جەلەكتىلەردىڭ كەستە تىگۋ ونەر جارىسى وتكىزىلدى

2014.08.25 15:43   كەلۋ قاينارى : حالىق تورابى

　　ەرىكتى ءتىلشى سەرىك يمانقان ۇلى حابارلايدى. جاقىندا بۋرىلتوعاي اۋدانىنداعى كەستەشىلەردىڭ تۇڭعىش كەزەكتى ءجۇز ادامدىق ونەر باسەكەسى اۋداندىق جاس وسپىرىمدەر قيمىل ورتالىعىندا دابىرالى ءوتتى. اۋدانعا قاراستى ءتورت اۋىل، ەكى قالاشىقتان كەلگەن بارماعىنان بال تامعان جۇزگە جۋىق شەبەر كەستەشى ونەر كورسەتتى. وسى رەتكى ونەر سايسىنا قاتىناسقان شەبەرلەر بەلگىلەنگەن ولشەمدەگى حانزۋشا «پاك» ءارىبىن جانە «جۇڭگو ارمانى» «ىنتىماق بىرلىك» قاتارلى حانزۋشا سوزدەردى ايشىقتى كەستەلەپ، ورەلى ونەرلەرىن بايقاتتى.

　　ۇعىسۋعا قاراعاندا، اتالعان اۋداندا 2012 - جىلدان قازىرگە دەيىن قولونەر، ۇلتتىق كەستەشىلىك، مانەرلى بۇيىم، ءبىز كەستە، توقىماشىلىق سياقتى ءتۇرلى ونەرگە باۋلۋ جانە دارالىق قابىلەتىن جەتىلدىرۋ كۋرستارى اشىلىپ، تاربيەلەنگەندەر 2253 ادام -رەتكە جەتكەن، مۇنىڭ ىشىندە قازاق تىلىندە تاربيەلەۋ كۋرسىنە قاتىناسقاندار 1302گە جەتكەن، وسىنىڭ ناتيجەسىندە اۋدان كولەمىندەگى ءار ۇلت ايەلدەرىنىڭ قولونەر شەبەرلىگى جالپى بەتتىك جوعارىلاۋمەن بىرگە، وسى رەتكى جارىستىڭ تابستى بولۋىنا بەرىك نەگىز قالاعان ەكەن. سۋرەتتە: ايتۋلى شەبەرلەر ونەر باسەكەسىندە

　　كەلۋ قاينارى: حالىق تورابى