گوباۋ الەۋمەتتىك وڭىرىندەگى جولعا كەلگەندە، لي XX ناگانعا ۇقسايتىن (ءوزىنىڭ ايتۋىنشا ويىنشىق ناگان ەكەن، ساقشى جاق انىقتاۋ ۇستىندە) قۇرالدان پايدالانىپ، 6 ميلليون يۋان حالىق اقشاسىن بۇلاپ اكەتكەن. ساقشى جاقتىڭ كۇش سالۋىندا، بۇلانعان 6 ميلليون يۋان تۇگەلىمەن قايتارىپ الىندى.

　　بۇل دەلو قازىر ىشكەرىلەي انىقتالۋ ۇستىندە.

　　كەلۋ قاينارى: حالىق تورابى